Марҳилаи дуюми сохтмони роҳи Обигарм-Нуробод оғоз мегардад
ДУШАНБЕ, 29.12.2020/АМИТ «Ховар»/. Татбиқи марҳилаи дуюми «Лоиҳаи сохтмони роҳи Обигарм-Нуробод» оғоз гардида, дар доираи он сохтмони қитъаи роҳи Тагикамар-Нуробод, аз километри 30+217 то километри 75+600, ба ғайри он аз километри 72+900 то 74+303, ки шомили марҳилаи 3-юм мебошад, пули дарози муваққатӣ бо роҳҳои аз ду ҷониб ба пул баранда дар назар дошта шудааст.
Дар ин хусус Вазорати нақлиёти Ҷумҳурии Тоҷикистон бо ширкати чиноии «Zhejiang Communication Constraction group. Co. Ltd. AVIC – INTC Project Engineering Company» қарордод ба имзо расонид.
Тавре аз вазорати мазкур ба АМИТ «Ховар» хабар доданд, санади мазкурро Вазири нақлиёти Ҷумҳурии Тоҷикистон Азим Иброҳим ва намояндаи ширкати «Zhejiang Communication Constraction group. Co. Ltd. AVIC – INTC Project Engineering Company»-и Чин Гуо Бохан имзо намуданд.
Тибқи иттилои манбаъ лоиҳаи мазкур аз се марҳила иборат буда, марҳилаи якуми он сохтмони 30,2 км роҳи асосии Обигарм -Тагикамар аз км 0+00 то км 30+217 ва сохтмони нақбҳои Қандак бо дарозии 1,6 км ва Қарағоч бо дарозии 1,7 км, сохтмони 5 пули нав, таҷдиди 1 пул, сохтмони 28 истгоҳ, 14860 метри мураббаъ пиёдароҳ ва 102,5 км нишонагузории аломати роҳро дар бар мегирад.
Баъди имзои қарород Вазири нақлиёти Тоҷикистон Азим Иброҳим бо намояндаи ширкати чиноӣ Гуо Бохан мулоқот намуда, масъалаҳои тақвияти ҳамкориро байни ду кишвар дар соҳаи нақлиёт баррасӣ намуд.
Азим Иброҳим изҳори боварӣ намуд, ки корҳои сохтмонӣ аз ҷониби ширкати мазкур бо сифати баланд ва сари вақт анҷом хоҳанд ёфт.
Истифодаи технологияҳои муосир ва зеҳни сунъӣ самти афзалиятноки сиёсати давлатии Тоҷикистон мебошад
Истиқлол ва рушди саноат: аз сарвати табиӣ то неруи созанда
Эмомалӣ Раҳмон: «То охири сол дар кишвар таъсиси боз 500 корхонаю коргоҳи саноатӣ пешбинӣ шудааст»
Дар ноҳияи Ҷайҳун ба сохтмони хати технологии коркарди нафт санги асос гузошта шуд
Кормандони соҳаи геология ва кӯҳкорӣ 35-солагии Истиқлоли давлатиро ботантана таҷлил намуданд
Навбати дуюми зеристгоҳи барқии «Навобод» ба истифода дода шуд
Дар Тоҷикистон платформаи рақамии ватании ZARZO барои ҳисоб ва идоракунии лоиҳаҳои кишоварзӣ таҳия мегардад
Дар Душанбе Фестивали зеҳни сунъӣ ва технологияҳои рақамӣ -«AI ALLEY» баргузор гардид
Дар Тоҷикистон содироти маҳсулот дар сатҳи устувори рушд ва афзоиш қарор гирифт
Дар Душанбе оид ба рушди алоқа, инноватсия ва технологияҳои рақамӣ ҳамоиши тантанавӣ баргузор шуд
