Муроҷиатҳои шахсони воқеӣ ва ҳуқуқӣ ба Маҷлиси намояндагон дар соли 2020 ҷамъбаст гардиданд

Февраль 8, 2021 13:50

ДУШАНБЕ, 08.02.2021 /АМИТ «Ховар»/. Соли 2020 ба унвони Маҷлиси намояндагони Маҷлиси Олии Ҷумҳурии Тоҷикистон 414 муроҷиати хаттӣ ворид гардида, 2641 нафар шаҳрвандон аз ҷониби роҳбарон ва вакилони Маҷлиси намояндагон қабул карда шуданд.

Аз ҷумла, роҳбарони Маҷлиси намояндагон 420 нафар ва аъзои кумитаю комиссияҳо 2221 нафар муроҷиаткунандагонро ба ҳузур пазируфтанд. Ин матлабро корманди масъули дастгоҳи Маҷлиси намояндагон Талабшоҳ Шарифзода зимни баррасии «Ҷамъбасти баррасии муроҷиатҳои шахсони воқеӣ ва ҳуқуқӣ ба Маҷлиси намояндагони Маҷлиси Олии Ҷумҳурии Тоҷикистон дар соли 2020» дар ҷаласаи Шӯрои Маҷлиси намояндагон, ки имрӯз таҳти раёсати Раиси Маҷлиси намояндагони Маҷлиси Олии Ҷумҳурии Тоҷикистон Маҳмадтоир Зокирзода баргузор гардид, баён  намуд.

Дар ҷаласаи Шӯро ҳамчунин таъкид карда шуд, ки аз шумораи умумии муроҷиатҳо 142 муроҷиати хаттӣ ва 789 муроҷиати шифоҳӣ ба сокинони шаҳри Душанбе, 94 муроҷиати хаттӣ ва 632 муроҷиати шифоҳӣ ба сокинони вилояти Суғд, 100 муроҷиати хаттӣ ва 578 муроҷиати шифоҳӣ ба сокинони вилояти Хатлон, 5 муроҷиати хаттӣ ва 138 муроҷиати шифоҳӣ ба сокинони Вилояти Мухтори Кӯҳистони Бадахшон, 65 муроҷиати хаттӣ ва 444 муроҷиати шифоҳӣ ба сокинони шаҳру ноҳияҳои тобеи ҷумҳурӣ, 8 муроҷиати хаттӣ ва 60 муроҷиати шифоҳӣ ба шаҳрвандони хориҷӣ тааллуқ доранд.

Давоми соли 2020 ба кумитаву комиссияҳои Маҷлиси намояндагон 391 ва шуъбаҳои дастгоҳи Маҷлиси намояндагон 23 муроҷиати хаттӣ ворид гардидаанд. Аксари муроҷиатҳо тибқи тобеият барои баррасӣ ва андешидани тадбирҳои зарурӣ ба Ҳукумати Ҷумҳурии Тоҷикистон, мақомоти ҳифзи ҳуқуқ, вазорату идораҳои дахлдор, мақомоти иҷроияи ҳокимияти давлатии вилоятҳо ва шаҳру ноҳияҳо фиристода шудаанд.

Аз 391 муроҷиати хаттӣ баррасии 354 адади он таҳти назорат  қарор дода шуда, аз ин шумора талабу дархости 246 нафар муроҷиаткунанда пурра, муроҷиати 25 нафар қисман ҳалли худро ёфтааст. Ба 83 нафар муроҷиаткунанда моҳияти мавзӯи дар муроҷиат ба миён гузошташуда фаҳмонда шуда, ба талаботи қонунҳои амалкунанда мутобиқ набудани ин муроҷиатҳо шарҳ дода шудааст. Айни ҳол, 60 муроҷиатҳои шаҳрвандон зери назорати кумитаҳо ва  сохторҳои дигари Маҷлиси намояндагон  қарор доранд.

Вакилони Маҷлиси намояндагон ва кормандони дастгоҳи он муроҷиатҳои шаҳрвандонро дар муҳлатҳои  муайянгардида баррасӣ намуда, ҷиҳати сари вақт андешидани тадбирҳо, пешгирӣ ва бартарафсозии воридшавии такрории муроҷиатҳо ба Маҷлиси намояндагон ва мақомоти давлатӣ корҳои назаррас ба сомон расонидаанд.

Дар ҷаласаи Шӯро ҳамчунин таъкид карда шуд, ки таҳлилҳо аз он гувоҳӣ медиҳанд, ки шумораи муроҷиатҳои ба Маҷлиси намояндагон воридгардидаи шаҳрвандон ҳанӯз ҳам зиёд аст. Ин ҳолат пурра истифода нашудани ваколату имконияти масъулини мақомоти иҷроияи ҳокимияти давлатии шаҳру ноҳияҳо ва баъзе вазорату идораҳои дахлдорро дар самти ҳал намудани муроҷиатҳои шаҳрвандон нишон  медиҳад.

Февраль 8, 2021 13:50

Хабарҳои дигари ин бахш

Тадбирҳои мубориза бо муҳоҷирати ғайриқонунӣ дар давлатҳои аъзои Созмони Аҳдномаи амнияти дастҷамъӣ пешниҳод гардиданд
Дар Душанбе вазъ ва дурнамои ҳамкории байнипарлумонии Тоҷикистон ва Гурҷистон баррасӣ шуд
Рустами Эмомалӣ ба Валентина Матвиенко ва Вячеслав Володин барқияи изҳори тасаллӣ ирсол намуданд
БАР ЗИДДИ ИФРОТГАРОИВУ ТЕРРОРИЗМ САРҶАМЪОНА МУБОРИЗА БАРЕМ. Андешаҳо дар ҳошияи мулоқоти Президенти Тоҷикистон бо намояндагони ҷомеа ва ходимони дин
Дар Маҷлиси намояндагони Маҷлиси Олии Ҷумҳурии Тоҷикистон созишномаҳо ба тасвиб расиданд
САРМОЯИ ИНСОНӢ. Рушд ва самаранокии истифодаи сармояи инсонӣ барои давлату Ҳукумат аҳамияти аввалиндараҷа дорад
Дар Маҷлиси намояндагони Маҷлиси Олии Ҷумҳурии Тоҷикистон Рӯзи Модар пуршукуҳ таҷлил гардид
НАҚШИ ЗАНОН ДАР ПАРЛУМОНИ ТОҶИКИСТОН. 8 зан аъзои Маҷлиси миллӣ ва 16 нафар вакили Маҷлиси намояндагон мебошанд
Дар Душанбе бахшида ба Соли маърифати ҳуқуқӣ ҳамоиш баргузор гардид
Имрӯз дар шаҳри Душанбе иҷлосияи ҳабдаҳуми Маҷлиси миллии Маҷлиси Олии Ҷумҳурии Тоҷикистон, даъвати шашум баргузор гардид
Дар Маҷлиси намояндагони Маҷлиси Олии Ҷумҳурии Тоҷикистон созишномаҳо ба тасвиб расиданд
Дар Душанбе ҷаласаи Шурои Маҷлиси миллии Маҷлиси Олии Ҷумҳурии Тоҷикистон баргузор гардид