ҶАБҲАИ БУЗУРГИ СОЗАНДАГӢ ДАР ШАҲРУ ДЕҲОТИ ТОҶИКИСТОН. Соҳибкорони Нуробод ба шарафи ҷашни 30-солагии Истиқлоли давлатӣ 211 иншоот бунёд мекунанд
НУРОБОД, 12.11.2020 /АМИТ «Ховар»/. Ҷиҳати бунёди иншооти таъйиноташон гуногун бахшида ба ҷашни 30-солагии Истиқлоли давлатии Ҷумҳурии Тоҷикистон дар ноҳияи Нуробод 248 иншоот ба нақша гирифта шуда, аз ин 159 адад мавриди истифода қарор гирифтааст. Аз шумораи умумии иншооти ҷашнӣ 37 адад аз ҳисоби буҷети давлатӣ ва 211 адади дигар аз ҳисоби соҳибкорони ватандӯсти маҳаллӣ бунёд мегарданд.
Тибқи иттилои сармеъмори ноҳияи Нуробод Сайхуҷа Таибов, то имрӯз аз ҳисоби соҳибкори маҳаллӣ Абдуҳамид Маҷидов бинои муассисаи таҳсилоти миёнаи умумӣ, иборат аз 8 синфхона барои 120 хонанда дар як баст дар деҳаи Даҳгиёни Ҷамоати деҳоти Муҷихарф ба истифода дода шудааст.
Толори варзишии замонавӣ дар деҳаи Тегирмии Ҷамоати деҳоти Комсомолобод ва майдончаи варзишӣ дар деҳаи Кабутиёни Ҷамоати деҳоти Сафедчашма аз ҳисоби аҳолӣ бунёд карда шуд. Дар сохтмони пули мошингузари деҳаи Тегирмӣ, бунгоҳи тиббӣ ва хатти оби нӯшокӣ барои аҳолии деҳаи Холибеки Ҷамоати деҳоти Хумдон саҳми соҳибкорон Насриддин Ҳамидов, Анваршо Шарифов, Ғиёсиддин Маҳмудов ва Эмом Шеров назаррас мебошад.
Сокинони ноҳияи Нуробод бахшида ба Солҳои рушди деҳот, сайёҳӣ ва ҳунарҳои мардумӣ ҳамчунин сохтмони иншооти зиёдро роҳандозӣ намудаанд. Махсусан ду шафати шоҳроҳи байналмилалии Ваҳдат-Лахшро, ки аз ҳудуди ноҳия мегузарад, тоза намуда, барои муҳайё намудани шароити хуб баҳри сайёҳони дохилию хориҷӣ ошхонаҳо, ҳоҷатхонаҳо, нуқтаи шустушӯ, таъмири мошинҳо ва чашмаобҳо бунёд намудаанд.
35-СОЛАГИИ ИСТИҚЛОЛИ ДАВЛАТӢ. Дар ноҳияи Мир Сайид Алии Ҳамадонӣ мумфаршсозии роҳҳо оғоз гардид
Дар ноҳияи Рашт бинои нави фурудгоҳ бунёд карда мешавад
СОЛИ ОБОДОНИЮ СОЗАНДАГӢ. Дар ноҳияи Кӯшониён муассисаҳои таълимӣ бунёд мегарданд
Дар Хоруғ 72 лоиҳаи сармоягузорӣ ба беҳтарсозии инфрасохтори маҳаллаҳо равона мешавад
Дар ноҳияи Нуробод намоиши сайёри «Инъикоси обу пирях дар асарҳои рассомони Тоҷикистон» ифтитоҳ гардид
Аз водии Рашт то Искандаркӯл: мақомоти шаҳри Душанбе бо ташкили хатсайрҳои сайёҳӣ рушди сайёҳии дохилиро тақвият мебахшад
35-СОЛАГИИ ИСТИҚЛОЛИ ДАВЛАТӢ. Дар ноҳияи Фархор бинои замонавии муассисаи таълимӣ сохта мешавад
СОЛИ ОБОДОНИЮ СОЗАНДАГӢ. Дар деҳаи Челонзори ноҳияи Ёвон маркази саломатии дуошёна бунёд мегардад
Рӯзи фарҳанги шаҳри Левакант дар фазои идона баргузор гардид
Дар Рӯзи фарҳанги шаҳри Хуҷанд дастовардҳои шаҳр муаррифӣ карда шуданд
Имрӯз дар Душанбе Рӯзи фарҳанги ноҳияи Темурмалик доир гардид
«МӮҚАЛАМЕ, КИ ТАЪРИХРО ТАҶАССУМ НАМУДААСТ». Дар Осорхонаи миллии Тоҷикистон намоиши асарҳои Ашур Ҳайдаров ифтитоҳ ёфт
