350 нафар поккорону гулпарварони Сарраёсати ободонии шаҳри Хуҷанд қадрдонӣ шуданд
ДУШАНБЕ, 30.12.2020 /АМИТ «Ховар»/. Дар арафаи Соли нави мелодии 2021 дар шаҳри Хуҷанд ба зиёда аз 350 нафар поккорон ва гулпарварон маводи ғизоӣ ғизоӣ, аз қабили орду равған, макарон, биринҷ, чойи хушк ва ғайраҳо тақдим карда шуд. Кумаки мазкур аз ҷониби Раиси вилояти Суғд Раҷаббой Аҳмадзода ва иҷрокунандаи вазифаи Раиси шаҳри Хуҷанд Фирдавс Шарифзода дар пайравӣ ба ташаббусу иқдомҳои башардўстона ва раъиятпарваронаи Президенти Ҷумҳурии Тоҷикистон муҳтарам Эмомалӣ Раҳмон ба поккорону гулпарварон тақдим гардид.
Тавре аз маркази матбуотии Раиси шаҳри Хуҷанд ба АМИТ «Ховар» иттилоъ доданд, Раҷаббой Аҳмадзода зимни суҳбати самимӣ бо рўбандаю покизакорон ва гулпарварони Сарраёсати ободонии шаҳри Хуҷанд иброз намуд, ки заҳмати шабонарўзии ҳар як корманди ҷодаи ободонӣ ҳамеша қадршиносӣ мегардад, зеро аз фаъолияти бомаром ва самаровари ин нафарон тозагӣ ва хуррамии маркази маъмурии вилояти Суғд –шаҳри Хуҷанд вобастагии зиёд дорад.
«Бахусус дар замони паҳншавии бемориҳои сирооятӣ мо бояд дар ҷодаи ободонию тозагӣ масъулияти бештарро ҳис намоем. Ҳар гоҳе, ки сокинону меҳмонон аз тамошои дарахтони ҳамешасабз, гулҳои рангорангу сабзазор, кӯчаву хиёбонҳои зебо ва тозаю озодаи шаҳри бостонии Хуҷанд ба ваҷд меоянд, пеш аз ҳама ба меҳнати шумоён баҳои баланд медиҳанд»— афзуд Раиси вилояти Суғд.
Рўбандаю покизакорон ва гулпарварон, ки аз ин кўмакҳои ғизоӣ, аз қабили орду равған, макарон, биринҷ, чойи хушк ва ғайраҳо бархўрдор шуданд, миннатдории хешро ба Роҳбарияти давлату Ҳукумат барои таваҷҷуҳ изҳор доштанд.
Дар Москва ҷаласаи навбатии Шурои сарони давлатҳои аъзои Иттиҳоди Давлатҳои Мустақил баргузор мешавад
Кормандони милитсия дар муассисаҳои таълимии шаҳри Кӯлоб суҳбатҳои мақсаднок гузарониданд
Имрӯз дар Тоҷикистон ҳаво то 27 дараҷа гарм мешавад
Намояндаи Тоҷикистон дар конференсияи байналмилалии «Ҳифзи мерос барои субот» иштирок намуд
Дар шаҳри Истаравшан Рӯзи омӯзгорон таҷлил гардид
Ҳайати ҷавонони Тоҷикистон дар ҳамоиши байналмилалии ҷавонон дар Қазокистон иштирок намуд
ОМӮЗГОРОН-ПОСДОРОНИ ЗАБОНИ МИЛЛАТ. Дар Донишкадаи давлатии санъати тасвирӣ ва дизайни Тоҷикистон ҳамоиши тантнавӣ доир шуд
Олимони Чин бо фаъолияти Институти тибби ветеринарии Академияи илмҳои кишоварзии Тоҷикистон шинос шуданд
Дар Донишгоҳи давлатии Кӯлоб Рӯзи забони давлатӣ ва Рӯзи омӯзгорон таҷлил гардид
6 ОКТЯБР-РӮЗИ ҶАҲОНИИ ҲИФЗИ МАКОНИ ЗИСТ. Ҷомеаи ҷаҳонӣ бояд таъсири харобиовари омили антропогенӣ ба табиатро ҷилавгирӣ намояд
МУЛОҚОТИ СУДМАНД ВА ТАҲКИМБАХШ. Дар ҳошияи сафари Президенти Тоҷикистон ба Давлати Қатар
Имрӯз дар баъзе ноҳияҳои Тоҷикистон борони кӯтоҳмуддат меборад
