«Сада сад раҳ кушояд сӯйи Наврӯз…». Дар ноҳияи Сангвор ин ҷашни суннатӣ пуршукӯҳ таҷлил гардид

Январь 29, 2021 09:15

САНГВОР, 29.01.2021 /АМИТ «Ховар»/. Дар маркази ноҳияи Сангвор бо иштироки кишоварзону меҳмонон ва фаъолону кормандони сохторҳои гуногуни ноҳия ҷашни Сада бо шукӯҳу шаҳомати хосса таҷлил гардид.

Дар ҷашнгоҳ  навъҳои гуногуни тухмии зироати кишоварзӣ ба намоиш гузошта шуда, олимону мутахассисони  соҳа  барои ҳосили дилхоҳ гирифтан ба иштирокдорон   маслиҳатҳои муфид доданд.

Мудири шуъбаи рушди иҷтимоӣ ва робита бо ҷомеаи ноҳияи Сангвор Шодӣ Раҳмонов ба хабарнигори АМИТ “Ховар” гуфт, ки  “кишоварзони ноҳияи мо имсол низ ҷашни  Садаро бо дастовардҳои ҷолиби меҳнатӣ пешвоз мегиранд. Зеро  кишоварзӣ дар ноҳия соҳаи асосӣ ва афзалиятнок ба ҳисоб рафта, зиёда аз 70 фоизи аҳолии қобили меҳнат дар ин соҳа фаъолият мекунанд. Деҳқонон дар ин айём ба  кишту кор тайёрӣ дида, олоти кишоварзиро таъмир ва ба кишт омода месозанд”.

Сада ҷашни суннатии мардуми тоҷик буда, ҳамчун  иди кишоварзон ба ҳукми анъана даромадани таҷлили расмии он далели он аст, ки миллати куҳанбунёди мо дар партави сиёсати хирадмандонаи Асосгузори сулҳу ваҳдати миллӣ — Пешвои миллат, Президенти мамлакат муҳтарам Эмомалӣ Раҳмон ба арзишҳои гузаштаи фарҳангии хеш рӯ овардаву эҳёи онҳоро вазифаи бошарафи худ медонад.

Ҷашни Сада муждадиҳандаи Наврӯз арзёбӣ гардида, дар ин бора дар осори шоирони гузашта ва имрӯзаи мо ишораҳои зиёде рафтааст.

Шоири Халқии Тоҷикистон Гулназар Келдӣ  дар як шеъри худ чунин навиштааст:

Сада сад раҳ кушояд сӯйи Наврӯз,
Ба рӯйи мо намояд рӯйи Наврӯз.
Сано гӯям ба ин ҷашни ниёгон,
Ки дар сармо расонад бӯйи Наврӯз!

Январь 29, 2021 09:15

Хабарҳои дигари ин бахш

«Ҷойгоҳи зан дар даврони Истиқлол»-таҳти чунин унвон дар Левакант конфронси ҷумҳуриявӣ доир гардид
Имрӯз дар ноҳияҳои кӯҳии Тоҷикистон ҳаво то 33 дараҷа гарм мешавад
Ҳунарҳои мардумӣ бо усули «хона ба хона» ва «маҳалла ба маҳалла» тарғиб карда шуданд
Дар ноҳияи Муъминобод 26 китобхона фаъолият менамояд
Имрӯз дар шаҳри Душанбе ҳаво то 36 дараҷа гарм мешавад
Бахшида ба 80-солагии таъсиси Созмони Милали Муттаҳид конфронси илмӣ-амалӣ доир шуд
Даври дуюми Фестивал-озмуни «Андалеб-2025» дар ноҳияи Рӯдакӣ аз рӯйи 12 номинатсия доир шуд
Дар ноҳияи Ёвон хонандагону омӯзгорон суханронии Сарвари давлатро ба муносибати Рӯзи дониш ва Дарси сулҳ тамошо карданд
Дар муассисаҳои таълимии вилояти Суғд соли нави таҳсил бо тамошои суханронии Пешвои миллат ба муносибати Рӯзи дониш оғоз гардид
Дар Истаравшан татбиқи Лоиҳаи «Фаъолият дар самти таъмини амнияти озуқавории Тоҷикистон» баррасӣ гардид
Имрӯз дар водиҳои Тоҷикистон ҳаво то 40 дараҷа гарм мешавад
34 СОЛИ ПУР АЗ САМАР. Мулоҳизаҳои директори Маркази тадқиқоти стратегӣ доир ба таҳкими Истиқлолияти давлатии Тоҷикистон