Институти физикаю техникаи Тоҷикистон бо Институти физикаи ядроии Ӯзбекистон Созишномаи ҳамкории илмӣ ба имзо расонд
ДУШАНБЕ, 17.09.2020 /АМИТ «Ховар»/. Байни Институти физикаю техникаи ба номи С.У.Умарови Академияи миллии илмҳои Тоҷикистон ва Институти физикаи ядроии Академияи илмҳои Ҷумҳурии Ӯзбекистон Созишнома оид ба ҳамкории илмӣ ба имзо расид. Дар ин бора ба хабарнигори АМИТ «Ховар» директори Институти физика ва техникаи ба номи С. Умаров Фарҳод Шокир иттилоъ дод.
Ба иттилои олими тоҷик, Созишнома ба роҳ мондани таҳқиқоти илмии якҷояро дар самтҳои афзалиятнок барои рушди Тоҷикистон ва Ӯзбекистон, аз ҷумла дар самти физикаи ядроӣ, физикаи назариявӣ, физикаи ҳолатҳои конденсӣ, оптика, электроникаи квантӣ, муаммоҳои физикӣ-техникии энергетика, татбиқи методҳои таҳқиқоти физикӣ дар соҳаи тиб, методҳои ядроӣ-физикии таҳқиқот, физикаи нурҳои кайҳонӣ ва энергияҳои фавқулбаланд, физикаи нимноқилҳо, шаклбандӣ ва сохтори кристаллҳо, спектроскопия, физикаи сегнетоэлектрикҳо ва диэлектрикҳо пешбинӣ менамояд.
Созишномаи мазкур дар доираи Конференсияи илмию амалӣ, ки 14-15 сентябр таҳти унвони «Саҳми сарварони Тоҷикистон ва Ӯзбекистон дар таҳкими дӯстӣ, ҳамсоягии нек ва эътимод, ифтитоҳи саҳифаҳои нав дар муносиботи шарикии стратегии тоҷикону ӯзбекон» дар шаҳри Душанбе бо иштироки ҳайатҳои ҳукуматӣ ва олимони институтҳои тадқиқотии ҷумҳуриҳои Тоҷикистон ва Ӯзбекистон доир гардид, ба имзо расид.
Дар доираи конференсияи мазкур дар доираи «Бистсолаи омӯзиш ва рушди фанҳои табиатшиносӣ, дақиқ ва риёзӣ дар соҳаи илму маориф» барои солҳои 2020 – 2040 инчунин вохӯриҳои намояндагони институтҳои физика, математика, химия, геология ва техникаи ҳарду давлат доир карда шуд.
«Дар ҷаҳони муосир, таҳқиқот дар соҳаи илмҳои дақиқ дар самти тезонидани пешрафти илмӣ-техникӣ ва таҷрибаи фаровони баргузории тадқиқоти илмӣ дар институтҳои Ҷумҳурии Тоҷикистон ва Ҷумҳурии Ӯзбекистон ба мо имконият медиҳад, ки мушкилоти муосири илмиро якҷоя ҳал намоем, сифат ва умқи таҳқиқоти илмиро мунтазам баланд бардорем»,- гуфт директори Институти физика ва техникаи ба номи С. Умарови Академияи илмҳои Ҷумҳурии Тоҷикистон Фарҳод Шокир.
Дар Донишгоҳи технологии Тоҷикистон даври якуми Озмуни ҷумҳуриявии «Донандаи беҳтарини асарҳои Пешвои миллат» доир гардид
Бахшида ба 35-солагии робитаҳои бародаршаҳрӣ байни Душанбе ва Санкт-Петербург дар Осорхонаи миллӣ намоиши аксҳо ифтитоҳ ёфт
Аъзои ҳайати шаҳри Санкт-Петербург дар Осорхонаи миллӣ бо давраҳои пурифтихори таъриху фарҳанги бостонии тоҷикон шинос шуданд
Дабири кулли САҲА дар Осорхонаи миллии Тоҷикистон бо тамаддуни миллати тоҷик шинос шуд
Рушди ҳамкории фарҳангии Тоҷикистону Қирғизистон баррасӣ шуд
«…МОДАР ЯКТОСТ, ТОҶИКИСТОН ЯКТОСТ…». Ба зодрӯзи Шоири халқии Тоҷикистон устод Лоиқ Шералӣ 85 сол пур шуд
«МЕАНДЕШАМ, ПАС ҲАСТАМ». Таҳти ин унвон намоиши осори Рассоми халқии Тоҷикистон Суҳроб Қурбонов ташкил карда мешавад
Дар Бишкек маросими тантанавии ифтитоҳи Рӯзҳои фарҳанги Ҷумҳурии Тоҷикистон баргузор гардид
Дар Донишкадаи санъати тасвирӣ ва дизайни Тоҷикистон даврҳои омӯзишии «Эбру», 3D ва колиграфия ифтитоҳ шуданд
«ЗЕБОИИ ТОҶИКИСТОН–МЕРОС БАРОИ ОЯНДА». Дар Бишкек намоишгоҳи санъати тасвирии Тоҷикистон ифтитоҳ ёфт
Дар Хуҷанд даври шаҳрии Озмуни ҷумҳуриявии «Тоҷикистон— Ватани азизи ман» оғоз шуд
Рӯзҳои кинои Ҷумҳурии Тоҷикистон дар Ҷумҳурии Қирғизистон ифтитоҳ гардиданд
