Дар Бохтар 28-умин солгарди таъсиси Қувваҳои Мусаллаҳ бошукӯҳ таҷлил карда шуд
БОХТАР, 22.02.2021 /АМИТ «Ховар»/. Дар шаҳри Бохтар 28-умин солгарди таъсиси Артиши миллӣ таҷлил карда шуд. Ҷамъомади тантанавӣ дар Театри вилоятии мусиқӣ-мазҳакавии ба номи Ато Муҳаммадҷонов баргузор гардид, хабар медиҳад мухбири минтақавии АМИТ «Ховар».
Дар ҷамъомад муовини раиси вилояти Хатлон Акрам Сулаймонзода, раиси шаҳри Бохтар Сиҷоуддин Саломзода ва комиссари ҳарбии вилояти Хатлон Умеҷон Солизода ширкат варзиданд.
Акрам Сулаймонзода ҳозиринро аз номи раиси вилояти Хатлон Қурбон Ҳакимзода ва мақомоти иҷроияи ҳокимияти давлатии вилояти Хатлон табрик гуфт.
Тазаккур дода шуд, ки имрӯз барои хизмат дар сафи Қувваҳои Мусаллаҳ тамоми имконият мавҷуданд. Сарбозони мо хизмат мекунанд ва ин барои ҳама шараф аст.
Ҷамъомад бахшида ба ин санаи бошукӯҳ дар сатҳи баланди ташкилӣ ва фарҳангӣ баргузор гардид.
Ба хизматчиёни ҳарбӣ, оилаҳои хизматчиёни ҳарбие, ки зимни адои қарз дар назди Ватан ҳалок шудаанд, собиқадорон ва сарбозони интернатсионалист туҳфаҳои хотиравӣ тақдим карда шуданд.
Барномаи ҷамъомадро консерти идона бо иштироки устодони санъати вилоят рангин намуд.
Бояд гуфт, ки барои таҷлили 23 феврал тамоми майдонҳо ва кӯчаҳои Бохтар бо тарзи идона бо шиорҳову парчамҳо оро дода шудаанд.
Гурӯҳҳое, ки аз ҳисоби намояндагони комиссариати ҳарбӣ, Раёсати кор бо ҷавонон ва варзиш, Шӯрои собиқадорони ҷанг ва меҳнат таъсис ёфтаанд, барои вохӯрӣ бо хизматчиёни ҳарбӣ ба қисмҳои ҳарбӣ сафарбар шуданд.
Ҳадафи вохӯриҳо шиносоӣ бо шароити хизмат, ҳаёти ҳарбӣ ва истироҳати сарбозон буд.
Инчунин мусобиқаҳои варзишӣ оид ба гӯштингирӣ, футбол, волейбол ва дигар намудҳои варзиш баргузор шуданд.
ТАҲДИДҲОИ МУОСИРИ КИБЕРӢ ВА РОҲҲОИ МУҚОВИМАТ БА ОНҲО. Мулоҳизаҳо дар ин маврид
Дар маҷлиси ҳайати мушовараи Прокуратураи генералӣ татбиқи дурусти Қонуни Ҷумҳурии Тоҷикистон «Дар бораи авф» баррасӣ шуд
Прокурори шаҳри Ҳисор: «Сулҳ масъулият аст ва ташаббуси навбатии байналмилалии Тоҷикистон ҷомеаи ҷаҳониро ба андеша водор месозад»
Дар беш аз 150 аттраксиони боғҳои фарҳангӣ–фароғатии Тоҷикистон камбудиҳои техникӣ ошкор карда шуд
НИШАСТИ МАТБУОТӢ. Қариб 23 ҳазор дона тухми паранда ҳамчун маҳсулоти бесифат ва хавфнок нобуд карда шуд
Дар Хадамоти назорати давлатии бехатарии корҳо дар саноат ва соҳаи кӯҳкорӣ Феҳристи ягонаи электронии субъектҳо таҳия карда мешавад
Ҳайати Тоҷикистон дар амалиёти зерминтақавии зиддимухадиротии СААД дар вилояти Калинингради Русия иштирок намуд
Дар шоҳроҳи Душанбе — Кӯлоб — Хоруғ бар асари садамаи нақлиётӣ 11 нафар ба ҳалокат расид
Як гурӯҳ модарон бо шароити хизмати ҳарбии сарбозони яке аз қисми низомӣ дар ноҳияи Данғара шинос шуданд
ЧАРО ҲОЛАТҲОИ ҒАРҚШАВӢ КАМ НАМЕШАВАНД? Мутахассисон риояи қоидаҳои бехатариро омили асосии пешгирии ҳодисаҳои нохуш медонанд
Дар Вазорати мудофиа оид ба саҳми Артиши миллӣ дар таҳкими сулҳу субот ва Ваҳдати миллӣ ҳамоиш доир шуд
«Ҳифзи суботу оромии кишвар масъулияти ҳар як шаҳрванди ватандӯст мебошад», — бардошт аз ҳамоиш дар мақомоти милитсияи пойтахт
