Дар Маҷлиси намояндагон муҳокимаи парлумонӣ сурат гирифт

Ноябрь 26, 2020 13:02

 ДУШАНБЕ, 26.11.2020 /АМИТ «Ховар»/. Имрӯз таҳти раёсати  муовини Раиси Маҷлиси намояндагони Маҷлиси Олии Ҷумҳурии Тоҷикистон Қодири Қосим бо иштироки вакилони Маҷлиси намояндагон, роҳбарони чанде аз вазорату кумитаҳои соҳавии мамлакат дар мавзӯи «Татбиқи Созишномаи грантӣ «Барқарорсозии системаи обёрӣ ва беҳтаркунии идоракунии он дар ҳавзаи дарёи Зарафшон» байни Ҷумҳурии Тоҷикистон ва Бонки Байналмилалии Таҷдид ва Рушд ва Ассосиатсияи Байналмилалии Рушд» муҳокимаи парлумонӣ баргузор гардид.

Аз рӯи масъалаи мазкур раиси кумитаи Маҷлиси намояндагон оид ба масъалаҳои аграрӣ, захираҳои об ва замин Рустам Латифзода иброз намуд, ки пеш аз ҳама, беҳтар намудани назорати истифода ва тақсимоти об бо роҳи барқарор кардани дарвозаҳои обтақсимкунӣ, сохтмони обченаккунакҳо барои бурдани ченаки об дар сарҳади об ва таъмини ассотсиатсияҳои истифодабарандагони об бо обченаккунакҳо барои истифодаи оқилонаи оби полезӣ мусоидат хоҳанд кард. Ҳамчунин Оинномаи Идораи давлатии  беҳдошти замин ва обёрии ҳавзаи дарёи Зарафшон тасдиқ ва системаи  биллингӣ, яъне пардохти  ғайринақдӣ дар ҳавза аз моҳи январи соли 2020 дар 14 ассотсиатсияҳои истифодабарандагони об ҷорӣ гардидааст. Дар баланд бардоштани сатҳи тавонмандии ташкилоти давлатии хоҷагии оби 5 ноҳияи зерҳадафи лоиҳа Маркази идора корҳои зиёдеро ба итмом расонидааст. Ин таҷрибаи марказ қобили дастгирӣ мебошад.

Ҳамзамон дар доираи лоиҳа бо назардошти имконияти баррасии васеъ истифода намудани системаи биллингӣ мувофиқи мақсад мебошад. Дар ҳавзаи дарёи Кофарниҳон ҷорӣ намудани системаи мазкур натиҷаҳои  хуб дода истодааст. Албатта, дар оянда мо бояд пардохти ҳаққи хизмати обрасониро бо воситаи ин система дар ҳамаи минтақаҳои мамлакат ҷорӣ намоем.

Ба Агентии беҳдошти замин ва обёрии назди Ҳукумати Ҷумҳурии Тоҷикистон дар бораи таъсис додани мақоми дастгирии ассотсиатсияҳои истифодабарандагони об ҷиҳати расонидани кумакҳои машваратӣ, методӣ ва иттилоотӣ барои баланд бардоштани донишҳои ҳуқуқӣ ва касбии кормандони онҳо пешниҳод манзур гардида буд. Тибқи маълумот, бо назардошти зарурати набудани  маблағ ин кор амалӣ карда нашудааст. Дар доираи лоиҳа дар ҳавзаи дарёи Зарафшон баррасӣ намудани ҳалли ин масъала мувофиқи мақсад мебуд.

Аз рӯи масъалаи рӯзнома ҳамчунин мушовир оид ба мониторинг ва арзёбии лоиҳаи «Идоракунии захираҳои обии водии Фарғона» Бозоралӣ Раҳмонов оид ба ҷараёни татбиқи Созишномаи грантии «Барқарорсозии системаи обёрӣ ва беҳтаркунии идоракунии он дар ҳавзаи дарёи Зарафшон» байни Ҷумҳурии Тоҷикистон ва Бонки Байналмилалии Таҷдид ва Рушд ва Ассосиатсияи Байналмилалии Рушд  гузориши муфассал манзур намуд.

Дар анҷоми муҳокимаи парлумонӣ баъди саволу ҷавоби вакилони мардумӣ бо масъулини соҳа қарор ва тавсияҳои дахлдор қабул карда шуданд.

Ноябрь 26, 2020 13:02

Хабарҳои дигари ин бахш

Дар ноҳияи Исмоили Сомонии шаҳри Душанбе бо иштироки вакилони Маҷлиси намояндагон вохӯрӣ доир гардид
Ба сокинони ноҳияҳои Ҷаббор Расулов, Бобоҷон Ғафуров ва шаҳри Панҷакент моҳияти Паёми Президенти Тоҷикистон фаҳмонида шуд
ТАВЗЕҲИ ПАЁМИ ПЕШВОИ МИЛЛАТ. Дар шаҳру ноҳияҳои Тоҷикистон вохӯриҳои вакилон бо интихобкунандагон ҷараён доранд
Дар Маҷлиси намояндагон оид ба таърихи пайдоиш ва аҳамияти ҳуқуқии Паёми Президенти Ҷумҳурии Тоҷикистон ҳамоиш баргузор гардид
МИЛЛИОНҲО НАФАР ХОНДАНД. Мусоҳибаи Рустами Эмомалӣ бо хабаргузории «Синхуа» дар ВАО Чин инъикоси васеъ пайдо намуд
Вакилони Маҷлиси намояндагон дар шаҳрҳои Хуҷанд ва Истаравшан бо интихобкунандагон мулоқот карданд
Аз 4 то 10 январ мулоқоти вакилони Маҷлиси намояндагон бо интихобкунандагон сурат мегирад
Дар Маҷлиси намояндагон Рӯзи кормандони мақомоти адлия ва мақомоти иҷрои ҷазои ҷиноятӣ муайян гардид
Валентина Матвиенко азм дорад аввалҳои соли 2022 бо сафари корӣ ба Тоҷикистон ташриф биёрад
Дар Маҷлиси намояндагон оид ба мавзӯи фаъолияти бехатар бо организмҳои аз ҷиҳати генетикӣ тағйирдодашуда ҳамоиш доир шуд
Дар Шӯрои Маҷлиси намояндагон лоиҳаи Қонун «Дар бораи Ҳукумати Ҷумҳурии Тоҷикистон» баррасӣ шуд
Қонун «Дар бораи пешгирии зӯроварӣ дар оила» мавриди баррасии вакилон қарор гирифт