Бо ташаббуси фраксияи ҲХДТ дар Маҷлиси намояндагон конференсияи илмӣ баргузор гардид
ДУШАНБЕ, 22.12.2020. /АМИТ «Ховар»/. Имрӯз дар толори таърихии Маҷлиси намояндагони Маҷлиси Олии Ҷумҳурии Тоҷикистон ба муносибати 26-умин солгарди таъсиси Ҳизби Халқии Демократии Тоҷикистон конференсияи илмӣ дар мавзӯи «Таҳкими Истиқлоли давлатӣ рисолати Ҳизби Халқии Демократии Тоҷикистон» баргузор гардид. Конференсияи мазкур бо ташаббуси фраксияи ҲХДТ дар Маҷлиси намояндагон баргузор шуда, дар он шахсиятҳои таърихӣ, собиқадорони ҳизб, вакилони мардумӣ ва кормандони Дастгоҳи Маҷлиси намояндагон иштирок намуданд.
Дар ин бора аз маркази матбуоти Маҷлиси намояндагони Маҷлиси Олии Ҷумҳурии Тоҷикистон ба АМИТ «Ховар» иттилоъ доданд.
Ҳамоиш бо сухани ифтитоҳии Раиси Маҷлиси намояндагони Маҷлиси Олии Ҷумҳурии Тоҷикистон Маҳмадтоир Зокирзода оғоз шуда, мавсуф нақши Пешвои муаззами миллат муҳтарам Эмомалӣ Раҳмонро дар муттаҳид гардонидани мардуми кишвар ва нақши ҲХДТ-ро дар рушди босуботи ҷомеа муҳим арзёбӣ намуд. Аз ҷумла таъкид гардид, ки «Ҳизби Халқии Демократии Тоҷикистон бо роҳнамоиву ҳидоятҳои Раиси муаззами ҳизб тавассути қабул ва амлигардонии Барномаҳои мукаммал тавонист дар як муддати кӯтоҳ дар роҳи таъмин намудани рушди сиёсиву иқтисодӣ ва иҷтимоиву фарҳангии Тоҷикистон ба натиҷаҳои назаррас ноил гардад.
Ҳамзамон ноиби раиси Шӯрои собиқадорони ҲХДТ Давлаталӣ Давлатзода перомуни таърихи таъсис, омилҳо, заминаҳо ва шебу фарозҳои ҷодаи тайнамудаи Ҳизби Халқии Демократии Тоҷикистон ёдоварӣ намуда, зикр кард ки ҲХДТ дар асоси ормонҳои миллӣ таъсис шуда, тибқи дастури Пешвои миллат барои рӯи кор омадани он низомнома ва оинномаи пешрафтатарин аҳзоби сиёсии ҷаҳон омӯхта шуданд ва Ҳизби Халқии Демократии Тоҷикистон бо саҳифаҳои нав рӯи саҳнаи сиёсии Тоҷикистон омада, дар пешрафти соҳаҳои мухталиф нақши сазовор мегузорад.
Дар конференсияи мазкур инчунин Раиси Кумитаи Маҷлиси намояндагони Маҷлиси Олии Ҷумҳурии Тоҷикистон оид ба корҳои байналмилалӣ, иттиҳодияҳои ҷамъиятӣ ва иттилоот Саидмурод Фаттоҳзода дар мавзӯи «Ҳизби Халқии Демократии Тоҷикистон омили таҳкими Истиқлолияти давлатӣ» ва муовини якуми раиси Фраксияи Ҳизби Халқии Демократии Тоҷикистон дар Маҷлиси намояндагон Гулбаҳор Назирӣ дар мавзӯи «Нақши беназири Пешвои миллат дар ташкил ва фаъолияти ҲХДТ маърӯза намуданд.
Ёдовар мешавем, ки Ҳизби Халқии Демократии Тоҷикистон яке аз бузургтарин ва сернуфузтарин аҳзоби сиёсии Тоҷикистон буда, 26 сол муқаддам таъсис ёфтааст.
Қонуни Ҷумҳурии Тоҷикистон «Дар бораи мақоми омӯзгор» қабул карда шуд
Ҳайати вакилони Тоҷикистон дар Муколамаи дуюми минтақавии парламентӣ оид ба рушди технологияҳои «сабз» иштирок намуд
Дар Маҷлиси намояндагон лоиҳаи Қонуни Ҷумҳурии Тоҷикистон «Дар бораи мақоми омӯзгор» мавриди баррасӣ қарор гирифт
Дар Русия ҷаласаҳои навбатии Ассамблеяи байнипарламентии давлатҳои ИДМ баргузор гардиданд
Файзалӣ Идизода бо ваколатдор оид ба ҳуқуқи инсон дар Федератсияи Русия вохӯрӣ намуд
Раиси Маҷлиси миллии Маҷлиси Олии Ҷумҳурии Тоҷикистон Рустами Эмомалӣ бо муовини Раиси Ҳукумати Федератсияи Русия Марат Ҳуснуллин мулоқот намуданд
Файзалӣ Идизода дар ҷаласаи маҷозии роҳбарони парламентҳои кишварҳо иштирок намуд
Иҷлосияи дуюми Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум баргузор гардид
Ҳайати Гурӯҳи дӯстӣ ва ҳамкории Маҷлиси намояндагони Тоҷикистон бо Палатаи намояндагони Маҷлиси миллии Беларус мулоқот намуд
Намояндаи Тоҷикистон дар Конфронси умумиҷаҳонии парламентӣ оид ба мубориза бо терроризм ва пешгирии ифротгароӣ иштирок намуд
Вакили Маҷлиси намояндагон: «Парлумони Тоҷикистон иштирокчии фаъол ва шарики муътамади Форуми осиёии ҳамкории парламентӣ мебошад»
ЗАБОНИ ТОҶИКӢ — ЗАБОНИ ҚУДРАТ ВА ИЛМУ ТАҲСИЛ. Андешаҳо оид ба бузургдошти забони давлатии Тоҷикистон
