ҶАБҲАИ БУЗУРГИ СОЗАНДАГӢ ДАР ШАҲРУ ДЕҲОТИ ТОҶИКИСТОН. Дар Ишкошим 31 иншооти ҷашнӣ мавриди истифода қарор гирифтанд
ДУШАНБЕ, 22.01.2021. /АМИТ «Ховар»/. Тавре қаблан АМИТ “Ховар” хабар дод, дар ноҳияи Ишкошими Вилояти Мухтори Кӯҳистони Бадахшон бахшида ба ҷашни 30-солагии Истиқлоли давлатии Ҷумҳурии Тоҷикистон бунёди 76 иншооти таъйиноти гуногун ба нақша гирифта шудааст.
Директори Маркази миллии қонунгузории назди Президенти Ҷумҳурии Тоҷикистон Иззатулло Саидзода, ки роҳбари гурӯҳи корӣ оид ба амалӣ намудани нақшаи корҳои ободонию бунёдкорӣ ба муносибати 30-солагии Истиқлоли давлатӣ дар ноҳияи Ишкошим мебошад, аз 14 то 20 январ бо ҷараёни корҳои бунёдкориву созандагӣ дар ин ноҳия шинос гардид.
Зикр гардид, ки айни замон дар 60 иншооти ҷашнӣ корҳои сохтмонӣ оғоз гардидаанд. Аз 76 иншооти нақшавӣ то охири соли гузашта 31 адади он мавриди истифода қарор дода шуданд. Аз ҷумла, Дирексияи сохтмони иншооти ҳукуматӣ бунёди хонаи истиқоматӣ ва навсозии роҳи марказии ноҳияи Ишкошимро ба анҷом расонид. Бинои филиали БДА “Амонатбонк” дар ноҳияи Ишкошим низ мавриди истифода қарор гирифт. Дар деҳаҳои Вранг ва Зонги ноҳия Вазорати тандурустӣ ва ҳифзи иҷтимоии аҳолӣ сохтмони биноҳои маркази саломатиро мавриди истифода қарор дод.
Инчунин корҳои сохтмонии бинои комендатураи сарҳадии “Лангар”-и қисми ҳарбии Қӯшунҳои сарҳадӣ, сохтмони бинои варзишгоҳ барои 4000 ҷойи нишаст, бинои хонаи фарҳанг дар деҳаи Лангар, бинои беморхонаи минтақавӣ барои 30 кат дар деҳаи Вранг, бинои муассисаи таҳсилоти миёнаи умумии №21 барои 640 ҷойи нишаст ва ғайраҳо бо маром идома доранд.
Ҳамзамон бо иштироки Директори Маркази миллии қонунгузории назди Президенти Ҷумҳурии Тоҷикистон Иззатулло Саидзода натиҷаҳои фаъолияти Мақомоти иҷроияи ҳокимияти давлатии ноҳияи Ишкошим дар соли 2020 натиҷагирӣ гардид.
Президенти Ҷумҳурии Тоҷикистон Эмомалӣ Раҳмон бо рафти корҳои сохтмонӣ дар бинои Театри миллӣ шинос шуданд
СОЛИ ТАҚВИЯТУ ТАҲКИМИ ХУДШИНОСИВУ ХУДОГОҲИИ МИЛЛӢ. Доир ба масоили ҳувияти миллӣ ва амнияти давлат ҳамоиши илмӣ баргузор шуд
Президенти Ҷумҳурии Тоҷикистон Эмомалӣ Раҳмон доир ба рафти омодагиҳо ба таҷлили ҷашни 35-солагии Истиқлоли давлатии Ҷумҳурии Тоҷикистон машварати корӣ доир намуданд
СОЛИ ОБОДОНИЮ СОЗАНДАГӢ. Сокинони деҳаи ба номи Ортиқ Ҷумаеви шаҳри Турсунзода бо оби нӯшокӣ таъмин шуданд
Дар доираи сафари кории Президенти Тоҷикистон дар Исфара иншооти соҳаи тандурустӣ ба истифода дода шуд
35-СОЛАГИИ ИСТИҚЛОЛИ ДАВЛАТӢ. Дар ноҳияи Мастчоҳ 735 иншоот бунёду навсозӣ гардидааст
Пешвои миллат Эмомалӣ Раҳмон дар шаҳри Исфара ба таври фосилавӣ як қатор иншооти иҷтимоиро мавриди истифода қарор доданд
Президенти Ҷумҳурии Тоҷикистон Эмомалӣ Раҳмон дар шаҳри Исфара кони ангишти №8-и Ҷамъияти саҳомии кушодаи «Ангишт»-ро ба истифода доданд
Сарвари давлат Эмомалӣ Раҳмон дар шаҳри Исфара бо лоиҳаи азхудкунии заминҳои бекорхобида, пойгоҳи обкашӣ, сардхона, коргоҳи бастубанди мева ва хоҷагии чорводорӣ ба таври фосилавӣ шинос шуданд
Пешвои миллат Эмомалӣ Раҳмон бо сафари корӣ ба шаҳри Исфара ташриф оварданд
Дар Хатлон неругоҳи офтобӣ бо иқтидори умумии 500 мегаватт сохта мешавад
Сарвари давлат Эмомалӣ Раҳмон бинои нави Беморхонаи марказии ноҳияи Мастчоҳро ба истифода доданд
