Аз 1 сентябр мутобиқи Фармони Президенти Тоҷикистон маош, нафақа ва стипендия зиёд мешавад

Сентябрь 1, 2020 14:02

ДУШАНБЕ, 01.09.2020 /АМИТ «Ховар»/. Дар Тоҷикистон аз 1 сентябри соли 2020 маоши хизматчиёни давлатӣ, кормандони мақомоти ҳифзи ҳуқуқ ва мудофиа, инчунин андозаи стипендияҳои донишҷӯён  зиёд карда мешавад.

Дар Тоҷикистон аз 1 сентябр мутобиқи Фармони Президенти Тоҷикистон муҳтарам Эмомалӣ Раҳмон, нафақаҳо, стипендияҳо ва маоши хизматчиёни давлатӣ, кормандони муассисаҳо ва ташкилоти буҷавӣ зиёд карда мешавад, хабар медиҳад хадамоти матбуоти Президент.

Аз 1 сентябри соли 2020 маоши хизматчиёни давлатӣ, аз ҷумла, дар соҳаҳои маориф, тандурустӣ, ҳифзи иҷтимоӣ, илм ва фарҳанг, идоракунии давлатӣ 15% ва маоши кормандони мақомоти ҳифзи ҳуқуқ ва мудофиа — 10% зиёд карда мешавад.

Инчунин андозаи стипендияи донишҷӯён барои таҳсилоти олӣ ва миёнаи касбӣ, ба истиснои стипендияҳои президентӣ, курсантҳои донишгоҳҳои олии ҳарбӣ ва Академияи ВКД — 15% зиёд карда мешавад.

Пешвои миллат муҳтарам Эмомалӣ Раҳмон дар ҷаласаи навбатии Ҳукумати мамлакат дастур доданд, ки тамоми маошҳо ва нафақаҳо, бо дарназардошти афзоиши онҳо сари вақт пардохт шаванд.

Илова бар ин, бо дарназардошти пандемия ва таъсири омилҳои хориҷӣ ба иқтисодиёти мамлакат Президент супориш доданд, ки барои рафъи мушкилоти мавҷуда аз тамоми имконот васеъ ва самаранок истифода шавад.

Ҳамчунин зикр карданд, ки ҳамаи шаҳрвандон бояд барои зимистон ба миқдори кофӣ маҳсулот таҳия ва қоидаҳои меъёрҳои санитариро риоя кунанд.

Ёдовар мешавем, ки тибқи фармони Президент аз 4 август, аз 1 сентябр ҳадди ақалли нафақа низ 15% зиёд карда шуд ва мутаносибан 207 ва 978 сомониро ташкил хоҳад кард. Андозаи нафақаи маъюбии иҷтимоӣ 50% аз ҳадди ақалли нафақа зиёд карда мешавад.

Тибқи ин қарор Сарвари давлат ба ҳамаи вазорату идораҳо супориш доданд, ки фавран барои татбиқи фармон «Дар бораи чораҳои тақвият бахшидани сатҳи ҳифзи иҷтимоӣ ва зиёд кардани музди меҳнати хизматчиёни давлатӣ, кормандони муассисаҳо ва ташкилоти буҷавӣ, нафақа ва стипендия» тадбирҳо андешанд.

Сентябрь 1, 2020 14:02

Хабарҳои дигари ин бахш

Вуруди Резервати биосферии «Ромит» ба Шабакаи ҷаҳонии мамнуъгоҳҳои ЮНЕСКО — рӯйдоди муҳим дар соҳаи экологии Тоҷикистон
ДИПЛОМАТИЯИ ТОҶИКИСТОН: АЗ СУХАНРОНИИ ТАЪРИХӢ ТО ТАШАББУСҲОИ ГЛОБАЛӢ. Эҳдо ба Рӯзи кормандони хизмати дипломатии Тоҷикистон
Президенти Тоҷикистон: «Таъсиси Маркази минтақавии зеҳни сунъиро дар шаҳри Душанбе салоҳи кор мешуморем»
Пиряхҳо ва дигар манбаъҳои обии Тоҷикистон то 60 фоизи захираҳои оби Осиёи Марказиро ташкил медиҳанд
Тоҷикистон дар соҳаи дипломатияи об мавқеи фаъол дорад
Тоҷикистон аз пайомадҳои манфии раванди тағйирёбии иқлим нигарон мебошад
Эмомалӣ Раҳмон: «Қатъномаи махсуси СММ оид ба эълон кардани «Даҳсолаи таҳкими сулҳ ба хотири наслҳои оянда» мавриди баррасӣ қарор дода шавад»
Президенти Тоҷикистон: «Маҷмаи Умумии СММ имконияти эълон намудани Соли байналмилалии маърифати ҳуқуқиро мавриди баррасӣ қарор диҳад»
Муҳаммадҷаъфари Ёҳаққӣ: «Мо раҳбари хирадмандеро меситоем, ки дасти як миллатро бар «Шоҳнома»-и устоди Тӯс кушода кард»
Бо пешниҳоди Тоҷикистон 14 қатъномаи Маҷмаи Умумии СММ оид ба масъалаҳои обу иқлим қабул гардид
БА ҚАДРИ НЕЪМАТИ БЕБАҲО — ИСТИҚЛОЛИЯТИ ДАВЛАТӢ БОЯД РАСИД. Андешаҳои Пешвои миллат дар ин хусус
ИСТИҚЛОЛИ ДАВЛАТӢ БУЗУРГТАРИН ВА МУҚАДДАСТАРИН НЕЪМАТ. Андешаҳои Пешвои миллат доир ба ин неъмати бебаҳо