Дар Душанбе ҷаласаи якуми Шӯрои ҳамоҳангсозони миллии давлатҳои узви СҲШ таҳти раёсати Тоҷикистон баргузор гардид
ДУШАНБЕ, 30.01.2021 /АМИТ «Ховар»/. Аз 26 то 29 январи 2021 дар Душанбе таҳти раёсати Ҷумҳурии Тоҷикистон ҷаласаи якуми Шӯрои ҳамоҳангсозони миллии давлатҳои узви Созмони ҳамкории Шанхай баргузор шуд. Дар ин бора АМИТ «Ховар» бо истинод ба Вазорати корҳои хориҷии Ҷумҳурии Тоҷикистон хабар медиҳад.
Ҳайатҳои иштироккунанда масъалаҳои омодагӣ ба баргузории ҷаласаи Шӯрои сарони давлатҳои узви (ШСД) СҲШ (16-17 сентябри 2021)-ро муфассал баррасӣ карда, дар бораи лоиҳаҳои рӯзнома ва номгӯи санадҳои дар рафти ШСД СҲШ қабулшаванда табодули назар намуданд.
Ҷонибҳо лоиҳаи Нақшаи чорабиниҳои асосии СҲШ барои соли 2021-ро баррасӣ намуда, Барномаи ҳамкории байни вазоратҳои корҳои хориҷии давлатҳои узви СҲШ-ро барои соли ҷорӣ тасдиқ карданд.
Дар рафти ҷаласа дар хусуси давраи нави ҷойивазунии роҳбарони мақомоти доимамалкундаи СҲШ аз 1 январи 2022 ва дигар масъалаҳои рӯзмараи Созмон низ табодули афкор сурат гирифт.
ШҲМ СҲШ ҳамоҳангсозии фаолияти ҷории СҲШ-ро амалӣ менамояд ва ҳамкории байни вазорату идораҳои дахлдори давлатҳои узви СҲШ-ро таъмин мекунад.
АКСҲО аз ВКХ ҶТ
Дар Вена баргузории ҷаласаи навбатии Комиссияи муштараки байниҳукуматии Тоҷикистону Австрия баррасӣ шуд
Сафири Тоҷикистон бо муовини вазири корҳои дохилии Миср мулоқот намуд
Сафири Тоҷикистон бо муовини Вазири адлияи Эрон мулоқот намуд
Сироҷиддин Муҳриддин бо муовини парлумонии вазири корҳои хориҷии Ҷопон Эри Арфия мулоқот намуд
Сафири Тоҷикистон дар вохӯрии муовини Котиби давлатии ИМА бо сафирони кишварҳои Осиёи Марказӣ иштирок намуд
Ҳамкории дуҷонибаи Тоҷикистону Умон баррасӣ гардид
Сафири Тоҷикистон бо раиси Палатаи савдо ва саноати Салтанати Умон мулоқот намуд
Ҳамкории Тоҷикистон ва Эрон дар соҳаи илму фарҳанг баррасӣ шуд
Дар Берлин консерти ансамбли «Моҳирон» дар доираи фестивали байналмилалии Young Euro Classic баргузор гардид
Ҳамкории Тоҷикистону Кувайт дар соҳаи ҳуқуқи инсон баррасӣ шуд
Дар Кувайт ҳамкорӣ ва ҳамоҳангсозӣ дар самти консулӣ байни Тоҷикистон ва Давлати Кувайт баррасӣ гардид
Дар Вена масъалаҳои таҳкими ҳамкории илмӣ-фарҳангии Тоҷикистон ва Австрия баррасӣ гардиданд
