Дар ноҳияи Абдураҳмони Ҷомӣ 83 фоизи иншооти ҷашнӣ ба истифода дода шудааст
ДУШАНБЕ, 06.02.2021/АМИТ «Ховар»/. Аз 195 иншооте, ки ба ифтихори ҷашни 30-солагии Истиқлоли давлатии Ҷумҳурии Тоҷикистон дар ноҳияи Абдураҳмони Ҷомӣ сохта мешаванд, 162 адади он аллакай ба истифода дода шудааст.
Чунин посух дод ба саволи хабарнигори АМИТ «Ховар» 5 феврал зимни нишасти матбуотӣ Раиси Кумитаи меъморӣ ва сохтмони назди Ҳукумати Ҷумҳурии Тоҷикистон Маҳмадсаид Зувайдзода, ки ҳамзамон намояндаи Ҳукумати Ҷумҳурии Тоҷикистон оид ба корҳои созандагию ободонӣ бахшида ба ҷашни 30–солагии Истиқлоли давлатии Ҷумҳурии Тоҷикистон дар ноҳияи Абураҳмони Ҷомӣ мебошад. Аз ҷумла, дар доираи корҳои ободонию созандагӣ дар ноҳияи Абдураҳмони Ҷомӣ иншооти гуногуни соҳаҳои маориф, тандурустӣ, ҳифзи иҷтимоӣ, корхонаю коргоҳҳои истеҳсолӣ ва якчанд биноҳои маъмурӣ ба истифода дода мешаванд. Боғи фарҳангӣ ва кӯчаи марказии ноҳия таъмиру таҷдид мегарданд.
Маҳмадсаид Зувайдзода зикр намуд, ки иншооти ҷашнии дар ноҳияи Абдураҳмони Ҷомӣ бунёшаванда дорои таъйиноти гуногун буда, қисмати бештари онҳо дар остонаи ҷашни байналмилалии Наврӯз мавриди баҳрабардорӣ қарор дода мешаванд. Бунёди иншооти ҷашнӣ ба беҳтар гардидани вазъи иҷтимоию иқтисодии сокинони ноҳия мусоидат менамояд.
Ноҳияи Абдураҳмони Ҷомӣ яке аз ноҳияҳои кишоварзии вилояти Хатлон буда, дорои 8 ҷамоати деҳот ва 170 ҳазор аҳолӣ мебошад.
Дар Душанбе Рӯзи фарҳанги ноҳияи Рӯшон баргузор гардид
БАРНОМАИ РУШДИ РОҲҲОИ ОБОДИ ДЕҲОТ. Дар доираи он ба маблағи 123,4 миллион сомонӣ роҳҳои мошингард таъмиру барқарор карда шуданд
СОЛИ ОБОДОНИЮ СОЗАНДАГӢ. Дар шаҳри Норак бинои нави муассисаи таълимӣ сохта мешавад
ИСТИҚЛОЛИ ДАВЛАТӢ ВА НАҚШИ ОН ДАР РУШДИ ЗАБОНИ ТОҶИКӢ. Мулоҳизаҳо дар ин маврид
Дар Душанбе 49 номгӯй адабиёти тозанашри кӯдакона рӯнамоӣ гардид
ИСТИҚЛОЛИЯТ ВА РУШДИ МАОРИФ. Дар вилояти Хатлон соҳаи маориф қариб ду баробар рушд намудааст
САЙЁҲИИ ЗИЁРАТӢ. Дар 35 соли Истиқлоли давлатӣ Мамнуъгоҳи Султон Увайси Қаранӣ аз нав эҳё гардида, инфрасохтори сайёҳии он рушд намуд
ДАРКИ АМИҚИ МОҲИЯТИ ИСТИҚЛОЛИ СИЁСӢ. Он шарти муҳими таҳкими давлатдории миллӣ ва ҳифзи манфиатҳои давлату миллат аст
Дар Муъминобод бахшида ба ҷашни 35-солагии Истиқлоли давлатӣ ҳамоиш доир шуд
Бахшида ба ҷашни Истиқлолияти давлатӣ дар ноҳияи Ёвон ҳамоиши бошукуҳи адабӣ-фарҳангӣ доир гардид
ИСТИҚЛОЛИЯТ ВА РУШДИ МАОРИФ. Дар ин давра дар Тоҷикистон шумораи мактабҳо, хонандагон ва омӯзгорон афзоиш ёфт
Имрӯз дар боғҳои пойтахт рӯзҳои фарҳанги вилояти Суғд ва ноҳияҳои Ванҷу Шуғнон баргузор мегарданд
