БИДУНИ БАРФ. Дар Соли нав дар Тоҷикистон сокинон се рӯз истироҳат мекунанд

Декабрь 26, 2020 11:38

ДУШАНБЕ, 26.12.2020 /АМИТ «Ховар»/.  Дар рӯзҳои ҷашнии Соли нав  шаҳрвандони Тоҷикистон се рӯз  — 1, 2 ва 3 истироҳат хоҳанд кард.  

Тибқи тақвим, имсол Соли нав ба рӯзи ҷумъа рост меояд, ки он мутобиқи Қонуни Ҷумҳурии Тоҷикистон “Дар бораи рӯзҳои ид» истироҳат аст. Шанбе ва якшанбе рӯзҳои истироҳатии муқаррарӣ мебошанд.

Ҳамин тариқ, бо назардошти рӯзҳои истироҳат дар аввали моҳи январ   се рӯз дам хоҳанд гирифт.

Соли гузашта низ дар Тоҷикистон шаҳрвандон се рӯз — 30, 31 ва 1 январ истироҳат карда буданд.

Сардори Маркази обуҳавошиносии  ҷумҳурӣ Ҷамила Байдуллоева ба АМИТ «Ховар» иттилоъ дод, ки дар Соли нав барф ва сардиҳои шадид пешгӯӣ намешавад. Аммо бориши барф чанд рӯз пеш аз омадани соли 2021 ба амал хоҳад омад.

Ҳамин тавр, аллакай аз 26 то 27 декабр дар Тоҷикистон ҳавои абрноки тағйирёбанда пешбинӣ шуда, барф меборад ва   ҳаво  сард мешавад. Дар баъзе ноҳияҳо ҳарорат аз +4 то -15 дараҷа ва дар минтақаи баландкӯҳи Бурункӯли ВМКБ то 31-33 дараҷа сардӣ пешбинӣ шудааст!

То 30-юми декабр боду ҳаво барқарор шуда,  ҳавои абрнок ва соф пешбинӣ мегардад.“Аз 31 декабр то 1 январ боридани борон пешбинӣ нашудааст», — гуфт  Ҷамила  Байдуллоева.

Ҳамзамон, мутахассиси Маркази обу ҳавошиносӣ иброз намуд, ки дар қаламрави ҷумҳурӣ ҳаво каме абрнок хоҳад буд ва ҳарорати миёнаи он дар мамлакат тақрибан + 5 дараҷаро ташкил хоҳад дод.

                              АКС аз бойгонии АМИТ «Ховар»

Декабрь 26, 2020 11:38

Хабарҳои дигари ин бахш

Фестивали чоруми дӯстии ҷавонони шаҳри Душанбе баргузор гардид
«БАЧА АЗИЗ, ОДОБАШ АЗ ОН АЗИЗТАР…». Ба таълиму тарбияи фарзандон набояд бетарафӣ зоҳир намуд
Маркази тадқиқоти стратегии Тоҷикистон ва Институти байналмилалии Осиёи Марказӣ масоили ҳамкории илмию таҳлилиро баррасӣ намуданд
35-СОЛАГИИ ИСТИҚЛОЛИ ДАВЛАТӢ. Беморхонаи марказии ноҳияи Темурмалик пурра навсозӣ гардид
ЗАБОН ДОНӢ-ҶАҲОН ДОНӢ. Аз 1 апрел кормандони мақомоти давлатӣ, худидоракунии маҳаллӣ ва ташкилотҳои давлатӣ ба омӯзиши ҳатмии забонҳои хориҷӣ фаро гирифта мешаванд
Дар ноҳияи Айнӣ сеюмин ҳамоиши гирандагони стипендияи президентӣ баргузор шуд
НАВРӮЗИ ХУҶАСТАПАЙ МУЖДАИ НЕКИ БАҲОРИ ХУРРАМ. Дар Суғд Ҷашни байналмилалии Наврӯз бо шукуҳи хоса таҷлил шуд
Тоҷикистон терроризму ифротгароиро қотеона маҳкум менамояд
24 МАРТ — РӮЗИ ҶАҲОНИИ МУБОРИЗА БО БЕМОРИИ СИЛ. Ҳадаф аз он огоҳӣ, пешгирӣ ва мубориза бар зидди ин беморӣ мебошад
ИМРӮЗ ДАР ТОҶИКИСТОН — РӮЗИ ГУЛ ВА НИҲОЛШИНОНӢ. Соли 2023 дар ҷумҳурӣ беш аз 1 миллион бех ниҳоли дарахтони гуногун шинонида шуд
МАСЛИҲАТИ МУТАХАССИС. Истеъмоли гулкарам масунияти инсонро боло мебардорад
МАСЛИҲАТИ МУТАХАССИС. Истеъмоли ғизои солим беҳтарин роҳи ҳифзи солимии шахс мебошад