Дар мусобиқаи World Masters дар Қатар 3 варзишгари маъруфи тоҷик ширкат меварзанд
ДУШАНБЕ, 06.01.2021/АМИТ «Ховар»/. Аз 11 то 13 январи соли равон дар шаҳри Давҳаи Қатар мусобиқаи ситораҳои дзюдои ҷаҳон (World Masters) баргузор мешавад. Дар мусобиқаи мазкур Тоҷикистонро 3 нафар варзишгарони маъруф — Сомон Маҳмадбеков, Беҳрӯз Хоҷазода (ҳар ду дар вазни-73кг) ва Темур Раҳимов (+100кг) муаррифӣ мекунанд.
Тавре аз Федератсияи дзюдои Тоҷикистон ба АМИТ «Ховар» хабар доданд, дар раддабандии ҷаҳонии дзюдо Сомон Маҳмадбеков дар ҷои 14-ум, Беҳрӯз Хоҷазода дар ҷои 17-уми вазни -73 кг мавқеъ доранд. Темур Раҳимов дар вазни +100кг дар ҷои 30-юм қарор гирифтааст.
Дар мусобиқаи мазкур дар асоси даъватномаи Федератсияи байналмилалии дзюдо, тибқи раддабандии ҷаҳонӣ 36 нафари беҳтарини ҳар категорияи вазнӣ иштирок мекунанд.
Тибқи маълумоти Федератсияи байналмилалии дзюдо, дар мусобиқа иштироки 396 варзишгар (214 мард, 182 зан) аз 70 давлати дунё дар назар аст.
Шаҳри Давҳаи Қатар бори аввал мизбони мусобиқаи «World Masters» мегардад. Соли 2023 баргузории Чемпионати ҷаҳон оид ба дзюдо дар ин шаҳр пешбинӣ шудааст.
Ёдрас мешавем, ки ҳар се варзишгар – Сомон Маҳмадбеков, Беҳрӯз Хоҷазода ва Темур Раҳимов аз дастгирии молиявии олимпӣ бархурдоранд ва барои ба даст овардани роҳхат ба Бозиҳои олимпии Токио талош мекунанд.
«ФУТБОЛ — ОМИЛИ ВАҲДАТ ВА ҲАМДИЛИИ ҶАВОНОН». Байни устодону кормандони Донишгоҳи миллии Тоҷикистон мусобиқаи футболи хурд доир гардид
Ҷудокорони тоҷик ҳангоми ба даст овардани медалҳои Бозиҳои Осиёӣ бо ҷоизаҳои пулӣ қадрдонӣ мешаванд
Ба ғолибону ҷоизадорони Бозиҳои Осиёӣ-2026 Ҷоизаи Президенти Ҷумҳурии Тоҷикистон дода мешавад
Имрӯз дастаи мунтахаби Тоҷикистон оид ба футбол бо дастаи мунтахаби Озарбойҷон бозии дӯстона доир менамояд
Мирзобек Умаров ва Отабек Раҷабов дар Бозиҳои Осиёӣ-2026 аввалин медалҳои тиллоро соҳиб шуданд
Се варзишгари Тоҷикистон ба финали мусобиқаи ММА дар Бозиҳои Осиёии Ҷопон роҳ ёфтанд
Варзишгари тоҷик Беҳрӯз Умаров дар мусобиқаи байналмилалӣ дар Қазоқистон соҳиби медали тилло гардид
Рамазон Ҷумаев ва Анӯшервон Назарзода соҳиби унвони қаҳрамони Ҷоми ҷаҳон оид ба самбо дар шаҳри Душанбе гардиданд
Ҳайати дастаи мунтахаби Тоҷикистон барои бозиҳои дӯстона бо дастаҳои Озарбойҷон, Фаластин ва Чин муайян гардид
Душанбе маротибаи дуюм мизбони Ҷоми ҷаҳон оид ба самбо мегардад
Варзишгари тоҷик Ҷаҳонгир Камолов дар Мусобиқаи байналмилалии Ҷоми АвруОсиё соҳиби медали тилло шуд
Дар Кумитаи миллии олимпии Тоҷикистон бо варзишгарон-шиноварони Тоҷикистон вохӯрӣ доир гардид
