Дар Тоҷикистон Нақшаи миллии сармоягузорӣ барои соҳаи кишоварзӣ таҳия карда мешавад
ДУШАНБЕ, 09.02.2021. /АМИТ «Ховар»/. Дар Ҷумҳурии Тоҷикистон Нақшаи миллии сармоягузорӣ барои соҳаи кишоварзӣ барои солҳои 2021-2030 таҳия карда мешавад. Масъалаҳои марбут ба таҳияи ин Нақша чанде қабл зимни мулоқоти Вазири молияи Ҷумҳурии Тоҷикистон Файзиддин Қаҳҳорзода бо роҳбари Созмони озуқаворӣ ва кишоварзии Созмони Милали Муттаҳид (UNFAO) дар Тоҷикистон Олег Гучгелдиев матраҳ гардиданд. Дар ин бора АМИТ «Ховар» бо истинод ба маркази матбуоти Вазорати молия хабар медиҳад.
Дар мулоқот зикр гардид, ки Созмони озуқаворӣ ва кишоварзии СММ фаъолияти худро дар Тоҷикистон аз соли 1995 дар асоси Барномаи кишварӣ барои солҳои 2016-2017, ки аз ҷониби ФАО ва Ҳукумати кишвар дар мувофиқа бо шарикони рушд таҳия шудааст, роҳандозӣ менамояд.
Барномаи кишварӣ дар самтҳои амнияти устувори озуқаворӣ ва ғизо, истифодаи оқилонаи захираҳои табиӣ ва афзоиши устуворӣ ба тағйирёбии иқлим, ҳосилнокии устувор ва рақобатпазири кишоварзӣ бо таваҷҷуҳ ба чорводорӣ, тибби байторӣ ва интенсификатсияи зироаткорӣ амалӣ мегардад.
Бо фаъолияти ФАО дар Тоҷикистон Стратегияи миллии амнияти озуқаворӣ ва Барномаи давравии Созмони Милали Муттаҳид барои Рушд (UNDAF) барои Тоҷикистон 2016-2020 алоқаманд аст.
Дар ҷараёни мулоқот Вазири молия Файзиддин Қаҳҳорзода вобаста ба татбиқи лоиҳаҳои амалигардида бо ФАО дар Тоҷикистон, инчунин дастгириҳои ФАО ва дигар ташкилоти байналмилалии молиявӣ ҷиҳати пешгирии таъсири пайомадҳои манфии пандемияи COVID-19 ибрози миннатдорӣ намуд.
Намояндаи Созмони озуқаворӣ ва кишоварзии Созмони Милали Муттаҳид (UNFAO) дар Тоҷикистон Олег Гучгелдиев зикр намуд, ки соли 2020 саҳми ФАО дар Тоҷикистон 2,83 млн доллари амрикоиро ташкил намуда, аз он 2,16 млн доллари амрикоӣ татбиқ гардидааст.
АКС аз Вазорати молияи ҶТ
Тоҷикистон тасмим гирифтааст, ки то соли 2040 дастрасии ҳадди ақалл 90 фоизи аҳолиро ба оби мутамарказ таъмин намояд
Татбиқи лоиҳаҳои иҷтимоию иқтисодӣ дар Тоҷикистон бо Бонки аврупоии таҷдид ва рушд баррасӣ гардид
Эмомалӣ Раҳмон: «Тоҷикистон тасмим гирифтааст, ки то соли 2040 рақамикунонии мудирияти захираҳои обро то 80 фоиз афзоиш диҳад»
РАВАНДИ ОБИ ДУШАНБЕ. Дар намоишгоҳи байналмилалӣ иқтидори обию энергетикӣ ва шаҳсозии Тоҷикистон муаррифӣ гардид
РАВАНДИ ОБИ ДУШАНБЕ. Дар Душанбе таҳти унвони «Об — манбаи ҳаёти инсоният» Фестивали об ва барномаи фарҳангӣ доир шуд
Имконоти иқтисодии Тоҷикистон бо ҳайати намояндагони ширкатҳои байналмилалии молиявӣ баррасӣ шуд
РАВАНДИ ОБИ ДУШАНБЕ. Форуми ҳамоҳангсозии Осиёи Марказӣ оид ба мониторинг, арзёбӣ ва моделсозии пешгӯии пиряхҳо ва криосфера баргузор гардид
РАВАНДИ ОБИ ДУШАНБЕ. Устувории низомҳои озуқаворӣ дар давраи камбуди ҷаҳонии об дар Душанбе баррасӣ гардид
Форуми байналмилалии «Об ва зеҳни сунъӣ – робитаи дуҷониба» баргузор гардид
Равиши ҳамгироёнаи идоракунии захираҳои об дар меҳвари Форуми 7-уми байналмилалӣ дар Душанбе қарор гирифт
РАВАНДИ ОБИ ДУШАНБЕ. Машварати минтақавии Осиё ва Уқёнуси Ором оид ба Конфронси оби СММ баргузор гардид
Султон Раҳимзода: «Тоҷикистон имконияти бузурги таъмини кишварҳои Осиёи Марказӣ ва ҳатто Осиёи Ҷанубиро бо барқи «сабз» дорад»
