12 нафар занони ноҳияи Сангвор сазовори грантҳои президентӣ гардидаанд

Январь 13, 2021 11:25

САНГВОР, 13.01.2021 /АМИТ «Ховар»/. Аз соли 2014 то соли 2020 12 нафар бонувони ҷамоатҳои деҳоти ноҳияи Сангвор ба маблағи умумии 390 000 сомонӣ сазовори грантҳои президентӣ шудаанд. Дар айни замон ин бонувон ба фаъолияти гуногуни кишоварзию соҳибкорӣ  машғул буда, зиёда аз 30 нафар занони дигарро бо ҷойи кор таъмин  намудаанд. Дар ин бора мудири бахши кор бо занон ва оилаи  ноҳияи Сангвор Малоҳат Донаева ба хабарнигори минтақавии АМИТ “Ховар” Субҳониддини Маҳмуд хабар дод.

Бояд гуфт, ки ҳамасола ҷиҳати рушди соҳибкории хурду миёна  барои занони деҳоти ҷумҳурӣ грантҳои президентӣ ҷудо мегарданд, ки дар натиҷаи татбиқи дурусти онҳо дар шаҳру навоҳии ҷумҳурӣ  ҷойҳои нави кории зиёд пайдо мегарданд.

Шароити кӯҳистони ноҳияи Сангвор бештар ба фаъолияти занбӯрпарварӣ мутобиқ буда, 5 гранти президентӣ дар ноҳия ба ин самт равона шудааст.

Инчунин аз ҳисоби грантҳои президентӣ коргоҳи дӯзандагӣ ба маблағи 40 ҳазор сомонӣ, коргоҳи парвариши мурғи марҷон ба маблағи 20 ҳазор сомонӣ, коргоҳи истеҳсоли шир ба маблағи 20 ҳазор сомонӣ, корхонаи хурди мурғпарварӣ ба маблағи 40 ҳазор сомонӣ, коргоҳи тайёр кардани равған ва шарбат аз ангат ба маблағи 30 ҳазор сомонӣ ва коргоҳи рушди ҳунарҳои мардумӣ ба маблағи 40 ҳазор сомонӣ бунёд гардидаанд.

Малоҳат Донаева мегӯяд, ки “мо, бонувони ноҳияи Сангвор кӯшиш менамоем, ки ба ғамхориҳои Сарвари давлат сазовор гардида, дар амалӣ намудани ҳадафи чоруми миллӣ- саноатикунонии мамлакат саҳми арзанда гузорем”.

Январь 13, 2021 11:25

Хабарҳои дигари ин бахш

МУБОРАК БОД! Бо Фармони Президенти Тоҷикистон ба Сардори Хадамоти гумрук рутбаи генерал-лейтенанти хадамоти гумрук дода шуд
ТОҶИКОН ДАР АҲДИ СОМОНИЁН СОҲИБИ ДЕВОНИ МӮҲТАСИБ БУДАНД. Ба Рӯзи кормандони мақомоти гумрук бахшида мешавад
Форуми байналмилалии иқтисодии «ИДМ — 30 сол» дар Москва баргузор мешавад
Дар Душанбе қарордоди марҳилаи дуюми лоиҳаи нақби «Истиқлол» ба имзо расид
Андозсупорандагони беҳтарини соли 2020 муайян гардиданд
Тоҷикистон ва Франсия ба ҳамкории муштарак дар самти тағйирёбии иқлим ва ҳифзи пиряхҳо тақвият мебахшанд
Дар Ҷамоати деҳоти Норини ноҳияи Ёвон машварати омӯзишии кишоварзӣ доир гардид
Дар Кӯлоб корхонаи дару тирезаҳои пластикӣ бо номи «Ҳаким» ба истифода дода шуд
Бо иштироки Сарвазири мамлакат Қоҳир Расулзода маҷлиси ҷамъбасти натиҷаҳои рушди иҷтимоию иқтисодии вилояти Хатлон дар соли 2020 баргузор гардид
Ҳайвоноту парандагони ваҳшӣ дар Бадахшон бо анвои гуногуни хӯрокӣ таъмин шуданд
Путин ба ҳукумат супориш дод, ки масъалаи ҷалби содаи муҳоҷиронро, аз ҷумла аз Тоҷикистон, Ӯзбекистон ва Украина ба сохтмонҳои Россия баррасӣ кунад
Ҳамлу нақли мусофирон тавассути ширкатҳои ҳавопаймоӣ дар соли 2020 то 60% коҳиш ёфт