«Тоҷикстандарт» вуруди 24 549 кг чойи хушки пастсифатро ба ҷумҳурӣ пешгирӣ намуд
ДУШАНБЕ, 27.08.2020. /АМИТ «Ховар»/. Воридоти 24 549 кг чойи хушки сиёҳ аз ҷониби Агентии стандартизатсия, метрология, сертификатсия ва нозироти савдои назди Ҳукумати Ҷумҳурии Тоҷикистон («Тоҷикстандарт») пешгирӣ гардида, тибқи низоми «Реэкспорт» аз қаламрави ҷумҳурӣ берун бароварда шуд, хабар медиҳад АМИТ «Ховар» бо истинод ба Агентии «Тоҷикстандарт».
Чанде қабл аз ҷониби ҶДММ «Мирзо Анвар» (вилояти Суғд, н. Спитамен), ки тавассути дидбонгоҳи гумрукии Панҷи Поён 24 549 кг чойи хушки сиёҳ ворид намудааст, ба Маркази ташхисии Агентии «Тоҷикстандарт» барои гузаронидани корҳои сертификаткунонӣ дархост ворид гардид.
«Дар раванди гузаронидани ташхиси намунаи маҳсулоти мазкур, ки тибқи санад ба Маркази ташхисии Агентӣ пешниҳод гардида буд, муайян карда шуд, ки намунаи чойи хушк аз рўи сифат ва бехатарӣ ба талаботи ҳуҷҷати меъёрӣ – ГОСТ 32573-2013 «Чойи сиёҳ. Шартҳои техникӣ» ва Регламенти техникии Ҷумҳурии Тоҷикистон «Тамғагузории маҳсулоти хӯрокворӣ» мутобиқ нест. Бо дарназардошти ин дар ҳамкорӣ бо намояндагони Хадамоти гумрук миқдори умумии чойи воридгардида, ки 24 549 кг-ро ташкил медод, тибқи низоми «Реэкспорт» аз қаламрави ҷумҳурӣ берун бароварда шуд», — илова намуд манбаъ.
Масъулини Агентии «Тоҷикстандарт» зимни суҳбат ба мухбири АМИТ «Ховар» иброз доштанд, ки дар самти пешгирӣ намудани воридоти маҳсулоти пастсифат ва ба саломатӣ хатарнок ва таъмини риояи талаботи ҳатмии ҳуҷҷатҳои меъёрии техникӣ – регламентҳои техникии Ҷумҳурии Тоҷикистон мунтазам аз ҷониби мутахассисони «Тоҷикстандарт» бо воридкунандагон ва истеҳсолкунандагони маҳсулоти хўрокворӣ корҳои фаҳмондадиҳӣ ба роҳ монда мешаванд. «Новобаста ба корҳои тарғиботию фаҳмондадиҳӣ ва таъкидҳои пайваста дар самти ҳимояи ҳуқуқи истеъмолкунандагон то ба ҳол соҳибкороне ҳастанд, ки ба бемасъулиятӣ роҳ дода, маҳсулоти пастсифат, муҳлати истеъмолаш гузашта ва ба талаботи стандартҳо ҷавобгӯ набударо ба фурӯш бароварда, ҳаёт ва саломатии шаҳрвандонро зери хатар мегузоранд. Бо истифода аз фурсат аз соҳибкорону воридкунандагони маҳсулоти ғизоӣ хоҳиш менамоем, ки дар самти ворид намудани молу маҳсулот ба қаламрави мамлакат эҳсосу дарки баланди ватандўстӣ зоҳир намоянд», — тазаккур доданд дар «Тоҷикстандарт».
ЧАРО НАРХИ СӮЗИШВОРӢ ДАР ТОҶИКИСТОН БОЛО РАФТ? Хабарннигори АМИТ «Ховар» бо ин савол ба Хадамоти зиддиинҳисорӣ муроҷиат намуд
16 ОКТЯБР — РӮЗИ ҶАҲОНИИ ҒИЗО. Таъмини амнияти озуқаворӣ аз ҷумлаи ҳадафҳои афзалиятноки стратегии Тоҷикистон ба ҳисоб меравад
Томас Ҷордан ба иқдомҳои Бонки миллии Тоҷикистон дар шароити душвори иқтисоди ҷаҳонӣ баҳои баланд дод
Тоҷикистон дар самти муосиргардонии хизматрасонӣ ба соҳибкорону сармоягузорон муваффақ аст
Гардиши савдои хориҷии Тоҷикистон бо кишварҳои СҲШ 59 фоизро ташкил дод
Доктори илмҳои кишоварзӣ Нуралӣ Асозода: «Меҳргони аҷдодӣ тавонист аз гузаштаҳои дур то имрӯз эътибору манзалати иҷтимоии хешро ҳифз намояд»
Президенти Тоҷикистон: Меҳргон пайванди моро бо решаҳои бостонии миллиамон тақвият бахшид
МЕҲРГОН — МЕРОСИ МАЪНАВИИ НИЁГОН. Дар ноҳияи Рӯшон ҷашни аҷдодӣ бо шукӯҳу шаҳомати хосса таҷлил гардид
Дар Турсунзода бахшида ба Рӯзи соҳибкор ҳамоиш баргузор шуд
Дар Душанбе таҳти унвони «Ҷалби диаспораҳои тоҷикон ва ҳамватанони бурунмарзӣ баҳри рушди кишвар дар давраи баъд аз COVID – 19» конференсияи миллӣ доир гардид
Тоҷикистон ва Туркия ҳаҷми гардиши савдоро ба 1 миллиард $ мерасонанд
ТАЪМИНОТИ БАРҚ МАҲДУД НАШУДААСТ. Шарҳи маркази матбуоти «Барқи тоҷик»
