Дар Китобхонаи миллӣ ба ифтихори иди ҳомиёни Ватан барномаи фарҳангӣ доир гардид
ДУШАНБЕ, 22.02.2021/АМИТ «Ховар»/. Артиши миллӣ яке аз рукнҳои асосии давлатдорӣ, кафили соҳибихтиёрӣ, тамомияти арзӣ, неруи таъминкунандаи амнияту субот, сипари боэътимоди истиқлол ва ҳифзи манфиатҳои милливу давлатӣ ба ҳисоб меравад.
Ин нуктаро Директори Китобхонаи миллии Тоҷикистон Ҷумахон Файзализода зимни маҳфили фарҳангӣ, ки имрӯз бахшида ба 28-солагии ташкили Қувваҳои мусаллаҳи Ҷумҳурии Тоҷикистон доир гардид, изҳор намуд. Мавсуф аз нақшу мавқеи Артиш дар таъмини суботу оромии мамлакат сухан карда, зикр намуд, ки Қувваҳои мусаллаҳи Ҷумҳурии Тоҷикистон зодаи даврони соҳибистиқлолиянд. Дар ҳамоиш, ки бо ташаббуси шуъбаи маъюбон доир шуд, чанде аз собиқадорони соҳа, намояндагони Вазорати корҳои дохилӣ ва маъюбон (хонандагони фаъоли Китобхонаи миллӣ) иштирок доштанд.
Аъзои ташкилоти ҷамъиятии Иттиҳоди интернатсионалистони собиқадори ҷумҳурӣ Ҳабиб Сафаров, муовини роҳбари дастгоҳи Вазири корҳои дохилии Ҷумҳурии Тоҷикистон Умарҷони Эмомалӣ, роҳбари гурӯҳи ҷавонони гурӯҳи «Авангард» дар Тоҷикистон Фирӯз Қодиров роҷеъ ба марҳилаҳои тай кардаи ин ниҳоди қудратӣ изҳори андеша карданд.
Қисмати дуюми ҳамоиш фарҳангӣ буд. Дар он сарояндагони хушсадо аз ансамбли «Сипар»-и назди Вазорати корҳои дохилӣ бо сурудҳои хеш хотири ҳамагонро шод намуданд.
Дар хатми ҳамоиш аз ҷониби Ташкилоти ҷамъиятии «Деҳаи нав» маъюбон ва меҳмонон бо туҳфаҳои хотирмон қадрдонӣ шуданд.
Сулҳофар, тоҷикпарвар, ваҳдатгаро, ташаббускор, роҳкушо, нурофар, сипаҳсолор — ҳафт сифати барҷастаи роҳбарии Пешвои миллат
Имрӯз дар Тоҷикистон ҳавои тағйирёбанда пешгӯӣ шуда, борони кӯтоҳмуддат меборад
Дар Маркази назорати давлатии санитарию эпидемиологии вилояти Суғд вохӯрӣ баргузор шуд
Имрӯз дар Тоҷикистон ҳавои тағйирёбанда шуда, борони кӯтоҳмуддат меборад
Аз 1 то 3 май дар баъзе шаҳру ноҳияҳои Тоҷикистон ифлосшавии ҳавои атмосферӣ дар назар аст
Монографияи илмӣ оид ба журналистикаи сайёҳӣ ба нашр расид
«ТОҶИКИСТОНИ МАН!». Дар шаҳри Ҳисор маҳфил-озмун ҷамъбаст гардид
Имрӯз дар минтақаҳои доманакӯҳии ноҳияҳои тобеи Тоҷикистон сар задани сел пешгӯӣ мешавад
Сокини ноҳияи Кӯшониён аз ҳар қуттӣ кирмак то 35 килограмм пилла ба даст меорад
Имрӯз дар баъзе минтақаҳои Тоҷикистон борон меборад
Имрӯз дар баъзе минтақаҳои Тоҷикистон рӯзона борони кӯтоҳмуддат меборад
Дар шаҳри Бӯстон доир ба татбиқи лоиҳаҳои муштараки иҷтимоӣ бо соҳибкорон вохӯрӣ баргузор шуд
