Видеоконференсияи Шӯрои ҳамоҳангсозии роҳбарони мақомоти зиддимухаддиротии давлатҳои аъзои СААД баргузор гардид

Ноябрь 20, 2020 16:30

ДУШАНБЕ, 20.11.2020 /АМИТ «Ховар»/. Имрӯз ҷаласаи 22-юми Шӯрои ҳамоҳангсозии роҳбарони мақомоти салоҳиятдор оид ба мубориза бар зидди муомилоти ғайриқонунии маводи нашъаовари давлатҳои аъзои Созмони аҳдномаи амнияти дастаҷамъӣ тариқи видеоконференсия баргузор гардид. Бо намояндагӣ аз Ҷумҳурии Тоҷикистон дар ҷаласаи мазкур директори Агентии назорати маводи нашъаовари назди Президенти Ҷумҳурии Тоҷикистон, мушовири давлатии адлияи дараҷаи 3 Ҳабибулло Воҳидзода иштирок ва ҷаласаро ифтитоҳ намуд.

Дар ин бора аз Агентии назорати маводи нашъаовари назди Президенти Ҷумҳурии Тоҷикистон ба АМИТ «Ховар» хабар доданд.

Дар оғози ҷаласаи мазкур натиҷаҳои фаъолияти Шӯро дар 15 соли сипаригардида таҳлилу ҷамъбаст гардида, сипас роҳбарони мақомоти зиддимухаддиротии давлатҳои аъзои СААД оид ба ҳолат ва раванди инкишофи вазъи маводи мухаддир дар кишварҳои худ сухан гуфтанд.

Зикр гардид, ки  новобаста аз вазъи эпидемиологии баамаломада марбут ба паҳншавии сирояти коронавирус, дар давраи сипаригардидаи соли ҷорӣ дар фаъолияти худ ба натиҷаҳои мусбат ноил гардиданд. Зимнан, аъзои Шӯро зарурати нигоҳ доштани самти ташаккулёфтаи зиддимухаддиротии давлатҳои аъзои СААД-ро таъкид намуданд.

Ҳамчунин зимни ҷаласаи Шӯрои ҳамоҳангсозӣ масъалаҳои татбиқи Стратегияи зидди маводи нашъаовари давлатҳои аъзои СААД барои солҳои 2015-2020, муҳлат, макон ва марҳилаҳои фаъоли баргузории амалиёти зиддимухаддиротӣ дар соли 2021, гузаронидани машқҳои махсуси таълимии сохторҳои таъйиноти махсуси вазоратҳои корҳои дохилӣ ва назорати маводи нашъаовари давлатҳои аъзои СААД ва дигар масъалаҳои муҳим дар доираи ваколатҳои ин Шӯро мавриди баррасӣ қарор дода шуда, нисбат ба онҳо қарорҳои дахлдор қабул карда шуданд.

Ноябрь 20, 2020 16:30

Хабарҳои дигари ин бахш

Котиби Шӯрои амнияти ФР Николай Патрушев: дар қаламрави ИДМ зиёда аз 40 нафар террористон дастгир шуданд
Котиби Шӯрои амнияти Тоҷикистон Насрулло Маҳмудзода дар вохӯрии котибони шӯроҳои амнияти давлатҳои иштирокчии ИДМ иштирок намуд
СИРАТИ ҚАЛЛОБ. Дар бораи қаллобон чӣ медонем ва чӣ бояд кард, ки ба доми макри ин бадсиголон гирифтор нашавем?
Котиби Шӯрои амнияти Тоҷикистон Насрулло Маҳмудзода дар ҷаласаи котибони Шӯрои амнияти СААД иштирок намуд
Хуршед Мирзоев барои далерию шуҷоат дар пешгирии паҳншавии оташ бо медали «Ҷасорат» сарфароз гардонида шуд
Дар Тоҷикистон даъвати тирамоҳӣ ба сафи Қувваҳои мусаллаҳ 100% иҷро шуд
Пешвои миллат: «Ҳукумати Тоҷикистон ба беҳтар намудани шароити зиндагӣ ва хизматии ҳайати шахсии Вазорати корҳои дохилӣ таваҷҷуҳи хосса зоҳир менамояд»
Кормандони Гурӯҳи фаврии КДАМ ҶТ 86 кг маводи мухаддир дарёфт ва мусодира карданд
Дурнамои даъват ба сафи Қувваҳои Мусаллаҳи мамлакат 98,7 фоиз иҷро шуд
Дар Душанбе Академияи байналмилалии ВКД бунёд мешавад
Маъракаи даъвати ҳарбӣ дар вилояти Хатлон пурра иҷро гардид
Дафтари раиси вилояти Кундузи Афғонистон тирборон гардид — шаш тан захмӣ шудаанд