Имрӯз се паҳлавонони маъруфи тоҷик дар мусобиқаи Tel Aviv Grand Slam-2021 бо ҳарифҳояшон рақобат мекунанд

Февраль 19, 2021 13:20

ДУШАНБЕ, 19.02.2021 /АМИТ «Ховар»/. Имрӯз  се паҳлавонони   маъруфи тоҷик — Сомон Маҳмадбеков, Беҳрӯз Хоҷазода (ҳарду дар вазни -73кг)  ва Акмал Муродов (-81кг)  дар мусобиқаи Tel Aviv Grand Slam – 2021 бо ҳарифҳояшон рақобат мекунанд.

Тавре аз Федератсияи дзюдои Тоҷикистон ба шореҳи  варзиши АМИТ «Ховар» Меҳрони  Қурбон хабар доданд, мусобиқаи мазкур  18 феврал оғоз шуда, дар рӯзи якуми  он рақобатҳо миёни бонувон дар вазнҳои -48кг, -52кг, -57кг ва миёни мардон дар ду вазн -60кг ва 66-кг сурат гирифтанд.

Тавре АМИТ “Ховар” қаблан иттилоъ дода буд, дар мусобиқаи мазкур  шаш варзишгари маъруфи тоҷик — Сомон Маҳмадбеков, Беҳрӯз Хоҷазода (ҳарду дар вазни -73кг), Акмал Муродов (-81кг), Комроншоҳ Устопириён (-90кг), Темур Раҳимов, Шакармамад Мирмамадов (+100кг)  иштирок доранд.

Дар мусобиқаи мазкур иштироки 437 нафар варзишгар (254 мард, 183 зан) аз 63 давлат дар назар аст.

Бонувон

-48 кг

1.Ширин Бокули (Фаронса)

  1. Даря Белодед (Украина)
  2. Андреа Стоядинов (Сербия)

-52 кг

  1. Челси Ҷайлс (Британияи Кабир)
  2. Гили Коэн (Исроил)

3.Река Пуп (Маҷористон)

-57 кг

  1. Тимна Нелсон-Леви (Исроил)
  2. Сара-Леони Сизик (Фаронса)

3.Этери Липертиана (Гурҷистон)

Мардон

-60 кг

1.Довуд Маҳмадсойи, (Озарбойҷон)

2.Темур Нозадзона (Гурҷистон)

  1. Гусман Кыргызбаев (Қазоқистон)

-66кг

1.Мартин Алберто (Испания)

2.Дмитрий Минкоу (Белоруссия)

3.Сардор Нураллиев (Ӯзбекистон)

Ба ғолибон ва ҷоизадорони мусобиқаи  «Tel Aviv Grand Slam» дар баробари медал ҷоизапулӣ низ тақдим карда мешавад. Барои ғолибон 5000 доллари ИМА, барои ҷои дуюм 3000 доллар ва барои ду ҷои сеюм 1500-долларӣ дар назар дошта шудааст.

Ҳамчунин варзишгарон вобаста ба мавқеашон соҳиби холҳо мегарданд, ки аз рӯи он раддабандии ҷаҳонӣ ва олимпӣ шакл мегирад. Аз ҷумла, варзишгароне, ки ҷои аввалро мегиранд, 1000 хол, ҷои дуюм – 700 ва ҷои сеюм 500 хол ба даст меоранд.

Ёдовар мешавем, ки дар намуди дзюдо варзишгарон танҳо аз рӯи раддабандии олимпӣ ҳаққи иштирок дар Бозиҳои олимпиро пайдо мекунанд. То анҷоми марҳилаи интихобӣ – 28 июни соли 2021 22 нафари беҳтарини ҳар категорияи вазнӣ соҳиби роҳхат ба Бозиҳои олимпии Токио-2021 мегарданд.

Ин дуюмин мусобиқа аз силсиламусобиқаҳои Федератсияи байналмилалии дзюдо дар соли 2021 мебошад. Моҳи январ дар Давҳаи Қатар мусобиқаи ситораҳои дзюдо баргузор гардид, ки дар он аз кишвари мо се варзишгар – Сомон Маҳмадбеков, Беҳрӯз Хоҷазода ва Темур Раҳимов иштирок намуданд. Натиҷаи беҳтарро дар ин мусобиқа Темур Раҳимов нишон дод – ӯ дар вазни +100кг ҷои панҷумро ишғол кард.

Варзишгарони тоҷик Сомон Маҳмадбеков, Беҳрӯз Хоҷазода, Комроншоҳ Устопириён, Темур Раҳимов ва Шакармамад Мирмамадов аз дастгирии молиявии олимпии Кумитаи миллии олимпии Тоҷикистон бархурдоранд ва барои ба даст овардани роҳхати олимпӣ талош мекунанд.

Хотиррасон мешавем, ки аз 18 то 20  феврал  дар пойтахти Исроил – шаҳри Тел Авив мусобиқаи навбатӣ оид ба дзюдо – «Tel Aviv Grand Slam» баргузор мешавад.

Февраль 19, 2021 13:20

Хабарҳои дигари ин бахш

Аъзои дастаи мунтахаби наврасони Тоҷикистон (U-17) бар ҳамсолонашон аз Фиҷи пирӯз шуданд
«KING’S CUP 2026». Имрӯз дастаи мунтахаби Тоҷикистон дар даври нимниҳоии мусобиқа бо тими яккачини Умон бозӣ мекунад
Дастаи мунтахаби Тоҷикистон оид ба футзал бозии дӯстонаи дуюмро бо Узбекистон мусовӣ анҷом дод
Дастаи мунтахаби ҷавонони Тоҷикистон (U-20) дар оғози Мусобиқаи «Рanda Сup-2026» бо Кореяи Ҷанубӣ ҳисоби бозиро мусовӣ кард
Дастаи мунтахаби Тоҷикистон омодагӣ ба мусобиқаи «Кing’s Сup 2026»-ро оғоз кард
Паҳлавонони тоҷик аз Чемпионати ҷаҳон оид ба самбо бо шаш медали ифтихорӣ бармегарданд
Дастаи мунтахаби наврасони Тоҷикистон (U-17) бо дастаи Кот-д’Ивуар мусовӣ бозӣ намуд
Президенти Кумитаи миллии паралимпии Тоҷикистон дар ҷаласаи Кумитаи байналмилалии паралимпӣ иштирок намуд
Дастаи мунтахаби футзали Тоҷикистон бозии дӯстонаи якумро бо дастаи Узбекистон анҷом дод
Ҷоми Осиё-2027 оид ба футбол аз моҳи декабри соли 2027 то январи 2028 доир мешавад
Ҳайати дастаи мунтахаби Тоҷикистон барои иштирок дар Мусобиқаи «Кing’s Сup-2026» муайян шуд
Дастаи мунтахаби наврасони Тоҷикистон дар Дубай се бозии дӯстона анҷом медиҳад