Намояндагони Тоҷикистон дар форуми фосилавии Рӯзи ҷаҳонии кӯдак иштирок намуданд

Ноябрь 20, 2020 14:30

ДУШАНБЕ, 20.11.2020 /АМИТ «Ховар»/. Бахшида ба таҷлили  30-солагии Рӯзи ҷаҳонии кӯдак таҳти сарпарастии Бунёди байналмилалии  ҷамъиятии «Zamin» дар ҳамкорӣ бо Хазинаи кӯдакони Созмони Милали Муттаҳид (ЮНИСЕФ) форуми фосилавӣ баргузор гардид.

Тавре  аз маркази матбуоти Вазорати тандурустӣ ва ҳифзи иҷтимоии аҳолии мамлакат ба АМИТ «Ховар» иттилоъ доданд, дар форуми мазкур намояндагони  шуъбаи  ҳифзи солимии кӯдакону наврасон ва рушди  малакаи волидайни Вазорати тандурустӣ ва ҳифзи иҷтимоии аҳолии Ҷумҳурии Тоҷикистон, Раёсати ҳифзи ҳуқуқи кӯдаки Вазорати маориф ва илми Ҷумҳурии Тоҷикистон ва шуъбаи ҳифзи давлатии ҳуқуқҳои  кӯдаки дастгоҳи Ваколатдор оид ба ҳуқуқи инсон дар Тоҷикистон иштирок намуданд.

Сардори шуъбаи ҳифзи давлатии ҳуқуқҳои  кӯдаки дастгоҳи Ваколатдор оид ба ҳуқуқи инсон дар Тоҷикистон Аҳад Содиқов   иброз дошт, ки “баргузории форуми мазкур хеле саривақтӣ мебошад, зеро ҳоло бемории COVID-19 ҷомеаи ҷаҳониро хеле нигарон намудааст ва гурӯҳҳои осебпазири аҳолӣ, махсусан кӯдакон аз он таъсири манфӣ мебинанд”.

Номбурда иброз дошт, ки Ҷумҳурии Тоҷикистон ҳамчун давлати демокративу ҳуқуқбунёд ва узви комилҳуқуқи Созмони Милали Муттаҳид дар солҳои аввали соҳибистиқлолӣ Конвенсияи СММ  дар бораи ҳуқуқҳои кӯдакро ба тасвиб расонида,  дар ин самт ба дастовардҳои назаррас ноил гардид.

Бояд гуфт, ки дар Ҷумҳурии Тоҷикистон ҷиҳати пешбурди ҳуқуқу озодиҳои кӯдак заминаҳои зарурии ҳуқуқӣ муҳайё карда шуда, дар вазорату идораҳои дахлдор сохторҳои алоҳида оид ба ҳифзи ҳуқуқҳои кӯдак таъсис дода шудаанд. Инчунин дар ин самт Комиссияи назди Ҳукумати Ҷумҳурии Тоҷикистон оид ба ҳуқуқи кӯдак ва комиссияҳои маҳаллӣ оид ба ҳуқуқи кӯдак дар шаҳру ноҳияҳои ҷумҳурӣ пайваста фаъолият мекунанд.

Ёдовар мешавем, ки 20 ноябр дар саросари ҷаҳон Рӯзи ҷаҳонии кӯдак ҷашн гирифта мешавад. Созмони Милали Муттаҳид 20 ноябри соли 1989 санади муҳими байналмилалӣ — Конвенсия оид ба ҳуқуқи кӯдак қабул намуд. Ҷумҳурии Тоҷикистон баъди ба даст овардани истиқлоли давлатӣ таҳти сиёсати инсондӯстонаи Сарвари давлат, Пешвои миллат муҳтарам Эмомалӣ Раҳмон ҳифзи ҳуқуқи кӯдакро муҳим шуморида, соли 1993 Конвенсия оид ба ҳуқуқи кӯдакро ба имзо расонид.

Мақсади таҷлили ин рӯз он аст, ки диққати ҳамагон ба фаъолият оид ба таъмини шароити мусоид барои рушди ҳамаҷонибаи кӯдакон дар тамоми ҷаҳон ҷалб карда шавад.

Ноябрь 20, 2020 14:30

Хабарҳои дигари ин бахш

Кумитаи Иҷроияи Марказии ҲХДТ ба Муассисаи давлатии «Истиқлол» маводи доруворӣ тақдим намуд
Дар Душанбе доир ба татбиқи Ҳадафҳои рушди устувор дар соҳаи тандурустӣ ҳамоиш доир гардид
Доир ба масъалаҳои татбиқи фаъолияти марказҳои дастгирии оила ва кӯдак тибқи низомномаи нав ҳамоиш доир шуд
«IRS»: Бе омодагие, ки фасли сармо тақозо дорад ва бо мошинҳое, ки тири пешбар надоранд, ба роҳ набароед!
БДА ба ронандагони воситаҳои нақлиёте, ки ба минтақаҳои кӯҳӣ ба сафар мебароянд, ҳушдор медиҳад
Ҷамолиддин Абдуллозода дар «Саммити навоварӣ барои саломатӣ» ба таври онлайн иштирок намуд
Дар пойтахт дар партави Муроҷиатномаи Раиси шаҳри Душанбе 2500 бех ниҳоли сӯзанбарг шинонида мешаванд
Олимони немис маҳсулоти табииеро, ки COVID-19-ро маҳв мекунад, номбар карданд
Гурӯҳи кории Вазорати тандурустӣ ва ҳифзи иҷтимоии аҳолӣ дар Суғд гаштҳои хонагӣ анҷом доданд
«Президент — кафили зиндагии шоиста»-бардошт аз конференсияи ҷумҳуриявӣ бахшида ба Рӯзи Президент
Дар Саридораи геология бахшида ба Рӯзи Президенти Тоҷикистон ҷаласаи тантанавӣ доир шуд
Ҷамолиддин Абдуллозода бо фаъолияти беморхонаҳои марказии шаҳрҳои Бохтар ва Леваканд шинос гардид