Темур Раҳимов дар мусобиқаи ситораҳои дзюдои ҷаҳон дар Давҳаи Қатар сазовори ҷои панҷум гардид
ДУШАНБЕ, 14.01.2020 /АМИТ «Ховар»/. Паҳлавони маъруфи мамлакат Темур Раҳимов дар мусобиқаи ситораҳои дзюдои ҷаҳон, ки дар шаҳри Давҳаи Қатар баргузор шуд, сазовори ҷои панҷум гардид.
Тавре аз Кумитаи миллии олимпии Тоҷикистон ба АМИТ «Ховар» хабар доданд, Темур Раҳимов дар вазни +100кг дар даври аввал бар варзишгари Австрия Стефан Ҳегӣ, дар даври дуюм бар паҳлавони Исроил Ор Сассон ғалаба карда, дар чорякфинал аз намояндаи Россия Инал Тасоев, ки медали нуқраи ин вазнро ба даст овард, мағлуб шуд. Темур дар қувваозмоии тасаллобахш бар варзишгари Кореяи Ҷанубӣ Минйонг Ким пирӯз шуд, вале дар қувваозмоӣ барои ҷои сеюм аз паҳлавони Украина Йакив Хаммо шикаст хӯрда, ҷои панҷумро ишғол намуд.
Темур Раҳимов барои ҷои панҷум дар мусобиқаи ситораҳои дзюдо 648 хол ба даст овард, ки ин мавқеашро дар раддабандии олимпӣ ҷиҳати ба даст овардани роҳхати Бозиҳои олимпии Токио мустаҳкамтар хоҳад кард.
Дар ин мусобиқаи бонуфузи ҷаҳонӣ аз Тоҷикистон се варзишгар-Сомон Маҳмадбеков, Беҳрӯз Хоҷазода ва Темур Раҳимов даъват шуда, Сомон Маҳмадбеков ва Беҳрӯз Хоҷазода дар вазни -73кг дар даври аввал аз ҳарифонашон мағлуб гардиданд.
Ҳар се паҳлавон аз дастгирии молиявии олимпӣ бархурдор буда, барои ба даст овардани роҳхати Бозиҳои олимпии Токио-2020 талош мекунанд.
Мусобиқаи ситораҳои дзюдои ҷаҳон аз 11 то 13 январ дар шаҳри Давҳаи Қатар баргузор шуда, дар он 398 варзишгар (215 мард, 183 зан) аз 68 давлати дунё иштирок намуданд.
Федератсияи байналмилалии дзюдо тақвими мусобиқаҳоро то Бозиҳои олимпӣ нашр кард, ки муҳлати интихобӣ 28 июн бо баргузории Чемпионати ҷаҳон ба анҷом мерасад.
Паҳлавонони мо имкон доранд моҳи феврал дар Гранд Слами Телавив, Ҷоми Осиё дар Ҳонгконг, моҳи март дар Гранд Слами Тошканд, Гранд Слами Тбилиси, моҳи апрел дар Гранд Слами Анталия, Чемпинати Осиё дар Қирғизистон, моҳи май дар Гранд Слами Париж ва моҳи июн дар Чемпионати ҷаҳон дар Будапешт иштирок карда, барои ба даст овардани роҳхати Бозиҳои олимпӣ талош кунанд.
Варзишгарони тоҷик дар Бозиҳои XX Осиёӣ иштирок менамоянд
Дар Олмон бахшида ба 35-солагии Истиқлоли давлатии Тоҷикистон мусобиқаи муштараки футбол доир шуд
Мусобиқаи байналмилалӣ оид ба теннис барои дарёфти «Ҷоми Президенти Ҷумҳурии Тоҷикистон» оғоз гардид
Дар шаҳри Ҳисор бо иштироки муовини Сарвазири Тоҷикистон ду иншооти варзишӣ ба истифода дода шуд
Дастаи мунтахаби ҷавонони Тоҷикистон (U-20) ба марҳилаи ниҳоии Ҷоми Осиё-2027 роҳ ёфт
Дар Тоҷикистон нахустин толори варзишии шамшербозии «Шеру Шамшер» ифтитоҳ шуд
ҶОМИ ОСИЁ-2027. Дастаи мунтахаби Тоҷикистон (U-20) дар бозии даври дуюми марҳилаи интихобӣ тими Афғонистонро мағлуб кард
ҶОМИ ОСИЁ-2027. Имрӯз дастаи мунтахаби ҷавонони Тоҷикистон бо дастаи Афғонистон бозӣ мекунад
Дастаи мунтахаби Тоҷикистон оид ба футбол моҳҳои сентябр ва октябр дар сафар се бозии дӯстона баргузор мекунад
35-СОЛАГИИ ИСТИҚЛОЛИ ДАВЛАТӢ. Дар шаҳри Турсунзода зиёда аз 31 иншооти варзишӣ ба истифода дода шуд
ФУТБОЛ. 31 август марҳилаи интихобии Ҷоми Осиё-2027 байни мунтахабҳои ҷавонони то 20-сола оғоз мешавад
Сармураббии нави дастаи мунтахаби наврасони Тоҷикистон (U-17) оид ба футбол таъйин гардид
