Дар Душанбе барои доварони санъати камонварӣ курси омӯзишии онлайнӣ баргузор шуд
ДУШАНБЕ, 17.09.2020. /АМИТ «Ховар»/. 14-16 сентябр дар доираи Барномаи «Рушди сохтори варзиши камонварӣ»-и Ҳамбастагии олимпӣ дар Кумитаи миллии олимпии Тоҷикистон барои доварони ин намуди варзиш курси омӯзишӣ баргузор шуд. Дар ин бора намояндаи расмии Кумитаи миллии олимпии Тоҷикистон Умаралӣ Сафаралӣ ба шореҳи варзиши АМИТ «Ховар» Меҳрони Қурбон хабар дод.
Курсро коршиноси дараҷаи байналмилалӣ Ринга Балтруайт тариқи онлайн гузаронд. Дар муддати се рӯз намояндагони вилоятҳои Суғду Хатлон, шаҳрҳои Душанбе ва Турсунзода масъалаҳои муҳими қоидаҳои доварӣ омӯхтанд.
Ду рӯзи аввал ҳамаи зарфияти ташкил ва баргузории мусобиқаҳои сатҳи миллӣ ва байналмилалӣ, талаботи техникӣ ва меъёрҳо барои камонварӣ баррасӣ шуд. Рӯзи сеюм коршинос ба иштирокчиён шароити душвор манзур кард ва онҳо дар асоси қоидаҳои Федератсияи байналмилалӣ қарор қабул карданд. Дар анҷом Ринга Балтруайте ба доварони мо баҳои хуб дода, сатҳи дониши онҳоро баланд арёбӣ кард.
Дар марҳилаи навбатӣ- охири моҳи сентябр ва аввали моҳи октябр курси омӯзишӣ барои мураббиёни намуди камонварӣ ба нақша гирифта шудааст. Қаблан дар доираи барнома дар шаҳрҳои Хуҷанд, Душанбе ва Бохтар барои намояндагони намуди варзиши камонварӣ ҷиҳати рушди сохтори Федератсияи камонварии Тоҷикистон ва таҳияи стратегияи рушди ин намуди варзиш семинарҳо баргузор шуда буданд.
Сармураббии нави дастаи мунтахаби наврасони Тоҷикистон (U-17) оид ба футбол таъйин гардид
Дастаи мунтахаби ҷавонони Тоҷикистон (U-20) оид ба футбол бозии дуюми санҷиширо бо дастаи Лубнон мусовӣ анҷом дод
Дастаи мунтахаби ҷавонони Тоҷикистон (U-20) дар бозии якуми санҷишӣ бар дастаи Лубнон пирӯз шуд
Ҳайати васеи дастаи мунтахаби Тоҷикистон оид ба футбол барои бозиҳои дӯстонаи моҳҳои сентябр ва октябр эълон гардид
Ҳайати дастаи мунтахаби ҷавонони Тоҷикистон (U-20) оид ба футбол барои марҳилаи интихобии Ҷоми Осиё-2027 муайян шуд
Дастаи мунтахаби ҷавонони Тоҷикистон (U-20) оид ба футбол бо дастаи Лубнон бозии санҷишӣ баргузор мекунад
Самбочиёни Клуби марказии варзиши артиши Вазорати мудофиаи Тоҷикистон дар Москва соҳиби ду медали биринҷӣ шуданд
«ФУТБОЛ ВА РУШДИ ОН ДАР ҶУМҲУРИИ ТОҶИКИСТОН». Таҳти чунин унвон китоби иттилоотӣ-омӯзишӣ нашр гардид
Мунтахаби Тоҷикистон дар Чемпионати ҷаҳон оид ба гӯштини миллӣ (гӯштингирӣ) 12 медал ба даст овард
«Регар-ТадАЗ» ба марҳилаи гурӯҳии Лигаи даъвати КФО-2026/27 роҳ ёфт
ҶОМИ ТОҶИКИСТОН-2026. Дастаҳои «Равшан» – «Хуҷанд» ва «Эсхата» – «Сардор» ба даври нимниҳоии мусобиқа роҳ ёфтанд
Дар Чемпионати ҷаҳон оид ба гӯштини миллӣ (гӯштингирӣ) варзишгарони зиёда аз 70 давлати ҷаҳон иштирок менамоянд
