Оини ҷавонмардӣ: Маросими қабули савганди ҳарбӣ дар Гвардияи миллӣ
ДУШАНБЕ, 21.10.2020 /АМИТ «Ховар»/. Маросими қабули савганди ҳарбӣ яке аз чорабиниҳои муҳим дар хизмати ҳарбӣ ва лаҳзаи фаромӯшнашаванда дар ҳаёти афсарону сарбозон маҳсуб мешавад. Дар ин росто, имрӯз дар яке аз қисмҳои ҳарбии Гвардияи миллии Ҷумҳурии Тоҷикистон ин маросим тибқи анъанаи низомиён аз ворид намудани Байрақи ҷангӣ оғоз шуда, сипас бо қироати Суруди миллӣ идома ёфт. Дар ҷамъомади тантанавӣ беш аз 200 нафар наваскарон баъди хатми барномаи мукаммали таълимӣ дар Маркази тайёрии кадрҳои Гвардияи миллӣ барои садоқат ба халқу Ватан ва ҳимояи марзу буми аҷдодӣ савганд ёд карданд.
Тавре аз Гвардияи миллии Ҷумҳурии Тоҷикистон ба АМИТ «Ховар» иттилоъ доданд, баъд аз қабули савганди ҳарбӣ наваскаронро муовини аввали Фармондеҳи Гвардияи миллӣ-Сардори Сарситоди Гвардияи миллии Ҷумҳурии Тоҷикистон, генерал-майори гвардия Ҷонибек Ализода бо рӯзи таърихӣ ва лаҳзаи фаромӯшнашавандаи хизмати ҳарбӣ табрик намуда, ба онҳо хизмати содиқонаву софдилона, самаранок аз худ кардани машғулияти таълимӣ ва дар роҳи хизмат ба Ватан комёбӣ, иродаи қавӣ ва ҷасорату мардонагӣ таманно намуд.
Мувофиқи маълумоти Сарситоди Гвардияи миллӣ, маросими даъват ба хизмат дар Гвардияи миллӣ то имрӯз аз ҳисоби ҷавонони худшиносу ватандӯст 87 фоиз анҷом ёфтааст.
Иттилоъ дода шуд, ки аксари наваскарон бо хоҳиши худ хизматро дар сафи Гвардияи миллӣ ихтиёр карда, аллакай оид ба тайёрии ибтидоии ҳарбӣ маълумоти муфассал доранд. Ҳамчунин дар даъвати навбатии ҷавонон ба хизмати ҳатмии ҳарбӣ нафарони зиёде баъд аз хатми муассисаҳои олии мамлакат ба сафи Қувваҳои мусаллаҳи Ҷумҳурии Тоҷикистон пайвастаанд, ки ин аз масъулияти баланди ватандӯстии онҳо дарак медиҳад.
Масъулияти ватандорӣ, ҳисси баланди ҷавонмардӣ ин наваскаронро барои аз худ намудани дарси мардонагӣ, ҷасорату шуҷоат ба ҳам овардааст, то ҳамеша барои ҳимояи дастовардҳои истиқлоли давлатӣ ва нангу ифтихори миллӣ омода бошанд.
Маросими тантанавии қабули савганди ҳарбиро гузашти низомии наваскарон таҳти оҳангҳои ҷаззобу мутантани оркестри ҳарбии Гвардияи миллӣ анҷом бахшид. Қабули савганди ҳарбӣ, хизмати содиқона ба Модар-Ватан нишони садоқат, ифтихору шарафмандӣ, камоли инсонӣ ва беҳтарин оини ҷавонмардонагист, ки аз насл ба насл ҳамчун мероси ниёгон боқӣ мемонад.
ФАРЗАНДОНИ ХУДРО БЕНАЗОРАТ НАГУЗОРЕД! Ҳангоми шиноварӣ қоидаҳои бехатариро бояд риоя намуд
Ҳайати Тоҷикистон дар ҷаласаи вазирони корҳои дохилии давлатҳои аъзои СҲШ дар Бишкек иштирок намуд
Тоҷикистон ва Эрон ҳамкориро дар самти мубориза бар зидди ҷиноятҳои муташаккили фаромиллӣ тақвият мебахшанд
Эмомалӣ Собирзода дар ҷаласаи Шурои вазирони мудофиаи кишварҳои аъзои Созмони Аҳдномаи амнияти дастҷамъӣ иштирок кард
РӮЗИ КОРМАНДОНИ МАҚОМОТИ НАЗОРАТИ МАВОДИ НАШЪАОВАР. Ба ин муносибат ҷаласаи тантанавӣ баргузор гардид
Таҳти унвони «Нақши зеҳни сунъӣ дар рушди Қувваҳои Мусаллаҳ» конференсияи ҷумҳуриявии илмӣ-ҳарбӣ доир шуд
Раёсати ВКД дар вилояти Хатлон: «Таътили тобистона бояд ба давраи тарбия, донишандӯзӣ ва истироҳати солим табдил ёбад»
Юсуф Раҳмон дар Форуми байналмилалии амният ва Вохӯрии байналмилалии намояндагони воломақом иштирок намуд
РӮЗИ ҚӮШУНҲОИ САРҲАДӢ. Афсарону сарбозони ин ниҳод рисолати фарзандии худро дар назди Ватан – Модар ва халқу давлат бо сарбаландӣ адо менамоянд
Котиби Шурои амнияти Тоҷикистон дар Вохӯрии котибони шуроҳои амният дар қолаби «Осиёи Марказӣ – Русия» иштирок намуд
Юсуф Раҳмон дар ҷаласаи Кумитаи котибони шуроҳои амнияти Созмони Аҳдномаи амнияти дастҷамъӣ иштирок намуд
Дар Тоҷикистон нақшаи даъвати баҳорӣ ба сафи Қувваҳои Мусаллаҳ 100 фоиз иҷро шуд
