Рақибони дастаҳои «Равшан» ва «Хуҷанд» дар марҳилаи гурӯҳии Ҷоми КФО-2021 маълум шуданд
ДУШАНБЕ, 27.01.2021 /АМИТ «Ховар»/. Имрӯз, 27 январ, дар қароргоҳи Конфедератсияи футболи Осиё (КФО) дар Куала-Лумпури Малайзия қуръакашии марҳилаи гурӯҳии Ҷоми КФО-2021 баргузор шуд, ки рақибони дастаҳои футболи Тоҷикистон – «Равшан« ва «Хуҷанд« маълум шуданд. Дар ин бора АМИТ «Ховар» бо истинод ба Федератсияи футболи Точикистон хабар медиҳад.
Барандаи феълии Ҷоми Тоҷикистон – «Равшан»-и Кӯлоб дар гурӯҳи «Е» бо қаҳрамони феълии Қирғизистон – «Дордой»-и Бишкек ва ноиб-қаҳрамони Туркманистон дастаи «Аҳал» қувваозмоӣ хоҳад кард. Барандаи медалҳои нуқраи чемпионати футболи Тоҷикистон – дастаи футболи «Хуҷанд» дар гурӯҳи «F» дар марҳилаи гурӯҳии Ҷоми КФО-2021 дастаҳои АГМК (ё ки «Насаф»)-и Ӯзбекистон, «Олтин Асир»-и Туркманистон ва «Олой»-и Қирғизистон бозӣ мекунад.
Марҳилаи гурӯҳии Ҷоми КФО-2021 ба тартиби мутамарказонидашуда аз 14 то 20 май баргузор мегардад. Ғолибони гурӯҳҳо дар бозии ниҳоии минтақавӣ вомехӯранд. Бозии мазкур аз ду вохӯрӣ иборат буда, 11 ва 25 август доир мешавад.
Ёдрас мешавем, ки дар сурати ба марҳилаи гурӯҳии Лигаи қаҳрамонҳои КФО-2021 роҳ ёфтани дастаи футболи АГМК, дар Ҷоми КФО-2021 ба ҷои вай дастаи «Насаф» (Қаршӣ, Ӯзбекистон) баромад мекунад. Дар сурати роҳ наёфтанаш ба марҳилаи гурӯҳии Лигаи қаҳрамонҳои КФО-2021 дастаи АГМК дар Ҷоми КФО-2021 бозӣ хоҳад кард.
Ҷоми КФО-2021
Минтақаи марказӣ
Гурӯҳи «Е»:
«РАВШАН» (ТОҶИКИСТОН)
«Дордой» (Қирғизистон)
«Аҳал» (Туркманистон)
Гурӯҳи «F»:
АГМК (ё ки «Насаф» Ӯзбекистон)
«Олтин Асир» (Туркманистон)
«ХУҶАНД» (ТОҶИКИСТОН)
«Олой» (Қирғизистон)
АКС аз ФФТ
Дар Бадахшон лигаи волейбол байни мардон оғоз гардид
Дастаи мунтахаби Тоҷикистон оид ба футбол дар бозии дӯстона тими миллии Ҳиндустонро мағлуб кард
Варзишгар аз Тоҷикистон Абдулмаҷид Кудиев дар Узбекистон медали тиллоро сазовор шуд
ФУТБОЛ. Дастаи олимпии Тоҷикистон (U-23) бо ҳамсолони худ аз Чин бозиҳои дӯстона баргузор мекунад
Ғолибони Чемпионати Осиё оид ба бокс қадрдонӣ карда шуданд
Ҳайати дастаи мунтахаби Тоҷикистон оид ба футбол барои бозиҳои дӯстона бо тими мунтахаби Ҳиндустон муайян гардид
ФУТБОЛ. Дастаи мунтахаби Тоҷикистон бо тими мунтахаби Ҳиндустон бозиҳои дӯстона анҷом медиҳад
Дар Ёвон гулгашти фарҳангию фароғатӣ бо муҷассамаи «Рамзи футбол» ба истифода дода шуд
Дар деҳаи ба номи Иброҳим Бозорови шаҳри Турсунзода бахшида ба Рӯзи ҷаҳонии футбол майдони варзишии «Ҳумо Арена» ифтитоҳ ёфт
Бахшида ба Рӯзи ҷаҳонии футбол Фестивали бошукуҳи футбол баргузор гардид
Дар Душанбе Варзишгоҳи миллӣ ба истифода дода мешавад
Хислатҳои неки роҳбарии Рустами Эмомалӣ -ҳадафмандӣ, таваҷҷуҳ ба таҷрибаҳои беназир, эҳтиром ба одамон ва муоширати сатҳи баланд
