Хуршед Икромӣ: Дар хизматрасонии «Худро бисанҷ» то 40 фоизи саволу масъалаҳои тестии имтиҳонҳо ҷой дода шудаанд

Февраль 19, 2021 15:11

ДУШАНБЕ, 19.02.2021 /АМИТ «Ховар»/. Хизматрасонии «Худро бисанҷ» тибқи тарҳи нави маҷмӯи фанҳои имтиҳонӣ ба мазмуну мундариҷаи саволу масъалаҳои тест, шумора ва пайдарпайии ҷойгиршавии онҳо вобаста аз навъашон дар саволномаи тест ва меъёри холгузорӣ ба ҳолати воқеии ИМД мувофиқ кунонида шудааст, ки бо истифода аз хизматрасонии мазкур довталабон ва дигар хоҳишмандон имкон доранд дониши худро дар доираи имтиҳони қисми А (имтиҳон дар заминаи таҳсилоти умумӣ) ё қисми Б (имтиҳон дар заминаи таҳсилоти умумии асосӣ) бисанҷанд. 

Дар ин бора директори Маркази миллии тестии назди Президенти Ҷумҳурии Тоҷикистон Хуршед Икромӣ имрӯз зимни нишасти матбуотӣ ба хабарнигорон иттилоъ дод.

Хуршед Икромӣ гуфт, ки барои ташвиқи бештари хонандагон ба донишандӯзию омодагӣ барои имтиҳонҳо эълон карда шуд, ки соли 2020 дар ҳар субтести имтиҳон то 40 фоизи саволу масъалаҳои тестии имтиҳонҳо аз маҷмӯаҳои саволу масъалаҳои тестии солҳои пеш истифода мешавад. Бо мақсади омодагӣ ба ИМД довталабон имкон доштанд, ки аз хизматрасонии «Худро бисанҷ», ки дар ҳолати бархат (онлайн) дастрас аст, истифода намоянд ва ба ин восита дараҷаи донишу малакаи худро санҷанд, бо намунаи саволу масъалаҳои барои ИМД пешбинишуда, бар замми ин, бо тарзи иҷрои тестҳои имтиҳон шинос шаванд. Омори истифода аз ин хизматрасонӣ низ нишон медиҳад, ки на ҳамаи довталабон аз он истифода мекунанд. Ҳол он ки ба ҳар як довталаб донистани тарзи иҷрои тест хеле муҳим аст, зеро ин имкон медиҳад, ки ӯ дар вақти имтиҳони воқеӣ ба хато роҳ надиҳад, бахусус тарзи дуруст пур кардани варақаи ҷавобҳоро донад.

Дар ҷараёни нишаст зикр гардид, ки соли 2020 шумораи умумии шаҳру ноҳияҳое, ки дар онҳо нуқтаҳои доимии бақайдгирӣ ташкил карда шуд, нисбат ба ҳамин нишондиҳандаи соли 2019 2 ва нисбат ба соли 2018 5 адад зиёд гардид.

Ҳамчунин зимни нишаст иброз гардид, ки дар соли сипаригардида таҷрибаи нави Марказ- истифодаи кабинетҳои инфиродӣ, ки барои ҳар як довталаб баъди аз қайд гузаштанаш кушода шуд, яъне равиши нави барқарорсозии рамзи кабинети инфиродӣ тавассути паёмак (SMS)  кори довталабонро хеле осон кард, зеро муроҷиатҳо дар мавзӯи барқарорсозии рамз кам гардид.

Ба гуфти Хуршед Икромӣ, бинобар вазъи ба амал омада дар робита ба пандемияи COVID-19 марҳалаи иловагии бақайдгирӣ ва аз нав бақайдгирӣ, ки солҳои пеш дар нуқтаҳои бақайдгирии танҳо шаҳри Душанбе ба роҳ монда мешуд, инчунин дар нуқтаҳои бақайдгирии шаҳрҳои Хуҷанд, Хоруғ, Бохтар ва Кӯлоб низ баргузор карда шуд.

«Навгонии дигаре, ки бинобар вазъи баамаломада дар робита ба пандемияи COVID-19 дар марҳалаи иловагии бақайдгирӣ ва аз навбақайдгирӣ ба роҳ монда шуд, ба довталабони дар ин марҳала номнависшаванда додани имкони интихоби макони имтиҳонсупорӣ дар яке аз шаҳрҳо- Душанбе, Хуҷанд, Хоруғ, Бохтар ва Кӯлоб буд, ки солҳои пеш ин гуна довталабон чунин имконият надоштанд. Шумораи умумии довталабони дар ду марҳалаи асосӣ ва иловагии бақайдгирӣ барои иштирок дар ИМД-2020 дар заминаи таҳсилоти миёнаи умумии синфи 11-ум, ибтидоӣ ва миёнаи касбӣ номнависшуда 100 398 нафарро ташкил дод, ки ин шумора нисбат ба ҳамин соли 2019  5624 нафар,  яъне 5,93 фоиз зиёд мебошад»,- иброз дошт мавсуф.

Февраль 19, 2021 15:11

Хабарҳои дигари ин бахш

«ХУШБАХТ ҲАМОН ХОНА, КИ МОДАР ДОРАД…». Ба Рӯзи Модар бахшида мешавад
Имрӯз дар Душанбе бахшида ба Рӯзи Модар даври ҷумҳуриявии Фестивали «Чакомаи гесӯ» ҷамъбаст гардид
Дар шаҳри Хуҷанд бахшида ба Рӯзи Модар маҳфили «Ширу шакар» доир шуд
Рӯзи Модар дар вилояти Суғд бо барномаи рангини ҳунарӣ таҷлил гардид
АМИТ «Ховар» муҳлати озмун барои дарёфти хабарнигорон, муҳаррирон ва тарҷумонҳоро то 20 март тамдид намуд
«МАРАВ ҚУИ САФЕДИ МАН …». 144 сол қабл дар Москва бори аввал дар ҷаҳон балети «Кӯли қувон» намоиш ёфт. Баъдтар шоҳкори мусиқии Чайковский дар саҳнаи театри тоҷик низ ба саҳна гузошта шуд
Дар саросари Тоҷикистон тӯли 15 рӯз маҳфили идонаи «Ширу шакар» баргузор мегардад
ҚУЛЛАИ РАҲИМ МАСОВ. Боз як қуллаи дигари Помир тағйири ном кард
Сезин Синаноғлу: СММ барои рушди сайёҳӣ дар Тоҷикистон ҳамкории фарогир ба роҳ мемонад
Бахшида ба Рӯзи Модар аксияи «Фидои дасти дуои модар» доир мегардад
Дар Донишкадаи давлатии фарҳанг ва санъат озмунҳои «Чакомаи гесӯ», «Сад ранги чакан» ва «Кадбонуи беҳтарин» доир шуданд
«Инъикоси дастовардҳои истиқлолият дар матбуоти даврӣ». Таҳти ин унвон дар Китобхонаи миллӣ ҳамоиш доир шуд

Маводҳои таҳлилӣ