Маркази матбуоти ВКД ҶТ хабар медиҳад

Январь 10, 2021 12:46

ДУШАНБЕ, 10.01.2021. /АМИТ «Ховар»/. 27 августи соли 2020 аз ҷониби мақомоти Вазорати корҳои дохилии Ҷумҳурии Тоҷикистон шаҳрванд Набиев Дона, соли таваллудаш 1940, зодаи ноҳияи Файзобод, истиқоматкунандаи деҳаи Гулбуттаи ҷамоати деҳоти Чимтеппаи ноҳияи Рӯдакӣ барои содир кардани ҷиноятҳои вазнин боздошт гардида, баъди анҷоми тафтиши парвандаи ҷиноятӣ нисбати ӯ, аз тарафи Суди ноҳияи Рудакӣ дар асоси моддаи 3073 қ. 2 Кодекси ҷиноятии Ҷумҳурии Тоҷикистон (Ташкили фаъолияти ташкилоти экстремистӣ (ифротгароӣ) ба муддати 7 сол аз озодӣ маҳрум карда шуд. Дар ин бора АМИТ «Ховар» бо истинод ба маркази матбуоти ВКД ҶТ хабар медиҳад.

Набиев Дона дар солҳои ҷангӣ таҳмилии шаҳрвандӣ, ки тавассути ташкилоти террористии собиқ Ҳизби наҳзати исломӣ дар Тоҷикистон сурат гирифт, дар куштори оммавии сокинони маҳаллии вилояти Хатлон иштирок кардааст. Ӯ дар сохтори собиқ Ҳизби наҳзати исломӣ ба ҳайси “қозӣ” фаъолият намуда, сокинони бегуноҳи ҷумҳуриро ба ҷазоҳои вазнинтарин, ҳатто то ҳукми қатл, маҳкум мекард. Баъди ба имзо расидани Созишномаи истиқрори сулҳ ва ризоияти миллӣ дар соли 1997 тамоми ҷиноятҳои содирнамудаи ӯ аз ҷониби Ҳукумати Ҷумҳурии Тоҷикистон афв гардида буданд.

Бо вуҷуди он, ки собиқ Ҳизби наҳзати исломӣ 29-уми сентябри соли 2015 аз ҷониби Суди олии Ҷумҳурии Тоҷикистон ташкилоти террористӣ-экстремистӣ эълон гардида, фаъолияташ манъ карда шуд, Набиев Дона кирдори ҷинояткорона ва зиддиқонуниашро идома додааст. Аз ҷумла:

− маблағҳои пулии аз тарафи хадамоти махсуси давлатҳои муайян ҷудошударо, тариқи истифодаи масири интиқоли маблағҳо аз кишварҳои сеюм қабул намуда, онҳоро барои паҳнкунии ғояҳои ифротӣ, харидорӣ, нашр ва густариши адабиёти экстремистӣ, ҷалб ва сафарбар намудани ҷавонон ба сафи гурӯҳҳои ҷиҳодӣ сарф мекард;

− миқдори муайяни маблағҳоро тавассути ноҳияи Панҷи вилояти Хатлон ҷиҳати дастгирии молиявии аъзоёни қаноти ҷангии ташкилоти террористии собиқ ҲНИ – «Ҷамоати Ансорруллоҳ» ба Ҷумҳурии Исломии Афғонистон интиқол додааст;

− қисми боқимондаи маблағҳоро барои манфиатҳои шахсии худ истифода кардааст.

Зимни таҳқиқу тафтиши парванда амалҳои ҷиноятии Набиев Дона тавассути нишондодҳои шахсони воқеӣ ва далелҳои шайъӣ пурра тасдиқи худро ёфтанд.

Бояд зикр кард, ки мувофиқи Кодекси ҷиноятии Ҷумҳурии Тоҷикистон ҳама дар назди қонун баробаранд ва ҳар як шаҳрванд, новобаста аз ҷинсият, синну сол (баъди расидан ба балоғат) дар назди қонун барои кирдорҳои ҷинояткоронааш тибқи ҷазои дар моддаҳои қисми махсуси ҳамин кодекс пешбинишуда ҷавоб мегӯяд.

Январь 10, 2021 12:46

Хабарҳои дигари ин бахш

Бар асари таркиш ва ҳамлаи мусаллаҳона дар Кобул се нафар кушта шуданд
Вакили Маҷлиси намояндагон Солеҳа Холмаҳмадзода роҷеъ ба филми «Бешарафӣ»
Кормандони Вазорати корҳои дохилӣ ҷинояти сохтакории ҳуҷҷатҳоро ошкор намуданд
Барои пешгирии ифлосшавии кӯчаву роҳҳои Душанбе нисбат ба 150 нафар ронандаи мошинҳои боркашон санади маъмурӣ тартиб дода шуд
Ду корманди Вазорати корҳои дохилӣ барои гирифтани пора дастгир шуданд
Дар Душанбе ду нафар қиморбози «алик-малик» ба ҷавобгарӣ кашида шуданд
Дар Душанбе ҷаласаи ҷамъбастии Созмони собиқадорони мақомоти корҳои дохилӣ доир гардид
Сокини шаҳри Турсунзода барои тарғиби ғояҳои равияи «Салафия» ба муҳлати 5,6 сол аз озодӣ маҳрум гардид
Фаъолияти кормандони мақомоти корҳои дохилӣ дар соли 2020 назаррас арзёбӣ гардид
Қасди террори сарпарасти сафорати ИМА дар Кобул пешгирӣ шуд
Ҳангоми убури роҳ аз гузаргоҳҳои зеризаминӣ истифода баред! Дар эстакадаҳои пойтахт 49 адад камераҳои мушоҳидавӣ насб гардидаанд
Дар натиҷаи таркиш дар Бағлон ду нафар ғайринизомӣ кушта шуданд