Ҳамкории байнипарлумонии Тоҷикистон ва Озарбойҷон ба марҳилаи нав ворид гардид

Январь 15, 2021 11:02

ДУШАНБЕ, 15.01.2021 /АМИТ «Ховар»/. Имрӯз раиси кумитаи Маҷлиси намояндагони Маҷлиси Олии Ҷумҳурии Тоҷикистон оид ба корҳои байналмилалӣ, иттиҳодияҳои ҷамъиятӣ ва иттилоот Саидмурод Фаттоҳзода ва раиси гурӯҳи дӯстии Маҷлиси намояндагон бо парлумони Ҷумҳурии Озарбойҷон Ҷамшед Муртазодзода бо Сафири Фавқулода ва Мухтори Ҷумҳурии Озарбойҷон дар Ҷумҳурии Тоҷикистон  Гасен Маметзаде мулоқот намуданд.

Тавре котиби матбуоти Маҷлиси намояндагон Муҳаммадато Султонов ба АМИТ “Ховар” иттилоъ дод, зимни мулоқоти судманду самимӣ таъкид карда шуд, ки  Парлумони Тоҷикистон ба густариши муносибот бо Ҷумҳурии Озарбойҷон таваҷҷуҳи махсус зоҳир менамояд. Зеро  мардумони моро дӯстӣ ва арзишҳои муштараки фарҳангӣ ва расму ойин аз давраҳои қадим пайванд намудаанд.

Ҳамкории дуҷониба ва бисёрҷонибаи Тоҷикистон бо Озарбойҷон ба таври анъанавӣ ва дар рӯҳияи эҳтиром ва шарикии тарафайн густариш меёбад. Байни Тоҷикистон ва Озарбойҷон ҳамкорӣ дар сатҳи байналмилалӣ ва дар чаҳорчӯбаи созмонҳои байналмилалӣ, мисли СММ, САҲА ва ИДМ ба роҳ монда шудааст.

Кишварҳо ҳавасмандии худро барои дар оянда боз ҳам бештар ривоҷ додани ҳамкорӣ дар соҳаҳои гуногуни иҷтимоӣ-иқтисодӣ, аз ҷумла, дар бахши ҳуқуқ, тандурустӣ, кишоварзӣ, сиёсати ҷавонон, варзиш, туризм ва ғайра зоҳир менамоянд.

Дар мулоқот ҳамчунин зикр гардид, ки гурӯҳҳои дӯстӣ ва ҳамкории парлумонҳои кишварҳои мо дар ин замина корҳои зиёдеро дар самти тақвияти маҷмӯи қарордодиву ҳуқуқии ҳамкории байнидавлатӣ ва мусоидати парлумонӣ барои таҳкими фаъолияти Комиссияи байнипарлумонӣ, махсусан дар бахши мавриди иҷро қарор гирифтани қарордод ва созишномаҳои имзошуда анҷом додаанд.

Ҷонибҳо ба мувофиқа расиданд, ки ҳамкории байнипарлумонии Тоҷикистон ва Озарбойҷон ба марҳилаи нав ворид карда шуда, дар оянда барои тақвияти ин равобит тадбирҳои мушаххас андешида шаванд.

Январь 15, 2021 11:02

Хабарҳои дигари ин бахш

Тадбирҳои мубориза бо муҳоҷирати ғайриқонунӣ дар давлатҳои аъзои Созмони Аҳдномаи амнияти дастҷамъӣ пешниҳод гардиданд
Дар Душанбе вазъ ва дурнамои ҳамкории байнипарлумонии Тоҷикистон ва Гурҷистон баррасӣ шуд
Рустами Эмомалӣ ба Валентина Матвиенко ва Вячеслав Володин барқияи изҳори тасаллӣ ирсол намуданд
БАР ЗИДДИ ИФРОТГАРОИВУ ТЕРРОРИЗМ САРҶАМЪОНА МУБОРИЗА БАРЕМ. Андешаҳо дар ҳошияи мулоқоти Президенти Тоҷикистон бо намояндагони ҷомеа ва ходимони дин
Дар Маҷлиси намояндагони Маҷлиси Олии Ҷумҳурии Тоҷикистон созишномаҳо ба тасвиб расиданд
САРМОЯИ ИНСОНӢ. Рушд ва самаранокии истифодаи сармояи инсонӣ барои давлату Ҳукумат аҳамияти аввалиндараҷа дорад
Дар Маҷлиси намояндагони Маҷлиси Олии Ҷумҳурии Тоҷикистон Рӯзи Модар пуршукуҳ таҷлил гардид
НАҚШИ ЗАНОН ДАР ПАРЛУМОНИ ТОҶИКИСТОН. 8 зан аъзои Маҷлиси миллӣ ва 16 нафар вакили Маҷлиси намояндагон мебошанд
Дар Душанбе бахшида ба Соли маърифати ҳуқуқӣ ҳамоиш баргузор гардид
Имрӯз дар шаҳри Душанбе иҷлосияи ҳабдаҳуми Маҷлиси миллии Маҷлиси Олии Ҷумҳурии Тоҷикистон, даъвати шашум баргузор гардид
Дар Маҷлиси намояндагони Маҷлиси Олии Ҷумҳурии Тоҷикистон созишномаҳо ба тасвиб расиданд
Дар Душанбе ҷаласаи Шурои Маҷлиси миллии Маҷлиси Олии Ҷумҳурии Тоҷикистон баргузор гардид