Дар Тоҷикистон даъвати тирамоҳӣ ба сафи Қувваҳои мусаллаҳ 100% иҷро шуд

Ноябрь 12, 2020 14:10

ДУШАНБЕ, 12.11.2020 /АМИТ «Ховар»/. Дар Тоҷикистон маъракаи даъвати тирамоҳии наваскарон ба сафи Қувваҳои мусаллаҳи мамлакат ба поён расид, иттилоъ дод сардори маркази матбуоти Вазорати мудофиаи ҷумҳурӣ, полковник Фаридун Маҳмадализода ба АМИТ «Ховар».

Ба гуфтаи вай, имсол нақшаи даъват ба сафи артиш аллакай 100% иҷро шудааст.

Баъзе вилоятҳо ва ноҳияҳо пеш аз муҳлат дар бораи шумораи ҷавонони  ба хидмат даъватшуда гузориш дода буданд.

Фаридун Маҳмадализода, сардори маркази матбуоти ВМ ҶТ

Ҳамзамон Маҳмадализода илова намуд, ки бо вуҷуди пеш аз муҳлат иҷро шудани нақшаи даъвати тирамоҳӣ ба сафи артиш, Комиссияи ҷумҳуриявӣ оид ба ташкили даъват ва комиссияҳои дахлдор дар минтақаҳо фаъолияти худро идома медиҳанд.

Ёдовар мешавем, ки ҳанӯз аввали моҳи ноябр шаҳри Душанбе, ноҳияҳои тобеи ҷумҳурӣ, Вилояти Мухтори Кӯҳистони Бадахшон ва Хатлон нақшаҳои даъвати наваскаронро пурра иҷро карда буданд.

Чанд рӯз пеш вилояти Суғд низ нақшаи даъвати наваскаронро ба сафи Қувваҳои мусаллаҳи мамлакат иҷро намуд.

Фаридун Маҳмадализода иброз дошт, ки ҳафтаи наздик пас аз ташаккули қисмҳои ҳарбӣ наваскарон дар марказҳои таълимӣ қабл аз оғози курси сарбози ҷавон ба Ватан савганди садоқат ёд хоҳанд кард.

Вай инчунин зикр кард, ки тадбирҳои хеле ҷиддӣ ҷиҳати пешгирӣ аз паҳншавии коронавируси нав дар нуқтаҳои даъвати наваскарон андешида шудаанд. «Дар шароити паҳн шудани пандемияи Ковид-19 наваскарон дар комиссариатҳои ҳарбии ноҳия ва вилоят барои ошкор намудани мавҷудияти коронавирус ду маротиба аз санҷиш гузаронида мешаванд. Илова бар ин, муошират байни волидон ва даъватшудагон бо мақсади ҷилавгирӣ аз сироят қатъиян маҳдуд шудааст», — иброз намуд Ф. Маҳмадализода.

Ёдовар мешавем, ки Фармони Президенти Ҷумҳурии Тоҷикистон дар бораи даъвати шаҳрвандони солҳои таваллудашон 1993-2002 ба хизмати аскарӣ моҳи сентябри соли 2020 имзо шуда буд.

Ноябрь 12, 2020 14:10

Хабарҳои дигари ин бахш

Байни Тоҷикистон ва Амороти Муттаҳидаи Арабӣ Ёддошти тафоҳум оид ба эътирофи мутақобили шаҳодатномаҳои ронандагӣ ба имзо расид
Дар Прокуратураи генералӣ Рӯзи Президентро таҷлил намуданд
Нақшаи даъвати тирамоҳии шаҳрвандони Тоҷикистон ба сафи Артиши миллӣ пурра иҷро шуд
80 корманди мақомоти корҳои дохилӣ бо манзили зист таъмин мешаванд
Соли 2027 Тоҷикистон раёсатро дар Созмони Аҳдномаи амнияти дастҷамъӣ ба уҳда мегирад
Ҳабибулло Воҳидзода бо сафири навтаъйини Беларус дар Тоҷикистон мулоқот намуд
Эмомалӣ Раҳмон: «Ҳар корманди милитсия бояд бо рафтору гуфтор, дониш, самимияту эътимод сазовори боварии шаҳрвандон бошад»
Дар Роғун Рӯзи милитсияи тоҷикро таҷлил намуданд
Дар Суғд Рӯзи милитсияи тоҷикро ботантана таҷлил намуданд
Дар 26 шаҳру ноҳияи Тоҷикистон шуъбаҳои Вазорати корҳои дохилӣ бо биноҳои замонавӣ таъмин шуданд
Рӯзи милитсияи тоҷик дар Вилояти Мухтори Кӯҳистони Бадахшон ботантана таҷлил гардид
10 НОЯБР — РӮЗИ МИЛИТСИЯИ ТОҶИК. Барои беҳтар намудани шароити хизмат дар мақомоти корҳои дохилӣ беш аз 1500 иншоот бунёд гардидааст