Пешвои миллат Эмомалӣ Раҳмон аз боғи интенсивӣ дар ноҳияи Восеъ боздид намуданд

Сентябрь 24, 2020 14:26

ДУШАНБЕ, 24.09.2020 /АМИТ «Ховар»/. Асосгузори сулҳу ваҳдати миллӣ-Пешвои миллат, Президенти Ҷумхурии Тоҷикистон муҳтарам Эмомалӣ Раҳмон зимни сафари кории хеш дар ноҳияи Восеъ аз боғи интенсивии Ҷамъияти дорои маҳсулияти маҳдуди «Хушсифат»-и деҳоти ба номи Миралӣ Маҳмадалӣ боздид ба амал оварда, бо фаъолияти боғпарварон, сабзишу нашъунамои боғи интенсивӣ, ҷамъоварии себ ва намунаи маҳсули дастранҷи кишоварзон шинос гардиданд.

Ба Президенти Ҷумҳурии Тоҷикистон иттилоъ дода шуд, ки боғи мазкур чанд сол қабл бунёд гардида, дар он дарахтони ба шароиту иқлими ин минтақаи кӯҳдоман мувофиқ шинонида шудааст. Имкон аст, ки аз ин боғ ҳосили дилхоҳ ба даст оварда шавад.

Пешвои муаззами миллат муҳтарам Эмомалӣ Раҳмон ба масъулин ва боғпарварон дастур доданд, ки дар оянда ҷиҳати ба маротиб зиёд кардани истехсолоту содироти меваи хуштамъ ва меваи хушк майдони боғи мазкурро васеъ намоянд, зеро аз чунин мавзеъҳои кӯҳдомани мавҷуда истифода намуда, бештар боғҳои интенсивӣ бунёд карда, дар ин замина ҷойҳои кории нав таъсис додан имконпазир аст.

Бо дарназардошти хусусияти хуби биологию истеҳсолӣ ва сари вақт анҷом додани корҳои агротехникӣ дар ин мавзеи кӯҳдоман барои таъмини рушди соҳа ташкили ҷойҳои нави корӣ ва истеҳсоли маҳсулоти содиротӣ дар 24 гектар боғи интенсивӣ бунёд карда шудааст.

Иттилоъ дода шуд, ки боғи интенсивӣ дар асоси тавсияи олимону мутахассисони соҳа бунёд карда шуда, дар баробари себ зиёда аз 7 намуди дарахтони мевадиҳанда, аз қабили олуи сиёҳ, зардолуи мирсанҷалӣ, бодом, хурмо, гелос ва писта парвариш карда мешаванд. Дар боғи мазкур дар як гектар зиёда аз ҳазор бех ниҳол парвариш карда мешавад. Бо андешаи мутахассисон, чунин боғҳо зуд ба самар омада, дар соли сеюм ё чорум аз ҳар ниҳоли себ 15-20 килограмм мева истеҳсол карда мешавад.

Бо мақсади зиёд кардани истеҳсоли маҳсулот ва бо оби полезӣ таъмин кардани боғи интенсивӣ бо дарназардошти шароиту имконияти мавҷуда дар ин мавзеъ  пойгоҳҳои барқии обкашӣ фаъол гардонида шудаанд. Мутахассисони соҳа ба он назаранд, ки бунёди боғи интенсивӣ ва серҳосилии ниҳолҳои мевадиҳанда ба шароиту иқлими чунин мавзеъҳои кӯҳдоман мувофиқ мебошад ва нашъунамои дарахтону афзоиши истеҳсоли маҳсулот нисбат ба боғҳои пешин зиёд хоҳад гардид.

Бо сабаби сари вақт анҷом додани корҳои агротехникӣ сабзишу ҳосилбандии ниҳолҳо хеле беҳтар гардида, солҳои наздик ҳосилнокии ҳар ниҳоли себ ба 20-25 килограммӣ расонида мешавад. Барои дар асоси технология васеъ кардани майдони боғ дар ин мавзеъ парвариши ниҳоли мевадиҳандаи ситрусӣ гармхона мавҷуд аст.

Дар боғи интенсивӣ дар баробари дарахтони мевадиҳанда ҳамчунин дарахтони ороишӣ низ парвариш ёфта, барои боз ҳам зебою дилкаш гардидани ду шафат ва дохили боғи мазкур гулу буттаҳои зиннатбахш шинонида шудаанд. Ҷамъоварию хушк намудани мева дар боғи мазкур идома дорад.

Мутахассисону масъулин мақсад доранд, ки вобаста ба шароиту иқлими ин мавзеъ ва анҷом додани корҳои агротехникӣ ҳосилнокии ҳар гектарро тақвият бахшида, дар оянда аз майдони 4,5 гектар боғи себ қариб 200 тонна ҳосил ҷамъоварӣ намоянд.

Боздид аз боғи интенсивӣ дар ноҳияи Восеъ 24.09.2020

Сентябрь 24, 2020 14:26

Хабарҳои дигари ин бахш

Пешвои миллат Эмомалӣ Раҳмон бо роҳбарони мақомоти ҳифзи ҳуқуқ ва сохторҳои низомӣ машварати корӣ доир намуданд
Суханронии Президенти Ҷумҳурии Тоҷикистон Эмомалӣ Раҳмон дар Конфронси СММ оид ба уқёнус
Сарвари давлат Эмомалӣ Раҳмон бо иштирокдорони Конфронси Созмони Милали Муттаҳид оид ба уқёнус суҳбатҳо анҷом доданд
Президенти Ҷумҳурии Тоҷикистон Эмомалӣ Раҳмон дар Конфронси СММ оид ба уқёнус иштирок намуданд
Президенти Ҷумҳурии Тоҷикистон Эмомалӣ Раҳмон бо Президенти Ҷумҳурии Фаронса Эммануэл Макрон мулоқот намуданд
Президенти Ҷумҳурии Тоҷикистон Эмомалӣ Раҳмон бо Сарвазири Шоҳигарии Камбоҷа Ҳун Манет мулоқот намуданд
Президенти Ҷумҳурии Тоҷикистон Эмомалӣ Раҳмон дар чорабинии сатҳи баланди оғози Даҳсолаи байналмилалии амал оид ба илмҳои яхшиносӣ (криосферӣ), солҳои 2025-2034 иштирок ва суханронӣ намуданд
Президенти Ҷумҳурии Тоҷикистон Эмомалӣ Раҳмон бо сафари корӣ вориди шаҳри Нитсаи Ҷумҳурии Фаронса шуданд
Президенти Ҷумҳурии Тоҷикистон Эмомалӣ Раҳмон ба Ҷумҳурии Фаронса сафар намуданд
Президенти Ҷумҳурии Тоҷикистон Эмомалӣ Раҳмон бо Сарвазири Ҷумҳурии Исломии Покистон Шаҳбоз Шариф суҳбати телефонӣ анҷом доданд
Президенти Ҷумҳурии Тоҷикистон Эмомалӣ Раҳмон ба Президенти тозаинтихоби Ҷумҳурии Корея Ли Ҷе Мюн барқияи табрикӣ ирсол намуданд
Президенти Ҷумҳурии Тоҷикистон Эмомалӣ Раҳмон бо Раиси Ҷумҳурии Исломии Эрон Масъуди Пизишкиён суҳбати телефонӣ анҷом доданд