Ҳайатҳои Тоҷикистону Германия масъалаҳои тавсеаи ҳамкории судмандро баррасӣ намуданд

Декабрь 11, 2020 15:35

ДУШАНБЕ, 11.12.2020 /АМИТ  «Ховар»/.  Байни Ҳукумати Ҷумҳурии Тоҷикистон ва Ҳукумати Ҷумҳурии Федеративии Германия тариқи видеоконфронс гуфтушунидҳо дар  масъалаҳои рушди  ҳамкории минбаъдаи ду кишвар доир  гардиданд, иттилоъ медиҳад Вазорати рушди иқтисод ва савдои Ҷумҳурии Тоҷикистон.

Ҳайати Ҷумҳурии Тоҷикистонро муовини Вазири рушди иқтисод ва савдо Абдураҳмон Абдураҳмонзода ва ҳайати Ҷумҳурии Федеративии Германияро Ваколатдор оид ба кишварҳои Осиёи Вазорати федералии ҳамкории иқтисодӣ ва рушд (BMZ) Гизела Хаммершмидт роҳбарӣ намуда, ҷонибҳо изҳори боварӣ карданд, ки ҳамкории мутақобилан судманди иқтисодии Ҷумҳурии Тоҷикистон ва Ҷумҳурии Федеративии Германия боз ҳам рушд ва тақвият меёбад.

Абураҳмон Абдураҳмонзода зикр кард, ки бо шарофат ва иродаи олии сиёсии Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ҳамкории стратегии кишварҳои мо ба сатҳи баланд баромада, самтҳои афзалиятнокро дар бар мегиранд.

Гуфтушунидҳо дар фазои созанда ва дӯстона баргузор гардида, ҷонибҳо ба мувофиқа расиданд, ки бо дарназардошти натиҷаи машваратҳои қаблии байниҳукуматӣ, ки соли 2019 дар Душанбе доир гардида буд, маблағҳои грантии ҷониби Германияро ба соҳаҳои афзалиятноки Ҷумҳурии Тоҷикистон равона менамоянд.

Ҳайатҳои ҳарду кишвар масъалаҳои ҳамкории кунунӣ ва минбаъдаро дар самтҳои асосӣ, аз қабили соҳаҳои рушди устувори иқтисодӣ, тандурустӣ, бахши маблағгузории хурд, энергетика, муҳоҷирати меҳнатӣ ва ҳифзи муҳити зист муҳокима карданд.

Дар рафти гуфтушунидҳо ҷониби Тоҷикистон маблағҳои грантии Ҳукумати Германия, ки 19,2 миллион евроро ташкил медиҳад, барои соҳаи тандурустӣ ҷалб намуд. Аз ҷумла аз ин маблағҳо 11 миллион  евро барои сохтмон ва муҷаҳҳаз гардонидани Маркази бемориҳои сили вилояти Хатлон равона мегардад.

Инчунин дар доираи гуфтушунидҳо ба дигар лоиҳаҳои афзалиятнок, аз қабили мусоидат ба ҳифзи саломатии модар ва кӯдак, Беморхонаи ҷумҳуриявии кӯдаконаи бемориҳои сил ва рушди устувори иқтисодӣ маблағҳои иловагӣ ҷалб карда шуданд. Дар анҷоми гуфтушунидҳо протоколи дахлдор ба имзо расонида шуд.

Декабрь 11, 2020 15:35

Хабарҳои дигари ин бахш

Дар Суғд барои дарёфти грантҳои раиси вилоят озмун баргузор мешавад
Дар Эстония Хонаи савдои Тоҷикистон таъсис дода мешавад
Намояндагони Тоҷикистон дар «Аirspace world 2024» дар Женева иштирок намуданд
Роҳбари хоҷагии деҳқонии «Бобои Носир»: «Истифодаи оқилонаи 7,5 гектар замин ва даромад аз он дар баланд гардидани сатҳи зиндагии 5 оила мусоидат намуд»
Деҳқонони ноҳияи Мастчоҳ имсол дар майдони зиёда аз 23 ҳазор гектар кишту парвариши зироати кишоварзиро ба нақша гирифтаанд
Дар шаҳри Хуҷанд Намоишгоҳи X байналмилалии савдо «Суғд-2024» доир мегардад
«РОҲ БА СӮИ ТИЁНШОН». Душанбе охири моҳи май мизбони конфронси байналмилалӣ мегардад
Соли 2023 ба буҷети шаҳри Гулистон аз ҳисоби хизматрасонии сайёҳӣ ва табобатӣ зиёда аз 40 миллион сомонӣ ворид шуд
Ҳоҷагидорони Кооперативи истеҳсолии «Сомон-Бохтар»-и ноҳияи Кӯшониён майдони парвариши лимӯро васеъ менамоянд
Сардхонаи муосири деҳоти «Файзи Истиқлол»-и ноҳияи Кӯшониён ба аҳолӣ хизмат мерасонад
«ТОҶИКИСТОН-2024». Дар Душанбе Намоишгоҳи байналмилалии универсалӣ доир мешавад
120 гектар замини канори деҳаи Ғӯсари шаҳри Панҷакент бо оби полезӣ таъмин мегардад