Гулнора Ҳасанзода ба сокинони ноҳияи Ҷаббор Расулов ҳидоятҳои Президенти мамлакат, аз ҷумла сарфаи неруи барқро расонид
ДУШАНБЕ, 18.12.2020 /АМИТ «Ховар»/. Бо мақсади иҷрои дастуру супоришҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон, ки 15 декабри соли 2020 дар машварати корӣ баён доштанд, Директори Агентии омори назди Президенти Ҷумҳурии Тоҷикистон Гулнора Ҳасанзода барои расонидани арзи сипоси Сарвари давлат ба мардуми ноҳияи Ҷаббор Расулов ҷиҳати иштироки фаъолона дар маъракаи интихобот, ҷараёни корҳои ободонию созандагӣ бахшида ба таҷлили 30-солагии Истиқлоли давлатии Ҷумҳурии Тоҷикистон ва истифодаи сарфакоронаи неруи барқ ба ноҳияи Ҷаббор Расулови вилояти Суғд ба сафари корӣ баромад.
Аз Агентии омори назди Президенти Ҷумҳурии Тоҷикистон ба АМИТ «Ховар» иттилоъ доданд, ки зимни сафари корӣ Директори Агентии омор аз иншооти сохташуда-Муассисаи таълимии томактабии «Файзбахш», Муассисаи таҳсилоти миёнаи умумии №3 дидан намуда, бо ҷараёни корҳои сабзу хуррамгардонӣ ва ниҳолшинонӣ дар роҳи марказии ноҳия шинос гардид.
Ҳамзамон Гулнора Ҳасанзода бо сокинони ҷамоатҳои шаҳраку деҳоти ноҳияи Ҷаббор Расулов оид ба истифодаи сарфакоронаи неруи барқ, риояи қоидаҳои сӯхтор ва худдорӣ аз истифодаи таҷҳизоти барқии серхароҷот, истифодаи самараноки заминҳои наздиҳавлигӣ, захираи маводи озуқаворӣ, вазъи беҳдошт ва паҳншавии бемориҳои сироятӣ, вазъи иҷтимоию иқтисодии тамоми соҳаҳои ноҳия, иҷрои пурра ва сифатноки нақшаи чорабиниҳо вобаста ба таҷлили бошукӯҳи 30-солагии Истиқлоли давлатии Ҷумҳурии Тоҷикистон суҳбат намуда, муҳтавои дастуру супоришҳои Пешвои миллат, Президенти Ҷумҳурии Тоҷикистонро ба онҳо шарҳ дод.
Сафари кории гурӯҳ ба ноҳияи Ҷаббор Расулови вилояти Суғд идома дорад.
Дар Тоҷикистон беш аз 5 ҳазор муассисаи тандурустӣ фаъолият мекунад
Умед Бобозода ва Муҳаммад Рошид Ал-Амирӣ масоили ҳифзи ҳуқуқи инсонро баррасӣ намуданд
Бахшида ба ҷашни 35-солагии Истиқлоли давлатӣ дар шаҳри Душанбе барномаи фарҳангӣ доир шуд
Дар Душанбе ба муносибати Рӯзи кормандони соҳаи тиб ҳамоиши тантанавӣ баргузор гардид
Дар ноҳияи Восеъ бо иштироки Сарвазири Тоҷикистон иншооти иҷтимоӣ ва роҳҳои нав ба истифода дода шуданд
Эмомалӣ Раҳмон: «Ному осори Абуалӣ ибни Сино боиси сарфарозии тамоми инсоният гардидааст»
Эмомалӣ Раҳмон: «Саломатии аҳолӣ сарвати асосии давлат мебошад»
Бо дастури Пешвои миллат ба оилаи аз офати табиӣ зарардида дар Кӯлоб хонаи нави истиқоматӣ тақдим гардид
«ТАБЛИҒГАРОНИ ИСТИҚЛОЛ». Гурӯҳи тарғиботӣ — ташвиқотӣ дар ноҳияҳои Рӯдакӣ, Файзобод ва Шаҳринав дастовардҳои даврони соҳибистиқлолиро муаррифӣ намуд
Таъсиси Шурои роҳбарони мақомоти иҷрои маҷбурии кишварҳои аъзои ИДМ баррасӣ шуд
10 оилаи аз офати табиӣ зарардидаи деҳаи Баррӯшон соҳиби манзилҳои нав мешаванд
Бахшида ба Рӯзи кормандони хадамоти ҳолатҳои фавқулода ва мудофиаи гражданӣ ҳамоиши тантанавӣ доир шуд
