МО БОЗ ЗИЁДТАР ШУДЕМ! Дар тӯли 28 сол аҳолии Тоҷикистон қариб 2,5 баробар афзудааст

Ноябрь 27, 2020 11:10

ДУШАНБЕ, 27.11.2020 /АМИТ «Ховар»/. Аҳолии Тоҷикистон дар тӯли соли охир 2% афзуд ва 9 миллиону 444,2 ҳазор нафарро ташкил намуд, хабар медиҳад АМИТ «Ховар» бо истинод ба Агентии омори назди Президенти Ҷумҳурии Тоҷикистон.

Тибқи маълумоти Агентии омор, аҳолии Тоҷикистон ба 9 миллиону 444 ҳазору 250 нафар расидааст.

Дар 10 моҳи охири соли равон аҳолии мамлакат нисбат ба ҳамин давраи соли гузашта беш аз 2 фоиз афзудааст.

Дар бахши минтақавӣ шумораи аҳолӣ дар вилояти Хатлон беш аз 3,4 миллион нафар, вилояти Суғд — зиёда аз 2,7 миллион нафар, ВМКБ — 230,4 ҳазор нафар, ноҳияҳои тобеи ҷумҳурӣ — беш аз 2,2 миллион нафар ва шаҳри Душанбе — 871,6 ҳазор нафарро ташкил медиҳад.

Пештар СММ пешгӯӣ карда буд, ки аҳолии Тоҷикистон то чӣ андоза тағйир хоҳад ёфт. Тибқи пешгӯиҳои СММ, то соли 2100 аҳолии мамлакат 2,5 маротиба афзоиш меёбад ва зиёда аз 25 миллион нафар хоҳад шуд.

Дар оғози соли гузашта Агентии суғуртаи иҷтимоӣ ва нафақаи Тоҷикистон хабар дода буд, ки тайи 28 соли охир аҳолии Тоҷикистон 3,7 миллион нафар афзудааст ва дар ҷамъбасти соли 2018 ба 9,1 миллион нафар расидааст.

Бояд гуфт, ки ин нишондиҳанда соли 1990 ҳамагӣ 5,4 миллионро ташкил карда буд. Тибқи пешгӯӣ, соли 2023 шумораи аҳолии ҷумҳурӣ ба 10 миллион нафар хоҳад расид.

Зикр шудааст, ки дар айни замон дарозии умри миёна дар мамлакат  75 солро ташкил медиҳад.

Тибқи маълумоти Бонки ҷаҳонӣ, шумораи умумии одамоне, ки дар рӯи замин зиндагӣ мекунанд, то 22 ноябри соли 2020 тақрибан ба 7 827 000 000 нафар расидааст. Аҳолии Замин то соли 2018 7,594 миллиард нафарро ташкил медод. То солҳои 70-ум аҳолии ҷаҳон тибқи қонуни гиперболӣ афзоиш меёфт; аз соли 1990 ба ин тараф сустшавии суръати афзоиши аҳолии Замин ба назар мерасад, соли 1990 афзоиши он 87,4 миллион нафарро ташкил дод.

                                                                  АКС АЗ АМИТ «Ховар»

Ноябрь 27, 2020 11:10

Хабарҳои дигари ин бахш

АСАЛ ДАВОИ ДАРД. Имрӯз дар Душанбе «Фестивали занбӯрпарварон, намоиш ва фурӯши асал» баргузор гардид
Дар Тоҷикистон 250 навъи харбуза парвариш карда мешавад
ИСТИФОДАИ САМАРАНОКИ ЗАМИН. Кишоварзони шаҳри Панҷакент дар беш аз 2600 гектар кишти такрорӣ гузарониданд
МАСЛИҲАТИ МУТАХАССИС. Истеъмоли биринҷ ҷисми инсонро фарбеҳ менамояд
МЕҲРГОН ЯКЕ АЗ ИДҲОИ БОСТОНИИ МИЛЛАТ. Иқтибосҳо аз суханрониҳои Президенти Тоҷикистон оид ба аҳамияти ин ҷашн
Ҳайати Тоҷикистон дар ҷаласаҳои гурӯҳи кишварҳои аъзои Хазинаи байналмилалии асъор ва Гурӯҳи Бонки ҷаҳонӣ иштирок намуд
Лоиҳаи бунёди хатти баландшиддати интиқоли барқи сабзи КАСА – 1000 дар қисмати Тоҷикистон, Қирғизистон ва Покистон ба анҷом расидааст
Дар Хатлон ҳаҷми истеҳсоли маҳсулоти саноатӣ беш аз 7 фоиз зиёд гардидаст
Тоҷикистон ва Узбекистон дар самтҳои рушди ҳукумати электронӣ, таҳияи платформаҳо ва ҳамгироии рақамӣ ба мувофиқа расиданд
Ҳамкории Тоҷикистон бо ширкатҳои амрикоӣ дар соҳаи инноватсия ва технологияҳои рақамӣ вусъат меёбад
Тоҷикистон ҷонибдори рушди ҳамкории байниминтақавӣ дар соҳаи захираҳои гидроэнергетикӣ аст
Сертификатсияи стандартҳои ESG барои кормандони Вазорати молия бо намояндаи Nasdaq баррасӣ гардид