Хуршед Мирзоев барои далерию шуҷоат дар пешгирии паҳншавии оташ бо медали «Ҷасорат» сарфароз гардонида шуд
ДУШАНБЕ, 14.11.2020. /АМИТ «Ховар»/. Бо фармони Президенти Ҷумҳурии Тоҷикистон муҳтарам Эмомалӣ Раҳмон 10 ноябр нозири хадамоти роҳбонӣ-дидбонии ШБДА РВКД дар шаҳри Душанбе сержанти хурди милитсия Хуршед Мирзоев бо медали “Ҷасорат” сарфароз гардонида шуд, хабар медиҳад АМИТ «Ховар» бо истинод ба маркази матбуоти ВКД ҶТ.
Хуршед Мирзоев барои далерию шуҷоат дар пешгирии паҳншавии оташ, ки соати 1 шаби 30 октябри соли 2020 дар маҳаллаи 91 ноҳияи Синои шаҳри Душанбе дар нуқтаи таомҳои зуд-таёр рух дод, бо медали «Ҷасорат» қадрдонӣ шуд.
«Ҳодисаи сӯхторе, ки соати 1 шаби 30 октябри соли 2020 дар маҳаллаи 91 ноҳияи Синои шаҳри Душанбе дар нуқтаи таомҳои зуд-таёр рух дод, паҳншавии оташ ба мағозаҳои ҳамшафат, бинои баландошёнаи истиқоматӣ ва бо оқибатҳои миллионҳо сомонӣ зарари молӣ аз эҳтимол дур набуд. Дар ин асно ду тан нозирони бозрасии давлатии автомобилии Шуъбаи бозрасии давлатии автомобилии Раёсати Вазорати корҳои дохилӣ дар шаҳри Душанбе дар суроғаи болозикршуда хизмат мебурданд, ки алангаи оташ аз назари онҳо пинҳон намонд. Новобаста аз он, ки барои пешгирӣ ва хомӯш кардани алангаи оташ таҷҳизот, дастгоҳ ва моеъи махсус лозим бошад ҳам, вале бо дидани чунин ҳодисаи хатарнок нозири хадамоти роҳбонӣ-дидбонии ШБДА РВКД дар шаҳри Душанбе сержанти хурди милитсия Мирзоев Хуршед Ҷамолиддинович бо чолокӣ, далерию ҳисси баланди масъулият ва садоқати худ ба давлату миллат аз авҷи оташ ва таъсири он наҳаросида, оташро аз панҳшавӣ пешгирию хомӯш кард. Гарчанде қисми рости пешонӣ, панҷаи дастони рости ӯ аз оташ осеби сахт дид, вале сержанти хурди милитсия Хуршед Мирзоев савганди ёднамудаи касбии худро ба ёд оварда, садоқату устувории худро дар пешаи интихобкардааш собит намуд», — тазаккур доданд дар ВКД.
Натиҷаҳои даъвати шаҳрвандон ба сафи Қувваҳои Мусаллаҳи Тоҷикистон ҷамъбаст гардиданд
ФАРЗАНДОНИ ХУДРО БЕНАЗОРАТ НАГУЗОРЕД! Ҳангоми шиноварӣ қоидаҳои бехатариро бояд риоя намуд
Ҳайати Тоҷикистон дар ҷаласаи вазирони корҳои дохилии давлатҳои аъзои СҲШ дар Бишкек иштирок намуд
Тоҷикистон ва Эрон ҳамкориро дар самти мубориза бар зидди ҷиноятҳои муташаккили фаромиллӣ тақвият мебахшанд
Эмомалӣ Собирзода дар ҷаласаи Шурои вазирони мудофиаи кишварҳои аъзои Созмони Аҳдномаи амнияти дастҷамъӣ иштирок кард
РӮЗИ КОРМАНДОНИ МАҚОМОТИ НАЗОРАТИ МАВОДИ НАШЪАОВАР. Ба ин муносибат ҷаласаи тантанавӣ баргузор гардид
Таҳти унвони «Нақши зеҳни сунъӣ дар рушди Қувваҳои Мусаллаҳ» конференсияи ҷумҳуриявии илмӣ-ҳарбӣ доир шуд
Раёсати ВКД дар вилояти Хатлон: «Таътили тобистона бояд ба давраи тарбия, донишандӯзӣ ва истироҳати солим табдил ёбад»
Юсуф Раҳмон дар Форуми байналмилалии амният ва Вохӯрии байналмилалии намояндагони воломақом иштирок намуд
РӮЗИ ҚӮШУНҲОИ САРҲАДӢ. Афсарону сарбозони ин ниҳод рисолати фарзандии худро дар назди Ватан – Модар ва халқу давлат бо сарбаландӣ адо менамоянд
Котиби Шурои амнияти Тоҷикистон дар Вохӯрии котибони шуроҳои амният дар қолаби «Осиёи Марказӣ – Русия» иштирок намуд
Юсуф Раҳмон дар ҷаласаи Кумитаи котибони шуроҳои амнияти Созмони Аҳдномаи амнияти дастҷамъӣ иштирок намуд
