Ташаккул ва рушди кластерҳо дар соҳаи кишоварзӣ. Таҳти ин унвон дар Ваҳдат Конференсияи илмӣ-амалӣ доир шуд

Ноябрь 26, 2020 11:27

ВАҲДАТ, 26.11.2020 /АМИТ «Ховар»/. Имрӯз дар шаҳри Ваҳдат  дар мавзӯи «Ташаккул ва рушди кластерҳо дар соҳаи кишоварзӣ» Конференсияи илмӣ-амалии ҷумҳуриявӣ баргузор шуд.

Дар конференсияи мазкур олимони Академияи илмҳои кишоварзии Тоҷикистон, Донишгоҳи аграрии Тоҷикистон, намояндагони вазоратҳои кишоварзӣ, рушди иқтисод ва савдо, Кумитаи давлатии сармоягузорӣ ва идораи амволи давлатӣ, кишоварзони шаҳру ноҳияҳои тобеи марказ ва муовинони раиси шаҳри Ваҳдат иштирок намуданд.

Дар ҷамъомад олимону кишоварзон дар мавзӯъҳои «Кластеркунонӣ ҳамчун шакли инноватсионии ташкили меҳнат дар кишоварзӣ», «Ҳолати кунунии базаи моддию техникии соҳаи кишоварзӣ ва роҳҳои беҳтаргардонии он», «Технологияи нави боғдории интенсивӣ ва самаранокии он», «Зотпарварӣ ҳамчун омили рушди чорводорӣ» ва «Кластеркунонӣ ҳамчун шакли ҳамгироӣ дар комплекси агросаноатӣ» маърӯза  намуданд.

Директори Институти чорводории Академияи илмҳои кишоварзӣ Хуршед Давлатов изҳор дошт, ки «дар Ҷумҳурии Тоҷикистон аз чорвои калони шохдор чорвои ширдеҳи зоти сиёҳало- типи сиёҳалои тоҷикӣ, зоти швитсӣ-типи дохилизотии швитсизебумонанди тоҷикӣ, зотҳои симменталӣ, голштинии пайдоишаш немисӣ, эронӣ ва беларус, аз чорвои гӯштӣ зотҳои қазоқии сарсафед абердин-ангус, қалмиқӣ» ва дурагаҳои онҳо шароле, герефордӣ, инчунин қутосҳо парвариш карда мешаванд. Таҷрибаи чорводории ватанӣ ва ҷаҳонӣ исбот намудааст, ки баланд бардоштани маҳсулнокии ҳайвонро  танҳо бо роҳи беҳтар намудани  корҳои зотпарварӣ ба даст овардан мумкин аст. Барои он, ки хоҷагиҳои чорвопарварӣ бо ҳайвоноти баландмаҳсули зотӣ таъмин бошанд, пеш аз ҳама,  интихоби зоти дурусти чорво ва хоҷагиҳои зотпарварӣ нақши муҳим мебозад».

Дар конференсия зикр гардид, ки равандҳои татбиқи  Барномаи ислоҳоти аграрӣ дар мамлакат бо назардошти  ташаккули  шаклҳои гуногуннизоми  хоҷагидорӣ ҷиҳати рушди устувори  кишоварзӣ натиҷаҳои дилхоҳ ба бор овардаанд. Барои боз ҳам вусъат бахшидан ба рушди соҳа дар доираи Стратегияи миллии рушд барои давраи то соли 2030 бо назардошти таҷрибаи пешрафтаи ҷаҳонӣ ташаккули кластерҳои агросаноатӣ ба мақсад мувофиқ мебошад.

Ноябрь 26, 2020 11:27

Хабарҳои дигари ин бахш

Дар ноҳияи Файзобод бо фаъолону собиқадорон ва ходимони дини деҳоти Чашмасор мулоқот доир гардид
Дар ду қисми низомии тобеи Вазорати корҳои дохилии Тоҷикистон дастархони идона ороста гардид
Дар ноҳияи Деваштич маъракаи кишти картошка оғоз шуд
Иҷлосияи нуздаҳуми Маҷлиси вакилони халқи вилояти Хатлон, даъвати шашум доир гардид
Дар пайравӣ ба амалҳои хайрхоҳонаи Президенти Тоҷикистон дар якчанд қисми ҳарбӣ дастурхони идона ороста шуд
Дар Неругоҳи барқи обии «Норак» ҷашни байналмилалии Наврӯз бо шаҳомати хосса таҷлил гардид
Имрӯз дар Тоҷикистон ҳаво тағйирёбанда шуда, борон ва раъду барқ пешгӯӣ мешавад
Наврӯз ҳамчун ҷашни эҳёи табиат истифодаи оқилонаи заминро талқин менамояд
Кишоварзони ноҳияи Зафаробод дар 120 гектар картошкаи барвақтӣ кишт менамоянд
Дар Агентии содироти Тоҷикистон бо намояндагони Агентии назорати давлатии молиявӣ ва мубориза бо коррупсия вохӯрӣ доир шуд
Ба кишоварзони ноҳияи Деваштич барои парвариши картошка ва тухмиҳои хушсифат тавсияҳо дода шуд
Дар ноҳияи Спитамени вилояти Суғд кишти чигит оғоз ёфт