Имомуддин Сатторов дар ҷаласаи Комиссия оид ба масъалаҳои иқтисодӣ дар назди Шӯрои иқтисодии ИДМ аз Тоҷикистон намояндагӣ кард

Ноябрь 19, 2020 11:26

ДУШАНБЕ, 19.11.2020 /АМИТ «Ховар»/. Дар Кумитаи иҷроияи ИДМ дар Москва дирӯз ҷаласаи навбатии Комиссия оид ба масъалаҳои иқтисодӣ дар  назди Шӯрои иқтисодии ИДМ баргузор гардид. Дар ин ҷаласа Сафири ҶТ дар Федератсияи Россия Имомуддин Сатторов аз Тоҷикистон намояндагӣ  кард.

Дар ҷаласа аъзои Комиссия оид ба масъалаҳои иқтисодӣ, намояндагони Шӯрои роҳбарони хадамоти омори давлатҳои аъзои ИДМ, Вазорати танзими зиддиинҳисорӣ ва савдои Ҷумҳурии Беларус, Корпоратсияи давлатии оид ба кайҳон «Роскосмос», Шӯрои ҳамоҳангсозӣ оид ба карантини растаниҳои кишварҳои узви ИДМ, муовини раиси Кумитаи иҷроия — Котиби иҷроияи ИДМ Сергей Иванов, кормандони масъули Кумитаи иҷроияи ИДМ иштирок намуданд. Як зумра аъзои Комиссия ва маърӯзачиён оид ба масъалаҳои рӯзнома дар маҷлис дар шакли конференсияи видеоӣ иштирок намуданд.

Зимни ҷаласа асноди зерин баррасӣ ва тасдиқ шуданд: «Дар бораи фаъолияти Шӯрои роҳбарони хадамоти омори давлатҳои аъзои Иттиҳоди Давлатҳои Мустақил дар солҳои 2016-2019», «Дар бораи вазъи рақобат дар бозорҳои молии таҷҳизоти тиббии кишварҳои узви ИДМ», «Дар бораи натиҷаҳои иҷрои нақшаи чорабиниҳо дар мавриди  татбиқи Ёддошти тафоҳум дар хусуси  таъмиқи ҳамкории мутақобила байни Комиссияи Иқтисодии АвруОсиё ва Кумитаи иҷроияи ИДМ аз 27 ноябри соли 2018»,          «Дар бораи ҳамкории давлатҳои узви ИДМ оид ба ҳамгироии инфрасохторҳои заминӣ, ки аз сигналҳои системаи ГЛОНАСС» истифода мебаранд, «Дар бораи заминаи меъёрию ҳуқуқии давлатҳои аъзои ИДМ дар соҳаҳои илмӣ-техникӣ ва инноватсионӣ», «Дар бораи фаъолияти ташкилоти заминавии давлатҳои узви ИДМ оид ба такмили ихтисос ва бозомӯзии кадрҳо дар соҳаи карантини растаниҳо».

Иштирокчиён инчунин якчанд масъалаҳои дигарро низ баррасӣ карданд.

Баъди ба инобат гирифтани эроду пешниҳодҳои аъзои Комиссия, як қисми аснод оид ба масъалаҳои ба рӯзномаи ҷаласа дохилшуда ба баррасии Шӯрои иқтисодӣ ва Шӯрои сарони ҳукуматҳои ИДМ ирсол хоҳанд шуд.

АКС аз бойгонӣ

Ноябрь 19, 2020 11:26

Хабарҳои дигари ин бахш

Дар Хатлон бо иштироки муовини Сарвазири мамлакат Усмоналӣ Усмонзода ҷаласаи Ситод оид ба зимистонгузаронӣ доир шуд
«Хуҷандагро» барои хушксозии пиёз аз Аврупо таҷҳизот ворид месозад
АЗ ПАШША НАБОЯД ФИЛ СОХТ. Ва ё чӣ гуна «коршиносон»-и аз нозукиҳои бахши молия ва низоми бонкӣ бехабар дар такя ба суханони беасос хомаронӣ менамоянд
«Сомон Эйр» аз Россия ба Тоҷикистон 146 парвоз анҷом медиҳад
Марҳилаи дуюми Лоиҳаи минтақавии «Беҳтар намудани мубориза бар зидди малах» татбиқ мегардад
Соли равон ба Тоҷикистон аз ҳама зиёд Чин ва Ӯзбекистон кумаки башардӯстона расонидаанд
Раиси вилояти Хатлон бо Сафири Украина дар Тоҷикистон мулоқот намуд
«Сомон Эйр» ба шаҳри Минск 10 парвози махсус анҷом медиҳад
Саноатикунонӣ ба таъсиси ҷойҳои нави корӣ ва зиёд гардидани сафи мутахассисони баландпоя мусоидат мекунад,-бардошт аз конфронси илмӣ
Ҷамшед Ҷумъахонзода дар нишасти матбуотӣ бахшида ба Ҳафтаи байналмилалии тиҷорат дар ТАСС иштирок ва суханронӣ менамояд
РОҲБАРИ НАМОЯНДАГИИ ИТТИҲОДИ АВРУПО МЭРИЛИН ҶОЗЕФСОН: «ЛИМӮИ ТОҶИК МЕТАВОНАД ЯКЕ АЗ БРЕНДҲОИ АЗ ҲАМА МУВАФФАҚИ КИШВАР ДАР ҶАҲОН ГАРДАД». Дар Душанбе оид ба масоили иқтидори содиротии ин намуди ситрусӣ форуми тиҷоратӣ баргузор гардид
Имсол дар МОИ «Данғара» ба маблағи 21585,3 ҳазор сомонӣ маҳсулоти саноатӣ истеҳсол гардидааст