Ҳалокати чаҳор нафар дар натиҷаи бетартибиҳо дар Вашингтон

ДУШАНБЕ, 07.01.2021 /АМИТ «Ховар»/. Дар ҷараёни эътирозҳо дар Вашингтон чаҳор нафар ҳалок  шуданд. Тавре  АМИТ «Ховар» бо истинод ба «РИА Новости»хабар медиҳад, дар ин хусус роҳбари полиси маҳаллӣ Роберт Конти иттилоъ додааст.

Қаблан дар бораи ҳалокати собиқадори неруҳои ҳавоӣ Эшли Баббит, ки сахт маҷрӯҳ шуда буд, хабар пахш гардид.

“Як корманди полиси Капитолий бо силоҳи хидматиаш ба сӯи зане оташ кушод. Вай ба беморхонаи маҳаллӣ интиқол дода шуд ва бо вуҷуди тамоми  талошҳо барои наҷоти ҷонаш ҳалок гардид… Ғайр аз ин, имрӯз дар бораи се ҳолати ҳалокати дигар дар назди Капитолий хабарҳо ворид шуданд”, — иброз намуд Конти.

Ба гуфтаи ӯ, се нафар дар натиҷаи ҳодисаҳое фавтидаанд, ки «ёрии таъҷилии тиббиро талаб мекарданд». Ҳамаи фавтидагон калонсол буданд.

Конти илова кард, ки дар ҷараёни эътирозҳо 52 нафар боздошт шуданд, баъзеи онҳо  барои ғайриқонунии нигоҳ доштани силоҳ ва аксари онҳо барои вайрон кардани соати комендантӣ, ки дар ҳавзаи марказии Колумбия ҷорӣ шудааст.

Рӯзи чоршанбе дар теппаи Капитолий бетартибиҳо сар заданд, эътирозгарони тарафдори Трамп ба бинои конгресс зада даромаданд. Пеш аз ин, Трамп дар як гирдиҳамоӣ дар назди ҷонибдоронаш баромад кард ва аз онҳо даъват кард, ки ба Капитолий бираванд.

Баъдтар президенти амалкунанда аз тарафдоронаш хоҳиш кард, ки пароканда шаванд ва ба хонаҳояшон баргарданд.

                                                            АКСИ: News.myseldon.com