Президенти Тоҷикистон: «Дар самти таъмини устувори неруи барқ ҳанӯз масъалаҳои ҳалталаб мавҷуданд»
ДУШАНБЕ, 26.01.2021. /АМИТ «Ховар»/. Имсол сохтмони хатти интиқоли барқи 500 – киловолта аз Неругоҳи барқи обии «Роғун» то зеристгоҳи конвертории «Сангтӯда шурӯъ, Неругоҳи барқи обии “Сарбанд” ба маблағи беш аз 1,5 миллиард сомонӣ пурра таҷдид ва бо иқтидори 270 мегаватт- яъне аз иқтидори имрӯзааш 110 мегаватт зиёд ба истифода супорида шуда, корҳо доир ба навсозӣ ҷиҳати кам кардани талафоти неруи барқ ва ҷорӣ намудани низоми муосири баҳисобгирии он дар шаҳрҳои Душанбе, Бохтар, Кӯлоб, Панҷакент, Истаравшан, Исфара, Конибодом, Бӯстон ва ноҳияи Данғара ба маблағи 2,4 миллиард сомонӣ оғоз мегарданд. Ин матлабро Президенти Ҷумҳурии Тоҷикистон муҳтарам Эмомалӣ Раҳмон имрӯз зимни ироаи Паёми худ ба Маҷлиси Олӣ баён доштанд.
-Бо вуҷуди ин,-изҳор доштанд Сарвари давлат,-дар самти таъмини доимиву устувори неруи барқ ҳанӯз як силсила масъалаҳои муҳими ҳалталаб вуҷуд доранд, ки истифодаи самараноку сарфакоронаи барқ аз ҷумлаи ҳамин масъалаҳо мебошад.
Ёдовар мешавем, ки имрӯзҳо дар ҳамаи шаҳру ноҳияҳои мамлакат бо мақсади пешгирӣ аз ҳолатҳои истифодаи беҳудаи неруи барқ ва тарғиби сарфаю сариштакорӣ, ки метавонад иқтидори энергетикии мамлакатро боло барад, ситодҳои корӣ ташкил ва таҳти роҳбарии роҳбарону кормандони мақомоти корҳои дохилӣ фаъолият доранд.
Ҳамчунин дар доираи Муроҷиатномаи ШСХК «Барқи тоҷик» вобаста ба тағйирёбии иқлим ва таъсири он ба истеҳсолу интиқоли саривақтии қувваи барқ корҳои оқилонаву сарфакорона ва мақсаднок истифода бурдани неруи барқ миёни аҳолӣ идома ёфта, вазъи баамаломада шаҳрвандон, роҳбарони корхонаву ташкилотро водор месозад, ки барои расидан ба истиқлоли энергетикӣ ва ҳифзи он ҳисса гузоранд.
Пешвои миллат изҳор доштанд, ки Вазорати энергетика ва захираҳои об ва ширкатҳои соҳаро зарур аст якҷо бо вазорату идораҳо ва дигар сохторҳои марбута вобаста ба ҳалли масъалаву мушкилоти соҳа, хусусан, дар бобати баҳисобгирии истеҳсол ва истеъмоли барқ, кам кардани талафот ва истифодаи таҷҳизоти барқии каммасраф тадбирҳои амалӣ роҳандозӣ намоянд.
Сарвари давлат: «Меҳргон яке аз муҳимтарин ҷашнҳои табиӣ ва фарҳангии мо – тоҷикон аст»
Президенти Ҷумҳурии Тоҷикистон Эмомалӣ Раҳмон бо медали «Барои хизматҳо дар рушди ҳамкории башардӯстона» сарфароз гардонида шуданд
ТОҶИКИСТОН — МИЗБОНИ ЧОРАБИНИҲОИ МУҲИМИ БАЙНАЛМИЛАЛӢ. Интихоби Душанбе чун макони баргузории ин чорабиниҳои муҳим ба таҷриба, эътибор ва нуфузи байналмилалии мамлакат асос ёфтааст
Вуруди Резервати биосферии «Ромит» ба Шабакаи ҷаҳонии мамнуъгоҳҳои ЮНЕСКО — рӯйдоди муҳим дар соҳаи экологии Тоҷикистон
ДИПЛОМАТИЯИ ТОҶИКИСТОН: АЗ СУХАНРОНИИ ТАЪРИХӢ ТО ТАШАББУСҲОИ ГЛОБАЛӢ. Эҳдо ба Рӯзи кормандони хизмати дипломатии Тоҷикистон
Президенти Тоҷикистон: «Таъсиси Маркази минтақавии зеҳни сунъиро дар шаҳри Душанбе салоҳи кор мешуморем»
Пиряхҳо ва дигар манбаъҳои обии Тоҷикистон то 60 фоизи захираҳои оби Осиёи Марказиро ташкил медиҳанд
Тоҷикистон дар соҳаи дипломатияи об мавқеи фаъол дорад
Тоҷикистон аз пайомадҳои манфии раванди тағйирёбии иқлим нигарон мебошад
Эмомалӣ Раҳмон: «Қатъномаи махсуси СММ оид ба эълон кардани «Даҳсолаи таҳкими сулҳ ба хотири наслҳои оянда» мавриди баррасӣ қарор дода шавад»
Президенти Тоҷикистон: «Маҷмаи Умумии СММ имконияти эълон намудани Соли байналмилалии маърифати ҳуқуқиро мавриди баррасӣ қарор диҳад»
Муҳаммадҷаъфари Ёҳаққӣ: «Мо раҳбари хирадмандеро меситоем, ки дасти як миллатро бар «Шоҳнома»-и устоди Тӯс кушода кард»
