ШУМО МУТОЛИАРО ДӮСТ МЕДОРЕД? Марҳамат ба маҳфили доимии «Шоме дар китобхона…»
ДУШАНБЕ, 15.01.2021/АМИТ «Ховар»/. Бо ибтикори Раёсати кор бо ҷавонон ва варзиши шаҳри Душанбе дар ҳамкорӣ бо Китобхонаи миллии Тоҷикистон ҳар ҳафта рӯзи сешанбе дар Китобхона маҳфили доимии «Шоме дар китобхона…» баргузор карда мешавад. Маҳфилҳои мазкур ҷолибу шавқовар баргузор карда мешаванд, ки ҳар як иштирокчӣ метавонад дар як барнома дар бораи аз 5 то 10 асари бадеӣ маълумоти дақиқ пайдо кунад. Хоҳишмандон метавонанд ҷиҳати иштирок дар маҳфили мазкур бо телефонҳои 2216702; (+992) 000666809 муроҷиат намоянд.
Тавре аз Раёсати кор бо ҷавонон ва варзиши шаҳри Душанбе ба АМИТ «Ховар» хабар доданд, ин маҳфил дар партави иқдоми маърифатпарваронаи Пешвои миллат муҳтарам Эмомалӣ Раҳмон вобаста ба баргузории озмуни ҷумҳуриявии “Фурӯғи субҳи доноӣ китоб аст” ва иҷрои дастуру супоришҳои Раиси шаҳри Душанбе муҳтарам Рустами Эмомалӣ бо мақсади баланд бардоштани савияи китобхонӣ, тақвияти нерӯи зеҳнӣ, дарёфти чеҳраҳои нави суханвару сухандон, арҷ гузоштан ба арзишҳои миллию фарҳангӣ, инкишофи қобилияти эҷодӣ, таҳкими эҳсоси худшиносию худогоҳӣ, тақвияти ҷаҳони маънавӣ миёни ҷавонону наврасони пойтахт ва ҷалби онҳо ҷиҳати иштирок дар озмуни мазкур таъсис ёфтааст.
Мавриди зикр аст, ки авалин маҳфили доимии «Шоме дар китобхона…» дар соли 2021 12 январи соли равон дар Китобхонаи миллӣ доир гардид, ки дар он 25 нафар адибони ҷавон, иштирокчиёни озмуни ҷумҳуриявии “Фурӯғи субҳи доноӣ китоб аст”, омӯзгорон ва ҷавонону наврасони фаъоли пойтахт ширкат варзида, ашъор ва эҷодиёти шоири муосири тоҷик Лоиқ Шералӣ тибқи номинатсияи адабиёти муосири тоҷик мавриди омӯзиш қарор доданд.
Китоби «Ориёиҳо ва шинохти тамаддуни ориёӣ»-и Президенти Ҷумҳурии Тоҷикистон бо хати форсӣ рӯнамоӣ гардид
Олимони Ҳиндустон дар Осорхонаи миллии Тоҷикистон бо ёдгориҳои беназир ва бозёфтҳои нодири бостоншиносӣ шинос шуданд
Бахшида ба 35-солагии Истиқлоли давлатӣ таҳти унвони «Меъмори кохи бузурги маънавӣ» китоб нашр шуд
ЭҲЁИ ҶАШНҲОИ МИЛЛӢ ДАР 35 СОЛИ ИСТИҚЛОЛИЯТ. Ва ё мақоми байналмилалиро соҳиб гардидани онҳо
СИНАМОИ ТОҶИК ДАР 35 СОЛИ ИСТИҚЛОЛИ ДАВЛАТӢ. Дар ин давра беш аз 300 филм ба навор гирифта шудааст
Пешвои миллат Эмомалӣ Раҳмон: «24 ёдгории таърихию фарҳангии Тоҷикистон ба Феҳристи мероси моддии ҷаҳонии ЮНЕСКО сабт гардидааст»
Президенти Тоҷикистон: «Мо барои арҷгузорӣ ба арзишҳои асили тамаддуни тоҷикону форсизабонон иқдомоти муассирро амалӣ намудем»
ШЕЪР ВА ИСТИҚЛОЛ. Назми муосири тоҷик дар солҳои соҳибистиқлолии Тоҷикистон дар сафи пеши худшиносии миллӣ ва ҳаракати ваҳдати миллӣ қарор гирифт
Кормандони соҳаи фарҳанг бо мукофотҳои давлатӣ сарфароз гардиданд
Се китоби рӯзномаи «Ҷумҳурият»: «Эмомалӣ Раҳмон ва эҳёи тамаддуни ориёӣ», «Бозгашти қаҳрамон» ва «Бозгашти қаҳрамон 2» муаррифӣ гардид
Конференсияи ҷумҳуриявии «Забон рукни муҳимми Истиқлоли давлатӣ ва ҳамбастагии ҷомеа» баргузор гардид
Дар Озмуни байналмилалии «Санъати китоб» «Шоҳнома»-и Абулқосим Фирдавсӣ сазовори Шоҳҷоиза гардид
