Ҳимояи Ватан ифтихору шараф аст,-бардошт аз ҳамоиши идона дар шаҳри Хоруғ

Февраль 23, 2021 11:04

ХОРУҒ, 23.02.2021 /АМИТ «Ховар»/. Дар толори  Донишгоҳи давлатии  Хоруғ (ДДХ) ба номи Моёншо Назаршоев бахшида ба Рӯзи таъсиси Қувваҳои Мусаллаҳи Ҷумҳурии Тоҷикистон ҳамоиши тантанавӣ баргузор гардид.

Дар он муовини раиси Вилояти Мухтори Кӯҳистони Бадахшон Назира Амирбекзода, ректори донишгоҳ – доктори илмҳои физикаю математика, профессор Гулзорхон Юсуфзода, корманди дастгоҳи раиси вилоят Нилуфар Асламшоева, муовинони ректор, устодону кормандон ва донишҷӯёни донишгоҳ иштирок намуданд.

Гулзорхон  Юсуфзода ҳозиринро бо ҷашни Артиши миллӣ табрик намуда, изҳор дошт, ки расо 28 сол пеш, 23 феврали 1993 дар рӯзҳои басо душвору таърихӣ Қувваҳои Мусаллаҳи Ҷумҳурии Тоҷикистон таъсис ёфтанд ва дар печутоби роҳи душвори истиқлол, таҳкими Ваҳдати миллӣ чун ҳомӣ ва сипари давлату миллат хизмат намуданд.

«Артиши ҷавони миллӣ дар солҳои фоҷеабори ҷанги шаҳрвандӣ дар ҳамкорӣ бо мақомоти ҳифзи ҳуқуқ ва дигар сохторҳои қудратии мамлакат баҳри ҳифзи Истиқлоли давлатӣ, ҳимояи марзу буми Ватан, безараргардонии гурӯҳҳои ифротгарою ҷинояткор саҳми босазо гузошт. Дар ин муддати нисбатан кӯтоҳи таърихӣ ҷузъу томҳои он ба неруи қудратманди низомӣ, муҳофизи сулҳу субот ва фазои орому осудаи мамлакат табдил ёфта, ҳоло ба Ватан ва халқи худ содиқона хизмат мекунанд».

Ректори донишгоҳ  зикр кард, ки Артиши миллӣ бо дастгириву таваҷҷуҳи пайвастаи Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва Ҳукумати Ҷумҳурии Тоҷикистон тавре таҳкиму тақвият ёфт, ки имрӯз ба куллӣ қодир аст давлати моро аз ҳар гуна хатару таҳдидҳо муҳофизат намояд.

Муовини раиси вилоят Назира Амирбекзода аз номи муовини Раиси Маҷлиси миллии Маҷлиси Олии Ҷумҳурии Тоҷикистон, Раиси Вилояти Мухтори Кӯҳистони Бадахшон Ёдгор Файзов аҳли толорро ба ифтихори ид табрик намуда, иброз дошт, ки «муҳофизу ҳимоятгари Ватан будан  осон набуда, он заҳмати зиёд, бедорию зиракӣ, иродаву қатъият, устувориву матонат, ҷасорату далерӣ, душворписандӣ ва ҷонбозию фидокорӣ мехоҳад. Бе муболиға, имрӯз гуфтан ҷоиз аст, ки Қувваҳои мусаллаҳи кишвар бо омодагии баланди сиёсию ҳарбӣ зиндагӣ ва меҳнати осоиштаи халқу кишварро таъмин намуда, дар муқобили аъмоли зишти ҷомеа ва ҳифзи рифоҳу амнияти миллӣ ҳиссаи сазовор доранд».

Ба муносибати Рӯзи Артиши миллӣ як гурӯҳ устодону донишҷӯён ва варзишгарон бо ифтихорнома, сипоснома ва медал сарфароз гардонида шуданд.

Февраль 23, 2021 11:04

Хабарҳои дигари ин бахш

Дар Кӯлоб Рӯзи таъсиси Қувваҳои Мусаллаҳи Ҷумҳурии Тоҷикистонро пуршукӯҳ таҷлил намуданд
«Бар Ватан содиқам!». Таҳти ин унвон дар Душанбе ҳамоиши афсарону сарбозон доир гардид
Фаъолзанони шаҳри Хуҷанд бо шароити зист ва хизмати сарбозон шинос шуданд
Дар Муъминобод Рӯзи Қувваҳои Мусаллаҳи Ҷумҳурии Тоҷикистон бошукӯҳ таҷлил гардид
Ба ифтихори Рӯзи Артиши миллӣ дар Донишкадаи давлатии фарҳанг ва санъат ҳамоиш доир шуд
Дар Душанбе таҳти унвони «Дастовардҳои даврони истиқлол дар низоми ҳарбии кишвар: ҳолат ва дурнамо» конференсияи илмӣ-назариявӣ доир шуд
Ба шарафи Рӯзи Қувваҳои Мусаллаҳи Тоҷикистон дар Сангвор бо хизматчиёнии ҳарбӣ мулоқот доир шуд
Дар Бохтар 28-умин солгарди таъсиси Қувваҳои Мусаллаҳ бошукӯҳ таҷлил карда шуд
«БА ВАТАН СОДИҚАМ!». Таҳти ин унвон дар Душанбе бахшида ба Рӯзи таъсиси Қувваҳои Мусаллаҳ аксияи ҷумҳуриявӣ доир мешавад
Вазири корҳои дохилӣ Рамазон Раҳимзода: Соли 2020 аз ҳама зиёд ҷиноятҳои дуздӣ ва қаллобӣ ба қайд гирифта шудаанд
Саймумин Ятимов бо ҳайати баландпояи мақомоти марзбонӣ ва кор бо муҳоҷирини Иттиҳоди Аврупо мулоқот намуд
Вазири корҳои дохилӣ Рамазон Раҳимзода: 1091 ҷинояти дорои хусусияти террористӣ-экстремистӣ ошкор гардид

Маводҳои таҳлилӣ