Миёни Вазорати меҳнат, муҳоҷират ва шуғли аҳолии Тоҷикистон ва Ассотсиатсияи технологияҳои зеҳнии инсони Корея Ёддошти тафоҳум ба имзо расид
ДУШАНБЕ, 12.11.2020 /АМИТ «Ховар»/. 11 ноябр дар Душанбе Вазири меҳнат, муҳоҷират ва шуғли аҳолии Ҷумҳурии Тоҷикистон Ширин Амонзода ва Раиси Ассотсиатсияи технологияҳои зеҳнии инсони Корея (KOSHUMA) – Шим Ҷебок Ёддошти тафоҳум ба имзо расониданд.
Дар ин бора ба хабарнигори АМИТ «Ховар» аз маркази матбуоти Вазорати меҳнат, муҳоҷират ва шуғли аҳолии Ҷумҳурии Тоҷикистон иттилоъ доданд.
Зимни имзои Ёддошти тафоҳуми мазкур ҷонибҳо иброз намуданд, ки ҳамкорӣ байни Вазорати меҳнат, муҳоҷират ва шуғли аҳолӣ ва Ассотсиатсияи технологияҳои зеҳнии инсони Корея (KOSHUMA) дар самти ташкили чорабиниҳои муштарак, аз қабили курсҳои кӯтоҳмуддат оид ба омӯзиши забони кореягӣ дар марказҳои таълими калонсолони Тоҷикистон, таъсиси заминаҳои таълимӣ дар муассисаҳои таҳсилоти ибтидоии касбии соҳаи кишоварзии вазорат, такмили ихтисос барои омӯзгорон ва устоҳои таълимии литсейҳои касбӣ – техникӣ ва марказҳои таълими калонсолони Тоҷикистон дар назар аст.
Ҳамчунин хатмкунандагони курсҳо дар корхонаҳои саноатӣ ва ширкатҳои бонуфуз дар Ҷумҳурии Тоҷикистон ва Кореяи Ҷанубӣ бо кор таъмин карда мешаванд.
Ҳадафи ба имзо расонидани Ёддошти тафоҳум густариш додани ҳамкорӣ байни Вазорати меҳнат, муҳоҷират ва шуғли аҳолии Ҷумҳурии Тоҷикистон ва Ассотсиатсияи технологияҳои зеҳнии инсони Корея (KOSHUMA) мебошад.
Дар Душанбе Донишгоҳи байналмилалии минтақавии тандурустӣ таъсис дода мешавад
ҲИЗБИ ХАЛҚИИ ДЕМОКРАТИИ ТОҶИКИСТОН — ҲАМҚАДАМИ ИСТИҚЛОЛ. Бо чунин унвон дар ноҳияи Фирдавсӣ барномаи фарҳангӣ доир шуд
Ба ноҳияҳои Тоҷикистон 18 нақлиёти ёрии таъҷилӣ тақдим гардид
Оид ба дастовардҳои соҳаи меҳнат, муҳоҷират ва шуғли аҳолӣ дар даврони Истиқлолияти давлатӣ конференсияи илмӣ–амалӣ доир гардид
Самтҳои афзалиятноки рушди таҳсилоти касбӣ бо намояндагони Бонки Осиёии Рушд баррасӣ гардид
ОГОҲӢ! Аз 21 то 24 август дар баъзе минтақаҳои Тоҷикистон омадани сел пешгӯӣ мешавад
Натиҷаҳои амалишавии Лоиҳаи «Беҳтарсозии малакаҳои касбӣ ва имконияти бокортаъминшавӣ» баррасӣ гардид
Дар Тоҷикистон беш аз 5 ҳазор муассисаи тандурустӣ фаъолият мекунад
Умед Бобозода ва Муҳаммад Рошид Ал-Амирӣ масоили ҳифзи ҳуқуқи инсонро баррасӣ намуданд
Бахшида ба ҷашни 35-солагии Истиқлоли давлатӣ дар шаҳри Душанбе барномаи фарҳангӣ доир шуд
Дар Душанбе ба муносибати Рӯзи кормандони соҳаи тиб ҳамоиши тантанавӣ баргузор гардид
Дар ноҳияи Восеъ бо иштироки Сарвазири Тоҷикистон иншооти иҷтимоӣ ва роҳҳои нав ба истифода дода шуданд
