Вазири мудофиаи Тоҷикистон ва фармондеҳи ҲМҲ масъалаҳои ҳамкорӣ ва амниятро дар минтақаи Осиёи Марказӣ муҳокима карданд
ДУШАНБЕ, 25.11.2020 /АМИТ «Ховар»/. Вазири мудофиаи Ҷумҳурии Тоҷикистон, генерал-полковник Шералӣ Мирзо ва Фармондеҳи Ҳавзаи марказии ҳарбии (ҲМҲ) Федератсияи Россия Александр Лапин масъалаҳои ҳамкории мутақобила ва амниятро дар минтақаи Осиёи Марказӣ муҳокима намуданд. Дар ин бора АМИТ «Ховар» бо истинод ба Вазорати мудофиаи Тоҷикистон хабар медиҳад.
Ба гуфтаи Шералӣ Мирзо, имрӯз дар ҳамкории Ҷумҳурии Тоҷикистон ва ҳавзаи низомии Россия дар омодасозии муштараки ҳайати шахсӣ ва ҷузъу томҳо ҳаракати мусбат дида мешавад. Зикр карда шуд, ки шумораи чорабиниҳои васеъмиқёси муштарак дар тӯли се сол тақрибан ду баробар- то 12 адад афзудааст.
Дар ҷараёни мулоқот зикр карда шуд, ки афсарони мақомоти идоракунӣ ва воҳидҳои Қувваҳои мусаллаҳи Ҷумҳурии Тоҷикистон аз рӯи анъана дар чорабиниҳои фаврӣ ва ҷангии Ҳавзаи марказии ҳарбӣ, инчунин дар ҷамъомади фаврӣ-сафарбаркунии ҳайати роҳбарикунандаи ҳавзаи ҳарбӣ ва машқҳои фармондеҳӣ-ситодӣ иштирок мекунанд.
«Сифати гузаронидани чорабиниҳо ба мо имкон дод, ки дар самти омодасозӣ ва ҳамоҳангии мақомоти идоракунии ҳарбӣ таҷрибаи азим ҳосил кунем, системаҳои иктишофӣ ва бо оташ нобудкуниро ба ҳам пайвандем, инчунин бо дарназардошти таҷрибаи ҷангии дар Ҷумҳурии Сурияи Араб ба даст омада ба тактикаи ягона бирасем», — гуфт фармондеҳи ҲМҲ, генерал-полковник Лапин.
Инчунин ҳангоми мулоқот ҷонибҳо дар бораи масъалаи нигоҳ доштани амнияти минтақаи Осиёи Марказӣ мубодилаи афкор намуданд. Ба ғайр аз ин, фармондеҳи қӯшунҳо дар назди ҳайати роҳбарикунандаи Ҷумҳурии Тоҷикистон бо гузориш дар бораи амнияти минтақавӣ ва вазифаҳои омӯзиши муштарак барои соли 2021 сухан гуфт.








Байни Тоҷикистон ва Амороти Муттаҳидаи Арабӣ Ёддошти тафоҳум оид ба эътирофи мутақобили шаҳодатномаҳои ронандагӣ ба имзо расид
Дар Прокуратураи генералӣ Рӯзи Президентро таҷлил намуданд
Нақшаи даъвати тирамоҳии шаҳрвандони Тоҷикистон ба сафи Артиши миллӣ пурра иҷро шуд
80 корманди мақомоти корҳои дохилӣ бо манзили зист таъмин мешаванд
Соли 2027 Тоҷикистон раёсатро дар Созмони Аҳдномаи амнияти дастҷамъӣ ба уҳда мегирад
Ҳабибулло Воҳидзода бо сафири навтаъйини Беларус дар Тоҷикистон мулоқот намуд
Эмомалӣ Раҳмон: «Ҳар корманди милитсия бояд бо рафтору гуфтор, дониш, самимияту эътимод сазовори боварии шаҳрвандон бошад»
Дар Роғун Рӯзи милитсияи тоҷикро таҷлил намуданд
Дар Суғд Рӯзи милитсияи тоҷикро ботантана таҷлил намуданд
Дар 26 шаҳру ноҳияи Тоҷикистон шуъбаҳои Вазорати корҳои дохилӣ бо биноҳои замонавӣ таъмин шуданд
Рӯзи милитсияи тоҷик дар Вилояти Мухтори Кӯҳистони Бадахшон ботантана таҷлил гардид
10 НОЯБР — РӮЗИ МИЛИТСИЯИ ТОҶИК. Барои беҳтар намудани шароити хизмат дар мақомоти корҳои дохилӣ беш аз 1500 иншоот бунёд гардидааст






