Дар Ишкошим ҷаласаи Шӯрои Ҳаракати ваҳдати миллӣ ва эҳёи Тоҷикистон дар ин ноҳия баргузор гардид
ДУШАНБЕ, 26.02.2021 /АМИТ «Ховар»/. Дар ноҳияи Ишкошими Вилояти Мухтори Кӯҳистони Бадахшон ҷаласаи Шӯрои Ҳаракати ваҳдати миллӣ ва эҳёи Тоҷикистон баргузор гардид. Дар ҷаласаи Шӯро 3 масъала: ҳисоботи раиси Шӯрои Ҳаракати Ваҳдати миллӣ ва эҳёи Тоҷикистон дар ноҳия, раиси ноҳияи Ишкошим Мусо Мирзозода дар бораи фаъолияти Шӯро дар соли 2020 ва муайян намудани вазифаҳо барои соли 2021, шарҳу тавзеҳи нуктаҳои асосии Паёми Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба Маҷлиси Олии Ҷумҳурии Тоҷикистон «Дар бораи самтҳои сиёсати дохиливу хориҷии Ҷумҳурии Тоҷикистон» ва тасдиқ намудани ҳайати нави Шӯрои Ҳаракати Ваҳдати миллӣ ва эҳёи Тоҷикистон дар ноҳия ва тасдиқи нақшаи фаъолияти Шӯро барои соли 2021 мавриди баррасӣ қарор дода шуд.
Тавре аз мақомоти иҷроияи ҳокимияти давлатии ноҳияи Ишкошим ба АМИТ «Ховар» хабар доданд, аз рӯи масъалаи якуми ҷаласаи Шӯрои Ҳаракати Ваҳдати миллӣ ва эҳёи Тоҷикистон дар ноҳия раиси Шӯро, раиси ноҳияи Ишкошим Мусо Мирзозода сухан гуфта, оид ба фаъолияти аъзои Шӯрои Ҳаракати Ваҳдати миллӣ ва эҳёи Тоҷикистон дар ноҳияи Ишкошим ҳисобот дод.
Мавсуф фаъолияти аъзои Шӯроро дар соли 2020 қаноатбахш арзёбӣ намуда, иброз дошт, ки ҳар узви Шӯро бояд баҳри таҳкими сулҳу субот, ваҳдату ягонагӣ, тарбияи насли наврас дар рӯҳияи инсондӯстиву ватанпарварӣ, пешгирии шомилшавии ҷавонон ба ҳизбу ҳаракатҳои террористӣ пайваста кӯшиш намояд.
Мудири шуъбаи рушди иҷтимоӣ ва робита бо ҷомеаи дастгоҳи раиси ноҳия Ғуломмамад Савлатов зикр намуд, ки ҳар яки моро зарур аст бо дарки баланди масъулият татбиқи Паёми Президенти Ҷумҳурии Тоҷикистон муҳтарам Эмомалӣ Раҳмонро пешаи худ қарор дода, вазифаҳои худро муайян намоем, дар пешрафти ҷомеаю беҳтар намудани сатҳу сифати зиндагӣ ва амалӣ намудани ҳадафҳои неку созанда сарҷамъ бошем.
Дар Китобхонаи миллии Тоҷикистон бахшида ба Рӯзи маъюбон ҳамоиш доир шуд
«САМУРАЕ, КИ ШАМШЕР НАДОРАД». Асари нависандаи ҷопонӣ тарҷума ва нашр гардид
Имсол дар Тоҷикистон дар беш аз 186 ҳазор гектар кишти такрории зироати кишоварзӣ гузаронида мешавад
Кишоварзони ноҳияи Зафаробод дар беш аз 10 ҳазор гектар пунбадона кишт намуданд
Дар Тоҷикистон беш аз 11 ҳазор гектар шолӣ кишт шудааст
Дар «Ҳамсафар» 300 нафар хонандагон ба истироҳат ҷалб гардиданд
Имрӯз дар водиҳои Тоҷикистон ҳаво то 43 дараҷа гарм мешавад
Дар назди 4 муассисаи таълимӣ ноҳияи Рӯдакӣ хонаи хизматии омӯзгорон бунёд карда мешавад
Дар Тоҷикистон корҳои омодагӣ барои баргузории Фестивали бозиҳои варзиши миллӣ оғоз гардиданд
Ҷаласаи 6-уми роҳбарони вазорату идораҳои давлатҳои аъзои Созмони ҳамкории Шанхай оид ба ҳифзи муҳити зист доир шуд
Имрӯз дар Тоҷикистон чангу ғубор ба амал меояд
Бо мақсади тақвияти устувории шаҳрҳо ба хавфи офатҳо ва тағйирёбии иқлим дар Осиёи Марказӣ машварат доир гардид
