Вазири нақлиёт роҳдоронро ҳушдор дод, ки дар истифодаи техника ва маблағҳо эҳтиёткор бошанд
ДУШАНБЕ, 07.12.2020 /АМИТ «Ховар»/. Вазири нақлиёти Тоҷикистон Азим Иброҳим дар вохӯрӣ бо масъулин ва кормандони соҳаи роҳдорӣ -сардорон ва мутасаддиёни идораҳои хоҷагии роҳҳо, муассисаҳои нигоҳдории роҳҳо ва дигар масъулини соҳа таъкид намуд, ки дар иҷрои вазифаҳои масъулиятталаб ба саҳлангорӣ роҳ надиҳанд.
-Зеро, афзудааст вазир,-роҳҳо пайвандгари минтақаҳои ҷумҳурӣ буда, баҳри ба давлати транзитӣ дар минтақа табдил додани Ҷумҳурии Тоҷикистон ва тақвияти иқтидори транзитгузаронии он чун яке аз ҳадафҳои рушди кишвар аз ҷониби Ҳукумати мамлакат пазируфта шудааст.
Зикр гардид, ки назар ба бунёду таҷдиди роҳҳо нигоҳдории онҳо мушкилтар аст, аз ин лиҳоз роҳсозонро зарур аст софдилона ва бо виҷдони пок вазифаҳои бардӯшдоштаро иҷро намоянд, зеро роҳҳо бо маблағҳои ҳангуфт ва машаққати зиёд сохтаву ба истифода дода мешаванд. Дар ин росто, Вазири нақлиёт роҳдоронро ҳушдор дод, ки дар истифодаи техника ва маблағҳои барои таъмиру нигоҳдорӣ ҷудогардида эҳтиёткор бошанд, ба қонуншиканиву хунукназарӣ роҳ надиҳанд, ҳаракати бехатари воситаҳои нақлиётро тавассути роҳҳои мамлакат таъмин намоянд ва новобаста аз барфу борон роҳҳо бояд боз бошанд.
Дар вохӯрӣ ҳамзамон муовини Вазири нақлиёти ҷумҳурӣ Шуҷоат Сироҷзода ва сардори Раёсати сохтмон ва хоҷагии роҳҳои Вазорати нақлиёт Аловиддин Аноятшоев оид ба омодагии муассисаҳо ва корхонаҳои роҳдорӣ ба зимистон ва фаъолияти соҳаи нақлиёт дар 10 моҳи соли равон гузориш доданд.
Акс аз бойгонӣ
Эмомалӣ Раҳмон: «Даромади буҷети давлатӣ дар солҳои соҳибистиқлолӣ беш аз 250 баробар зиёд гардид»
Пешвои миллат Эмомалӣ Раҳмон: «То соли 2037 Тоҷикистонро пурра ба кишвари «сабз» табдил медиҳем»
РОҲИ 35-СОЛАИ НИЗОМИ БОНКИИ ТОҶИКИСТОН: аз бунёди низоми мустақили бонкӣ то бонкдории рақамӣ
РУШДИ САНОАТ. Дар давраи Истиқлолияти давлатӣ Душанбе ба маркази воқеии саноат, савдо ва хизматрасонӣ табдил ёфт
Эмомалӣ Раҳмон: «Бо саҳми соҳибкорони ватандӯст ва шахсони саховатпеша зиёда аз 10 ҳазор километр роҳҳои маҳаллӣ навсозӣ гардида, 273 пул бунёд гардид»
Ҷамшед Ҷумахонзода: «Соҳаи сайёҳӣ ба яке аз самтҳои афзалиятноки рушди иқтисоди Тоҷикистон табдил ёфтааст»
Абдураҳмон Абдураҳмонзода: «Тоҷикистон дар солҳои соҳибистиқлолӣ чун давлати дорои суръати баланди рушди иқтисодӣ шинохта шуд»
Истифодаи технологияҳои муосир ва зеҳни сунъӣ самти афзалиятноки сиёсати давлатии Тоҷикистон мебошад
Истиқлол ва рушди саноат: аз сарвати табиӣ то неруи созанда
Эмомалӣ Раҳмон: «То охири сол дар кишвар таъсиси боз 500 корхонаю коргоҳи саноатӣ пешбинӣ шудааст»
Дар ноҳияи Ҷайҳун ба сохтмони хати технологии коркарди нафт санги асос гузошта шуд
Кормандони соҳаи геология ва кӯҳкорӣ 35-солагии Истиқлоли давлатиро ботантана таҷлил намуданд
