СУТ: таъсири эмкунӣ бар зидди COVID-19 на пештар аз соли 2022 пурра зоҳир хоҳад шуд
ДУШАНБЕ, 10.09.2020 /АМИТ «Ховар»/. Таъсири амиқи эмкунӣ бар зидди коронавирус дар ҷаҳон на пештар аз соли 2022 пурра зоҳир хоҳад шуд, зеро барои ҳосил шудани эминияти оммавӣ вақт зарур аст. Тавре АМИТ «Ховар» бо истинод ба Хадамоти ахбори СММ хабар медиҳад, ин пешгӯиро зимни брифинг дар Женева корманди калони илмии Созмони умумиҷаҳонии тандурустӣ (СУТ) Сумя Сваминатан иброз намудааст.
«Вақте ки ваксина ба бадан ворид карда мешавад, барои он ки ҳама ё ҳадди ақал 60-70% одамон эминият пайдо намоянд ва мо онро эминияти оммавӣ номем, вақт лозим аст. Ин воқеан интиқоли уфунатро коҳиш медиҳад. Мо дар ин ҳолат на дар бораи маҳви вирус, балки дар бораи коҳиши таъсири муайяни он ба ҷомеа ва ҳаёт сухан меронем. Ва бешубҳа, то соли 2022 вақт лозим аст, ки ин дигаргунӣ мушоҳида шавад», — гуфт Сумя Сваминатан.
Азбаски ваксинаҳое, ки ҳоло дар ҷаҳон коркард мешаванд, бояд санҷида шаванд, инчунин иҷозатнома дарёфт намоянд ва истеҳсоли онҳо оғоз шавад, вай дар мавриди то нимаи соли 2021 ба кишварҳо содир намудани миқдори маҳдуди вояҳо изҳори хушбинӣ намуд. Ҳамзамон коршинос ба пешрафти азим дар гузаронидани санҷишҳои тестӣ барои муайян намудани коронавирус ва пайдо шудани заррачаҳои зидди вирус таваҷҷуҳ намуд.
«Қимати санҷишҳои тестӣ коҳиш меёбад ва мо ба зудӣ хоҳем дид, ки ин озмоишҳо бештар дастрас мешаванд ва ҳатто ҳар кас метавонад худашро санҷиши тестӣ намояд”, — зикр намуд ӯ. Ин боиси тағйир ёфтани стратегияи мубориза бо пандемия хоҳад шуд,- мегӯяд Сумя Сваминатан. Вай ёдовар шуд: ҳарчи зудтар беморӣ ошкор шавад, имконияти табобати дилхоҳи он ҳамон андоза меафзояд. «Маҳз афзоиши дастрасии озмоишҳои тестӣ сабаби коҳиш ёфтани сатҳи маргу мир нисбат ба давраи аввали пандемия гардид», — хулоса кард коршинос.
АКС аз бойгонӣ
Президенти Комиссияи Иттиҳоди Аврупо Урсула фон дер Ляйен аз иқтидори бузурги Неругоҳи азими барқи обии «Роғун»-и Тоҷикистон ёдовар шуд
Президенти Тоҷикистон тавсеаи ҳамкории давлатҳои Осиёи Марказиро бо Иттиҳоди Аврупо дар соҳаи энергетикаи «сабз» аз самтҳои ояндадор номиданд
Эмомалӣ Раҳмон: «Пиряхҳои Тоҷикистон танҳо манбаи об барои минтақа набуда, дар нигоҳдории иқлими минтақа низ нақши муҳим мебозанд»
Инъикоси густурдаи таҷлили Ҷашни байналмилалии Наврӯз бо иштироки Сарони се давлати Осиёи Марказӣ дар расонаҳои хабарии минтақаю ҷаҳон ва шабакаҳои иҷтимоӣ
Эмомалӣ Раҳмон: «Натиҷаҳои вохӯриҳои имрӯзаро мо ҳамчун пайки таҷдид ва оғози марҳилаи сифатан нав дар муносибатҳои се кишвар медонем»
Президенти Тоҷикистон: «Худдорӣ намудан аз ҳама гуна зиёдаравию исрофкорӣ вазифаи ҳар бандаи муъмин дар ҳама ҳолат, аз ҷумла дар айёми ид мебошад»
23 март-Рӯзи ҷаҳонии обуҳавошиносӣ. Дар ҳар се соат ҳавошиносони тоҷик ба Хадамоти ҷаҳонии ҳавошиносӣ маълумот пешниҳод менамоянд
«НАВРӮЗ ДАР АСЛ ҶАШНИ ЗИНДАГИСОЗ АСТ». Иқтибос аз суханрониҳои Президенти Ҷумҳурии Тоҷикистон
ИМРӮЗ-РӮЗИ БАЙНАЛМИЛАЛИИ ҲИФЗИ ПИРЯХҲО. Ҳифзи пиряхҳо аз обшавии босуръат ҳамкории дастҷамъонаи давлатҳо ва созмонҳои байналмилалиро тақозо менамояд
Пешвои миллат: «Тоҷикистони маҳбуби мо воқеан Ватани аслии Наврӯз аст»
Бузургии Зан-Модар- ин олиҳаи ҳаёт ҳамеша вирди забони башарият аст
Рӯзи Модар рамзи эҳтиром ва қадршиносии махсуси давлату ҳукумати Тоҷикистон нисбат ба Зан-Модар мебошад
