Қазоқистон ба Тоҷикистон 100 адад дастгоҳи сайёри ҳаводиҳии сунъии шушҳо фиристод

Декабрь 25, 2020 10:40

ДУШАНБЕ, 25.12.2020 /АМИТ «Ховар»/. 100 адад  дастгоҳи сайёри ҳаводиҳии сунъии шушҳо (ҲСШ)-и истеҳсоли қазоқӣ аз Қазоқистон ба Тоҷикистон ирсол шуд. Тавре АМИТ «Ховар» хабар медиҳад, дар ин бора 24 декабр хадамоти матбуоти Вазорати саноат ва рушди инфрасохтори Ҷумҳурии Қазоқистон иттилоъ додааст.

Дар хабар омадааст, ки 22 декабр Қазоқистон 100 адад дастгоҳи сайёри ҳаводиҳии сунъии шушҳо — «Кокчетав-4П» -ро тавассути нақлиёти автомобилӣ ба Тоҷикистон ирсол намуд.

Вазорати саноат ва рушди инфрасохтори Ҷумҳурии Қазоқистон дастгоҳҳоро дар доираи иҷрои фармони Президенти Қазоқистон Қосим-Жомарт Токаев ва Қарори Ҳукумати Ҷумҳурии Қазоқистон аз 10 декабри соли 2020 «Дар бораи расонидани кумаки башардӯстонаи расмӣ ба Ҷумҳурии Тоҷикистон» фиристод.

Ёдовар мешавем, ки дастгоҳҳои “Кокчетав-4П” дар корхонаи Тинис дар Кокшетау васл карда мешаванд. Корхона дар як моҳ тақрибан 500 адад чунин дастгоҳ истеҳсол мекунад ва нархи як дастгоҳ 750 ҳазор тенге мебошад (мутобиқи қурби асъор то 25 декабр тақрибан 1783,26 доллар — шарҳи АМИТ «Ховар»).

Дастгоҳҳои мазкур сайёр мебошанд, яъне онҳоро, масалан, дар мошини ёрии таъҷилӣ насб кардан ва ё ҳатто дар хона истифода бурдан мумкин аст.

                                                                    АКСИ: Express-k.kz

Декабрь 25, 2020 10:40

Хабарҳои дигари ин бахш

То 2 май дар баъзе ноҳияҳои Тоҷикистон баландшавии ҳолати ифлосшавии ҳавои атмосфера дар назар аст
Имрӯз дар Тоҷикистон ҳаво то 35 дараҷа гарм мешавад
ИСТИФОДАИ САМАРАНОКИ ЗАМИН. Сокинони шаҳри Бохтар дар замини наздиҳавлигияшон гармхона ташкил намуданд
«IRS» бо мақсади пешгирии қонунвайронкунӣ дар масири Душанбе – Чанок гузаргоҳи назоратӣ таъсис дод
Ба соҳибкори муваффақи тоҷик аз ҷониби Президенти Қазоқистон Медали ҷашнӣ ва Ифтихорномаи фахрӣ супорида шуд
Дар Хатлон нахустин бозиҳои мусобиқаи кӯдаконаи футбол баргузор шуданд
НАҚЛИЁТИ «САБЗ». Ба Тоҷикистон 6047 мошини барқӣ ворид карда шудааст
Кӯчати мағзи устухон дар ҳолати саратони хун ва бемориҳои гематологӣ дар шабакаи клиникаҳои «Acıbadem»
Имрӯз дар шаҳри Душанбе ҳаво то 31 дараҷа гарм мешавад
Барои барқарор намудани чарогоҳҳои водии Рашт 20 намуди тухмиҳои бутта ва дарахтон парвариш карда мешаванд
Дар Ҳисор маҳфил – озмуни «Тоҷикистони ман!» оғоз гардид
Имсол дар Хатлон қариб 500 ҳазор тонна пиёз ҷамъоварӣ карда мешавад