Дастпарвари футболи тоҷик сармураббии дастаи футболи «Олой»-и Ӯш таъйин шуд
ДУШАНБЕ, 05.01.2021 /АМИТ «Ховар»/. Дастпарвари футболи тоҷик Нуъмонҷон Юсупов сармураббии нави дастаи футболи «Олой»-и Ӯш таъйин шуд. Ӯ бо ин даста шартномаи яксола баст. Дар ин бора АМИТ «Ховар» бо истинод ба сомонаи дастаи фулболи «Олой» хабар медиҳад.
Маросими имзои қарордод имрӯз, 5 январ дар варзишгоҳи марказии Ӯш ба номи Суюмбоев сурат гирифт.
Ёдовар мешавем, ки «Олой» дастаи футболи шаҳри Ӯш-дуввумин шаҳри сераҳолии Қирғизистон (пас аз Бишкек) мебошад. Ин даста соли 1960 бо номи «Ӯш» таъсис ёфта, ҳоло дар Лигаи олии Қирғизистон ширкат бозӣ мекунад. Яке аз қадимтарин ва серҷоизатарин дастаҳои футболи Қирғизистон: қаҳрамони 4-каратаи Қирғизистон (2013, 2015, 2016 ва 2017), барандаи Ҷом (2013) ва Суперҷоми мамлакат (2017 ва 2018) мебошад.
Дар замони Шӯравӣ «Олой» дувумин даста дар Қирғизистон пас аз «Олға»-и Бишкек ба шумор мерафт.
Фаъолияти Нуъмонҷон Юсупов:
1991-1997 – Дастаи футболи «Ситора» (Душанбе). Унвонҳо: 1993, 1994 — Қаҳрамони Тоҷикистон.
1993 — Ғолиби Ҷоми Тоҷикистон.
1999-2003 — мураббии кӯдакон дар Федератсияи футболи Тоҷикистон.
2004-2012 — сармураббии дастаи мунтахаби ҷавонони Тоҷикистон.
2012-2013 — сармураббии дастаи ҷавонони «Истиқлол» (Душанбе).
2013 — мураббии калони дастаи асосии «Истиқлол» (Душанбе).
2014-2016 — сармураббии дастаи футболи Хуҷанди (Хуҷанд).
2016 — сармураббии дастаи футболи «Истиқлол». Ғалаба дар чемпионат ва Ҷоми Тоҷикистон.
2018-2019 — сармураббии дастаи футболи Хуҷанд. Ҷойи 2 дар чемпионати Тоҷикистон ва роҳ ёфтан ба марҳилаи гурӯҳии Ҷоми АФК.
2020 — сармураббии мактаби футболи «Спартак»-и наврасон (Пенза, Русия).
Инчунин дар ҳайати дастаи олимпии Тоҷикистон бозӣ кардааст.
ДАР АКС: Нуъмонҷон Юсупов аз рост. Акс аз сомонаи ДФ «Олой»
Дар Москва бахшида ба Рӯзи Ваҳдати миллӣ Мусобиқа оид ба футболи хурд таҳти унвони «Ҳамбастагӣ-2026» баргузор шуд
Дар ноҳияи Шаҳринав Маркази рушди бокс ва майдони варзишӣ ба истифода дода шуд
Дар деҳаи Себистони ноҳияи Данғара майдончаи варзишӣ ба истифода дода шуд
Дастаи мунтахаби Тоҷикистон оид ба футбол дар раддабандии нави ФИФА мақоми 101-умро соҳиб гардид
Дар Бадахшон лигаи волейбол байни мардон оғоз гардид
Дастаи мунтахаби Тоҷикистон оид ба футбол дар бозии дӯстона тими миллии Ҳиндустонро мағлуб кард
Варзишгар аз Тоҷикистон Абдулмаҷид Кудиев дар Узбекистон медали тиллоро сазовор шуд
ФУТБОЛ. Дастаи олимпии Тоҷикистон (U-23) бо ҳамсолони худ аз Чин бозиҳои дӯстона баргузор мекунад
Ғолибони Чемпионати Осиё оид ба бокс қадрдонӣ карда шуданд
Ҳайати дастаи мунтахаби Тоҷикистон оид ба футбол барои бозиҳои дӯстона бо тими мунтахаби Ҳиндустон муайян гардид
ФУТБОЛ. Дастаи мунтахаби Тоҷикистон бо тими мунтахаби Ҳиндустон бозиҳои дӯстона анҷом медиҳад
Дар Ёвон гулгашти фарҳангию фароғатӣ бо муҷассамаи «Рамзи футбол» ба истифода дода шуд
