Дастаҳои «Равшан», «Хатлон» ва «Истиқлол» бозиҳои аввали Ҷоми ФФТ-ро бо ғалаба оғоз карданд

Февраль 12, 2021 08:24

ДУШАНБЕ, 12.02.2021 /АМИТ «Ховар»/. 11 феврал дар варзишгоҳҳои марказии шаҳри Душанбе ва Ҳисор марҳилаи ниҳоии Ҷоми ФФТ оғоз гардид. Дар бозии аввал дар гурӯҳи «А» дастаҳои  футболи «Равшан»-и шаҳри Кӯлоб ва «Мастчоҳ»- и ноҳияи Мастчоҳ ба ҳам омаданд. Дидори дастаҳо дар варзишгоҳи марказии шаҳри Душанбе баргузор гардида, бо ҳисоби 5:2 ба фоидаи футболбозони шаҳри Кӯлоб ба анҷом расид. Дар ин бора шореҳи варзиши АМИТ «Ховар» Меҳрони  Қурбон бо истинод ба Федератсияи футболи Тоҷикистон иттилоъ медиҳад.

Дар оғози бозӣ, аниқтараш дар дақиқаи 4-ум ҳамлагари дастаи  «Равшан»-и шаҳри Кӯлоб Наврӯз Рустамов ҷаримаи 11-метраро бехато иҷро намуда, ҳисобро кушод. Бо гузаштани 7 дақиқа Муҳсин Рустамзода аз дастаи «Мастчоҳ» таносубро барқарор намуд. Гуаве Алфред Окаи, легионери дастаи «Равшан» дар дақиқаи 41-уми дидор як гол зада, дубора дастаашро ба пеш баровард. Қисми аввал бо ҳамин натиҷа поён ёфт.

Дар дақиқаи 70-ум футболбози дастаи «Мастчоҳ» Салоҳиддин Одиназода баробариро дар ҳисоб таъмин сохт. Аз дақиқаи 80-ум то охири дидор шогирдони Ғайраталӣ Мираҳмадов ба дарвозаи футболбозони ин дастаи вилояти Суғд 3 гол заданд. Дар дақиқаи 80-ум Аваз Қамчинов ҳисобро 3 бар 2 намуд. Дар дақиқаи 90-ум Шодӣ Муродов голи чоруми дастаашро ба ҳадаф расонид. Дар дақиқаи 2-юми изофа Далер Чалов ба бозӣ нуқта гузошт. Бо ҳамин тартиб дар рақобати аввали марҳилаи ниҳоии Ҷоми ФФТ дар гурӯҳи «А» дастаи футболи  «Равшан»-и шаҳри Кӯлоб  бо ҳисоби калони 5 бар 2  дастаи   «Мастчоҳ»-и  ноҳияи Масчоҳро мағлуб намуд

Дар бозии дигар  дастаи футболи  «Истиқлол»-и шаҳри  Душанбе  бо ҳисоби 2:0 КМВА-ро мағлуб кард.Дар гурӯҳи  «Б», ки дар он се даста бозӣ мекунад, вохӯрӣ байни дастаҳои футболи «Барқчӣ»-и  шаҳри Ҳисор ва «Хатлон»-и  шаҳри  Бохтар доир шуд. Футболбозони бохтарӣ дар ин бозӣ ба дарвозаи барқчиён 5 голи беҷавоб заданд.

Ёдовар  мешавем, ки  бозиҳои даври навбатии марҳилаи ниҳоии Ҷоми ФФТ-2021 шанбе, 13 феврал доир хоҳанд шуд. Дар даври дуюм, дар гурӯҳи  «А»  дастаҳои футболи   «Истиқлол»-и  шаҳри  Душанбе  бо «Мастчоҳ»-и  ноҳияи Мастчоҳ, КМВА- и Душанбе  бо «Равшан»-и шаҳри Кӯлоб, дар гурӯҳи «Б» дастаи футболи  «Регар-ТадАЗ»-и шаҳри Турсунзода  бо дастаи  «Хатлон»-и шаҳри Бохтар  байни ҳам рақобат мекунанд.

Февраль 12, 2021 08:24

Хабарҳои дигари ин бахш

Чемпионати 33-юми Тоҷикистон оид ба футбол байни дастаҳои Лигаи олӣ моҳи апрел оғоз мешавад
ШОҲҶОИЗА- ЭЛЕКТРОМОБИЛ. Дар Вилояти Мухтори Кӯҳистони Бадахшон мусобиқаҳои варзишӣ ҷамъбаст шуданд
ҶОМИ ҶАҲОН-2026. Бозии дастаҳои мунтахаби Тоҷикистон ва Арабистони Саудӣ мусовӣ анҷом ёфт
ҶОМИ ҶАҲОН-2026. Имрӯз дастаи мунтахаби Тоҷикистон дар Душанбе дар марҳилаи интихобӣ бо тими Арабистони Саудӣ бозӣ менамояд
ФУТБОЛ. Имрӯз бозии дуюми дӯстонаи дастаи олимпии Тоҷикистон (U-23) бо тими Ветнам баргузор мегардад
ҶОМИ ҶАҲОН-2026. Дастаи мунтахаби Тоҷикистон дар марҳилаи интихобӣ аз тими Арабистони Саудӣ мағлуб шуд
ҶОМИ ҶАҲОН-2026. Дастаи мунтахаби Тоҷикистон ба муқобили дастаи Арабистони Саудӣ бо либосҳои сурх бозӣ менамояд
26 март дар вилояти Суғд мусобиқаҳои миллии пойга ва бузкашӣ доир мешаванд
Гела Шекиладзе: «Моро бо дастаи Арабистони Саудӣ бозии душвор интизор аст»
ҶОМИ ҶАҲОН-2026. Имрӯз дастаи мунтахаби Тоҷикистон дар марҳилаи интихобӣ бо тими Арабистони Саудӣ бозӣ менамояд
ҶОМИ ҶАҲОН-2026. Дастаи мунтахаби Тоҷикистон оид ба футбол дар шаҳри Риёз нахустин тамринҳоро анҷом дод
ФУТБОЛ. Имрӯз дастаи олимпии Тоҷикистон (U-23) дар Душанбе бо дастаи мунтахаби Ветнам бозӣ менамояд