Лоиҳаи Дурнамои сиёсати пулию қарзии Тоҷикистон барои соли 2021 дар Маҷлиси намояндагон баррасӣ гардид
ДУШАНБЕ, 09.11.2020. /АМИТ «Ховар»/. Лоиҳаи Қонуни Ҷумҳурии Тоҷикистон «Оид ба ворид намудани тағйиру иловаҳо ба Қонуни Ҷумҳурии Тоҷикистон «Дар бораи таҳсилоти иловагӣ» ва лоиҳаи Дурнамои сиёсати пулию қарзии Ҷумҳурии Тоҷикистон барои соли 2021 ва давраи миёнамуҳлат имрӯз зимни ҷаласаи Шӯрои Маҷлиси намояндагони Маҷлиси Олии мамлакат мавриди баррасӣ қарор гирифт.
Тавре ба АМИТ «Ховар» котиби матбуоти Маҷлиси намояндагон Муҳаммадато Султонов иттилоъ дод, ҷаласаи Шӯро таҳти раёсати Раиси Маҷлиси намояндагони Маҷлиси Олии Ҷумҳурии Тоҷикистон Маҳмадтоир Зокирзода баргузор гардид.
«Дар Шӯро таъкид гардид, ки лоиҳаи Қонуни Ҷумҳурии Тоҷикистон «Оид ба ворид намудани тағйиру иловаҳо ба Қонуни Ҷумҳурии Тоҷикистон «Дар бораи таҳсилоти иловагӣ» бо мақсади мутобиқ гардонидани Қонуни мазкур ба талаботи Конститутсияи Ҷумҳурии Тоҷикистон ва мутобиқатии он ба қонунҳои Ҷумҳурии Тоҷикистон «Дар бораи маориф», «Дар бораи санадҳои меъёрии ҳуқуқӣ» ва «Дар бораи забони давлатӣ», инчунин дигар қонунҳо ва ба ин васила бартараф сохтани норасоиву камбудиҳои ҷойдошта равона гардидааст. Зарурати такмили Қонуни мазкур бо меъёрҳои нав ва дар ин васила таҳти танзими ҳуқуқӣ қарор додани муносибатҳои ба салоҳият ва масъулияти муассисаҳои таҳсилоти иловагӣ қарордошта, ислоҳи мафҳум ва истилоҳу ибораҳои ҳуқуқӣ бо назардошти техникаи ҳуқуқэҷодкунӣ ва мантиқӣ ҳуқуқӣ мебошад», — илова намуд манбаъ.
Зимни баррасии масъалаи дуюми рӯзнома-лоиҳаи Дурнамои сиёсати пулию қарзии Ҷумҳурии Тоҷикистон барои соли 2021 ва давраи миёнамуҳлат таъкид гардид, ки Дурнамои сиёсати пулию қарзии Ҷумҳурии Тоҷикистон мутобиқи моддаҳои 4 ва 14 Қонуни Ҷумҳурии Тоҷикистон “Дар бораи Бонки миллии Тоҷикистон” таҳия гардида, самтҳои асосии сиёсати пулию қарзии давлатро барои соли 2021 ва давраи миёнамуҳлат муайян менамояд.
Дурнамои мазкур, пеш аз ҳама, барои ноил шудан ба мақсади асосии Бонки миллии Тоҷикистон – нигоҳдории сатҳи муътадили нархҳои дохилӣ дар давраи дарозмуддат тавассути механизму воситаҳои татбиқшавандаи сиёсати пулию қарзӣ равона мегардад.
Аъзои Шӯро аз рӯи ҳамаи масъалаҳои баррасишуда қарорҳои дахлдор қабул намуданд.
Дар Душанбе Ҷаласаи Шурои Ассамблеяи байнипарламентии давлатҳои иштирокдори ИДМ оғоз гардид
Мавсума Муинӣ дар ҷаласаи Муколамаи занон – неруи тавонои Осиёи Марказӣ иштирок намуд
Раиси Маҷлиси миллии Маҷлиси Олии Ҷумҳурии Тоҷикистон бо Раиси Сенати Парламенти Ҷумҳурии Қазоқистон мулоқот намуданд
Рустами Эмомалӣ ва Валентина Матвиенко ба «Мактаби таҳсилоти миёнаи умумии ба номи Ю.А. Гагарини шаҳри Душанбе» ташриф оварданд
Ҷаласаи доимии комиссияи Ассамблеяи байнипарламентии давлатҳои ИДМ оид ба масъалаҳои ҳуқуқӣ доир шуд
Ҷаласаи Комиссияи доимии Ассамблеяи байнипарлумонии ИДМ оид ба масъалаҳои сиёсӣ ва ҳамкории байналмилалӣ баргузор шуд
Рустами Эмомалӣ бо Валентина Матвиенко мулоқот намуданд
Раиси Маҷлиси миллии Маҷлиси Олии Ҷумҳурии Тоҷикистон бо Раиси Шурои Ҷумҳурии Маҷлиси Миллии Ҷумҳурии Беларус мулоқот намуданд
Раиси Шурои Ҷумҳурии Маҷлиси миллии Беларус Наталя Кочанова ба Тоҷикистон омад
Раиси Шурои Федератсияи Маҷлиси Федералии Русия Валентина Матвиенко ба Душанбе омад
Имрӯз дар Душанбе чорабиниҳои сессияи тирамоҳии Ассамблеяи байнипарламентии давлатҳои иштирокдори ИДМ оғоз мегарданд
Дар Душанбе ҷаласаи навбатии Ассамблеяи байнипарламентии кишварҳои аъзои ИДМ баргузор мегардад
